- મહારાષ્ટ્રના યવતમાલ નાગપુર હાઇવે પર અકસ્માત
- ઇનોવા કારે ઉભેલા ટ્રકને મારી ટક્કર
- કારમાં સવાર 5માંથી 4ના મોત
મહારાષ્ટ્રના યવતમાલ નાગપુર હાઈવે પર કલંબ પાસે એક ગમખ્વાર અકસ્માત થયો હોવાનું સામે આવ્યું છે. હાઇવે પર ઉભેલી ટ્રકને પાછળથી એક ઝડપી ઇનોવા કારે ટક્કર મારી હતી. વહેલી સવારની આ ઘટના છે. ઈનોવા કારમાં કુલ 5 લોકો મુસાફરી કરી રહ્યા હતા જેમાંથી ચારના મોત થયા હતા અને એક ગંભીર રીતે ઘાયલ થયો હતો.
દર્શન કરવા જઇ રહ્યો હતો પરિવાર
જણાવવામાં આવી રહ્યું છે કે અકસ્માતમાં મૃત્યુ પામેલા લોકોમાં કેટલાક પંજાબના રહેવાસી હતા અને નાંદેડ સ્થિત ગુરુદ્વારામાં દર્શન કરવા જઈ રહ્યા હતા.
કાર ચાલકે ગુમાવ્યો કાબૂ
ચાપરડા ગામ પાસે કાર ચાલકે કાબુ ગુમાવતા કાર સામેથી આવતી ટ્રક સાથે અથડાઈ હતી. ટક્કર એટલી જોરદાર હતી કે કારનો આગળનો ભાગ સંપૂર્ણ કચડાઈ ગયો હતો. કારમાં એરબેગ્સ નહોતી. જેના કારણે અંદર બેઠેલા લોકોને ગંભીર ઈજાઓ પહોંચી હતી અને ચાર લોકોના ઘટનાસ્થળે જ મોત થયા હતા.
