મહારાષ્ટ્રમાં સીએમ પદને લઈને અત્યાર સુધી સસ્પેન્સ છે. આવી સ્થિતિમાં આજે મહાયુતિની બેઠક યોજાવા જઈ રહી છે, જે બાદ સ્પષ્ટ થઈ શકે છે કે મહારાષ્ટ્રના સીએમ કોણ બનશે. જો કે અત્યાર સુધી દેવેન્દ્ર ફડણવીસનું નામ સીએમ પદ માટે સૌથી વધુ ચર્ચામાં છે, પરંતુ ભાજપ પણ છેલ્લી ઘડીએ પોતાના નિર્ણય બદલવા માટે જાણીતું છે. આવી સ્થિતિમાં મહાયુતિની બેઠક બાદ જ કોઈ નક્કર સમાચાર બહાર આવી શકે છે.


બીજેપીના જ બનશે મુખ્યમંત્રી પણ કોણ ? 

  • દેવેન્દ્ર ફડણવીસ સીએમ પદના પ્રબળ દાવેદાર જણાય છે. આ એટલા માટે કારણ કે એકનાથ શિંદેએ તાજેતરમાં પ્રેસ કોન્ફરન્સ દરમિયાન સંકેત આપ્યો હતો કે તેઓ પોતે સીએમ પદની રેસમાં નથી અને આગામી સીએમ માત્ર બીજેપીના જ હશે.
  • શિંદેએ પત્રકાર પરિષદમાં કહ્યું હતું કે તેઓ સંતુષ્ટ છે અને ક્યારેય અવરોધ નહીં બને. તેમણે કહ્યું હતું કે ભાજપ જે પણ નિર્ણય લેશે, મારી શિવસેના તેનું સમર્થન કરશે. 
  • શિંદેએ એમ પણ કહ્યું હતું કે દિલ્હીમાં મહાયુતિના ત્રણેય પક્ષોની બેઠક થશે, જેમાં સરકારની રચના અને શિવસેનાની ભાગીદારી અંગે ચર્ચા કરવામાં આવશે. ત્યાર બાદ નક્કી થશે કે કોણ સીએમ બનશે.

મહારાષ્ટ્ર વિધાનસભા ચૂંટણીમાં મહાયુતિની બમ્પર જીત

Also Read

મહારાષ્ટ્ર વિધાનસભા ચૂંટણીમાં મહાયુતિને જંગી જનાદેશ મળ્યો છે. મહાયુતિ ગઠબંધનને 288માંથી 230 બેઠકો મળી છે. જેમાં ભાજપે એકલા હાથે 132 સીટો જીતી છે. જ્યારે શિવસેનાએ 57 અને એનસીપીએ 41 બેઠકો જીતી છે. આવી સ્થિતિમાં ભાજપે મહત્તમ બેઠકો મેળવીને મોટા ભાઈની ભૂમિકા નિભાવી છે અને તેના આધારે મુખ્યમંત્રી પદને લઈને અટકળો લગાવવામાં આવી રહી છે કે મુખ્યમંત્રી ભાજપના જ હશે.

સાંજે 5.30 કલાકે બેઠક

સૂત્રોને ટાંકીને સમાચાર છે કે મહારાષ્ટ્રના કાર્યવાહક મુખ્યમંત્રી એકનાથ શિંદે આજે સાંજે 4 વાગ્યે દિલ્હી પહોંચશે. મુખ્યમંત્રીને લઈને સાંજે 5:30 વાગ્યે ગૃહમંત્રી અમિત શાહ સાથે મહાયુતિના નેતાઓની બેઠક છે.

બુધવારે રાત્રે પણ થઇ બેઠક

શિંદે પોતાને સીએમ રેસમાંથી બહાર નીકળતા હવે આ રેસમાં  દેવેન્દ્ર ફડણવીસ આગળ છે. જો કે આગામી મુખ્યમંત્રી કોણ હશે તે અંગે ભાજપમાં બેઠકોનો દોર ચાલી રહ્યો છે. બુધવારે રાત્રે નવા મુખ્યમંત્રીના નામની જાહેરાત કરવા માટે ગૃહમંત્રી અમિત શાહ અને પાર્ટીના મહાસચિવ વિનોદ તાવડે વચ્ચે દિલ્હીમાં મહત્વપૂર્ણ બેઠક યોજાઈ હતી. જે 40 મિનિટ સુધી ચાલી હતી. ત્યારે આજે સાંજે વધુ એક મીટિંગ થશે. 

  • Follow us on: