મણિપુરમાં શાંતિ પુનઃસ્થાપિત કરવાના પ્રયાસો યુદ્ધના ધોરણે ચાલુ છે. આ અભિયાનમાં સુરક્ષા દળોને મોટી સફળતા મળી છે. ભારતીય સેના, આસામ રાઈફલ્સ, પોલીસ અને અન્ય સુરક્ષા એજન્સીઓએ મોટી કાર્યવાહી હાથ ધરી હતી. જેમાં 6 આતંકવાદીઓની ધરપકડ કરવામાં આવી છે. આ દરમિયાન મોટી માત્રામાં હથિયાર, ગ્રેનેડ, કારતૂસ અને અન્ય વસ્તુઓ મળી આવી હતી. આ ઓપરેશન 4 થી 5 એપ્રિલની વચ્ચે ઈમ્ફાલ ઈસ્ટ, કાકચિંગ, ઈમ્ફાલ વેસ્ટ, ચુરાચંદપુર અને વિષ્ણુપુર જિલ્લામાં હાથ ધરવામાં આવ્યા હતા. આ સંયુક્ત ઓપરેશનમાં મણિપુર પોલીસ, CRPF, BSF અને ITBP પણ સામેલ હતા.
સેના અને પોલીસે ઇમ્ફાલ પૂર્વના કર્પુર સંઘ વિસ્તારમાંથી બે આતંકવાદીઓની ધરપકડ કરી અને એક પિસ્તોલ કબજે કરી. ચાંદપુર, વિષ્ણુપુરમાંથી 1 SLR, 1 કાર્બાઈન, 1 રાઈફલ (.303) અને 1 ડબલ બેરલ બંદૂક રીકવર કરી. આ સિવાય ઇમ્ફાલ પશ્ચિમના ખોંગમ પટમાંથી હથિયારોનો જથ્થો મળી આવ્યો હતો. તેમાં 1 SLR, 1 રાઇફલ (.303), ટેલિસ્કોપ સાથેની 1 બંદૂક, એક પિસ્તોલ (.177), 2 પિસ્તોલ અને દારૂગોળો સામેલ છે.
