- કથિત દારુ કૌભાંડમાં આપના રાજ્યસભા સાંસદ સંજય સિંહ પર હાજર રહ્યાં
- મનીષ સિસોદિયાની ન્યાયિક કસ્ટડી આજે સમાપ્ત થઈ રહી છે જેની સુનાવણી
- દિલ્હીના ડેપ્યુટી સીએમ મનીષ સિસોદિયા દારુ કૌભાંડમાં તિહાર જેલમાં બંધ છે
દિલ્હીમાં કથિત દારૂ કૌભાંડ કેસના આરોપી દિલ્હીના પૂર્વ ડેપ્યુટી સીએમ અને આમ આદમી પાર્ટીના નેતા મનીષ સિસોદિયાને શનિવારે 6 એપ્રિલના રોજ રાઉઝ એવન્યુ કોર્ટમાં રજૂ કરવામાં આવ્યાં જેમાં રાઉઝ એવન્યુ કોર્ટે મનીષ સિસોદિયાની ન્યાયિક કસ્ટડી 18 એપ્રિલ સુધી લંબાવી છે.
મની લોન્ડરિંગ કેસમાં મનીષ સિસોદિયાને રાઉઝ એવન્યુ કોર્ટે ઝટકો આપ્યો
દિલ્હી એક્સાઇઝ પોલિસી કૌભાંડ કેસમાં છેલ્લા એક વર્ષથી જેલમાં રહેલા દિલ્હીના પૂર્વ નાયબ મુખ્યમંત્રી મનીષ સિસોદિયાને શનિવારે પણ કોર્ટમાંથી રાહત મળી નથી. દિલ્હીની રાઉઝ એવન્યુ કોર્ટે તેને જામીન આપવાનો ઇનકાર કર્યો છે અને તેની ન્યાયિક કસ્ટડી 18 એપ્રિલ સુધી લંબાવી છે. એક્સાઇઝ કૌભાંડ સાથે જોડાયેલા મની લોન્ડરિંગ કેસમાં આરોપી મનીષ સિસોદિયાને રાઉઝ એવન્યુ કોર્ટે ફરી એકવાર ઝટકો આપ્યો છે.
આ કેસમાં સંજય સિંહને જામીન મળ્યાં હતા
આ કેસમાં આમ આદમી પાર્ટીના રાજ્યસભા સાંસદ સંજય સિંહને જામીન મળી ગયા છે પરંતુ કેસની સુનાવણીમાં આવવું જરૂરી છે. મનીષ સિસોદિયાની ન્યાયિક કસ્ટડી આજે સમાપ્ત થઈ રહી છે. ઘણા મહિનાઓ પછી બંને કોર્ટ રૂમમાં સાથે હાજર છે.
મનીષ સિસોદિયાએ જેલમાંથી બહાર આવવાની આશા વ્યક્ત કરી
અગાઉ મનીષ સિસોદિયાએ તિહાર જેલમાંથી તેમના મતવિસ્તારના લોકોને એક પત્ર લખ્યો હતો, જેમાં તેમણે સ્વતંત્રતા સેનાનીઓ પર અંગ્રેજો દ્વારા કરવામાં આવેલા અત્યાચાર સાથે તેમની સ્થિતિની તુલના કરી હતી અને શિક્ષણ પ્રત્યે તેમની પ્રતિબદ્ધતા વ્યક્ત કરી હતી. દિલ્હી એક્સાઇઝ પોલિસી કૌભાંડ કેસમાં ધરપકડ કરાયેલા દિલ્હીના પૂર્વ નાયબ મુખ્યમંત્રી સિસોદિયાએ પણ આશા વ્યક્ત કરી છે કે તેઓ ટૂંક સમયમાં જેલમાંથી બહાર આવશે.
શું કહ્યું હતું પત્રમાં?
તેણે કહ્યું, જલ્દી બહાર મળીશું. અંગ્રેજ શાસકોને પણ સત્તાનો ઘમંડ હતો અને લોકોને ખોટા કેસમાં જેલમાં મોકલ્યા હતા.તેમણે કહ્યું કે મહાત્મા ગાંધી અને નેલ્સન મંડેલા તેમના પ્રેરણાસ્ત્રોત છે, જેમણે ઘણા વર્ષો જેલમાં વિતાવ્યા હતા. AAP નેતા સિસોદિયાના જામીનની સુનાવણી શનિવારે દિલ્હીની એક કોર્ટમાં ચાલી રહી છે. પૂર્વ દિલ્હીમાં પોતાના વિધાનસભા ક્ષેત્ર પટપરગંજના લોકોને લખેલા પત્રમાં સિસોદિયાએ કહ્યું કે, જે રીતે લોકોએ દેશની આઝાદી માટે લડ્યા હતા તે રીતે સારા શિક્ષણ અને શાળાઓ માટે સંઘર્ષ ચાલી રહ્યો છે.
મત વિસ્તારના લોકો પ્રત્યે તેમનો પ્રેમ વધ્યો છે અને તેઓ તેમની તાકાત છે
ધરપકડ પહેલા કેજરીવાલ સરકારમાં શિક્ષણ મંત્રી રહેલા મનીષ સિસોદિયાએ પત્રમાં કહ્યું હતું કે, શિક્ષણ ક્રાંતિ દીર્ઘજીવંત રહે. તમને સૌને પ્રેમ કરું છું. તેમણે કહ્યું કે, જેલમાં તેમની સજા દરમિયાન તેમના મત વિસ્તારના લોકો પ્રત્યે તેમનો પ્રેમ વધ્યો છે અને તેઓ તેમની તાકાત છે. તેમણે કહ્યું કે બ્રિટિશ શાસકોની સરમુખત્યારશાહી છતાં આઝાદીનું સપનું સાકાર થયું. એ જ રીતે દરેક બાળકને એક દિવસ સારું શિક્ષણ મળશે. વિકસિત દેશ માટે સારું શિક્ષણ જરૂરી છે.
