'માતંગી' બની ભારતીય નૌકાદળનું નવું શસ્ત્ર... ક્રૂ વિના 600 કિમીની કરી સફર

દેશમાં બનેલી પ્રથમ ઓટોનોમસ સરફેસ બોટ માતંગીએ શુક્રવારે નવો રેકોર્ડ બનાવ્યો હતો. આ બોટે કોઈપણ ડ્રાઈવર વગર 600 કિલોમીટરનું અંતર કાપ્યું હતું. સાગર ડિફેન્સ કંપની દ્વારા બનાવવામાં આવેલી આ બોટ મુંબઈથી તમિલનાડુના તુતિકોરિન સુધીનું અંતર કાપવાનું છે. તેના પ્રથમ સ્ટોપમાં આ બોટે ઓટોનોમસ મોડમાં 600 કિલોમીટરની સફર પૂર્ણ કરી. આ બોટની ખાસિયત એ છે કે તેનો ઉપયોગ ડ્રાઈવર સાથે કે વગર પણ થઈ શકે છે.

નેવીની સાગરમાલા પરિક્રમાને લીલી ઝંડી બતાવાઈ હતી

રક્ષા મંત્રી રાજનાથ સિંહે દિલ્હીમાં સ્વાવલંબન 2024 કાર્યક્રમ દરમિયાન નેવીની સાગરમાલા પરિક્રમાને લીલી ઝંડી બતાવી હતી. ક્રૂ વિનાની આ બોટ પણ આ કાર્યક્રમમાં સામેલ હતી. તેનું નેવીમાં જોડાવાથી નવી તાકાત મળશે. રક્ષા ક્ષેત્રમાં આત્મનિર્ભર બનવાના ભારત સરકારના પ્રયાસોમાં આ એક મોટી સિદ્ધિ છે.

વિશેષતા શું છે?

દેશમાં બનેલી આ પહેલી ઓટોનોમસ સરફેસની બોટ છે જે કોઈપણ ક્રૂ વગર ચાલી શકે છે અને પોતાનું મિશન પૂર્ણ કરી શકે છે. તેનો ઉપયોગ સર્વેલન્સ અને સુરક્ષા માટે કરવામાં આવશે. તે ઘણા પ્રકારના હાઇ-ટેક સેન્સર, હથિયારો અને ડ્રોનથી પણ સજ્જ છે, જે આ બોટને અલગ બનાવે છે.

આ બોટ દુશ્મન પર હુમલો પણ કરી શકે છે

આ બોટમાં આવા ઘણા શસ્ત્રો લગાવવામાં આવ્યા છે. જે તેને આક્રમક મિશન માટે યોગ્ય બનાવે છે. જરૂર પડવા પર આ બોટ દુશ્મન પર હુમલો પણ કરી શકે છે. એર ડ્રોનની સાથે તેમાં સાત અંડરવોટર ડ્રોન પણ છે. એર ડ્રોન હવામાં તેની રેન્જમાં વધારો કરે છે, જે મોનિટરિંગને સરળ બનાવે છે.

મુંબઈથી તુતિકોરિન સુધીનો સફર

સાગર ડિફેન્સ દ્વારા બનાવવામાં આવેલી આ બોટ સાગરમાલા પરિક્રમાના ભાગરૂપે મુંબઈથી તમિલનાડુના તુતિકોરિન સુધીની 1500 કિલોમીટરની સફર કોઈપણ ક્રૂ વિના પૂર્ણ કરશે. માતંગી સ્વદેશી રીતે વિકસિત નેવિગેશન અને અથડામણ ટાળવાના સોફ્ટવેરથી સજ્જ છે. પ્રથમ તબક્કામાં માતંગીએ મુંબઈથી કારવાર સુધીનું 600 કિલોમીટરનું અંતર ઓટોનોમસ મોડમાં કવર કર્યું છે અને હજુ તુતિકોરિન સુધી 1000 કિલોમીટરનું અંતર કાપવાનું બાકી છે.