- મિઝોરમમાં અવિરત વરસાદ વચ્ચે પથ્થરની ખાણ ધસી
- 10 લોકોના મોત અને લોકો ગુમ
- હજુ અનેક લોકો ફસાયા હોવાની આશંકા
મિઝોરમના આઈઝોલ જિલ્લામાં મંગળવારે સવારે અવિરત વરસાદ વચ્ચે પથ્થરની ખાણ ધરાશાયી થતાં 10 લોકોના મોત થયા હતા અને ઘણા લોકો ગુમ થયા હતા. તેમણે જણાવ્યું કે, આ ઘટના સવારે 6 વાગ્યાની આસપાસ આઈઝોલ શહેરની દક્ષિણ સીમા પર મેલ્થમ અને હલીમેન વચ્ચેના વિસ્તારમાં બની હતી. એક પોલીસ અધિકારીએ જણાવ્યું કે 10 મૃતદેહ મળી આવ્યા છે
બચાવ કામગીરી શરૂ
જો કે મૃતક આંક વધી પણ શકે છે. હાલ કાટમાળમાં પણ અનેક લોકો ફસાયા હોવાની આશંકા છે. જાણકારી મળતા જ રાહત અને બચાવ કામગીરી શરૂ કરી દેવામાં આવી છે. જો કે ભારે વરસાદ અને લેન્ડ સ્લાઇડને કારણે બચાવ કામગીરીમાં મુશ્કેલીનો સામનો કરવો પડી રહ્યો છે.
અનેક લોકોનું સ્થળાંતર કરાયું
આ અંગે મિઝોરમના ડીજીપીએ જણાવ્યું કે અવિરત વરસાદને કારણે આઇઝોલની બહારની બાજુમાં એક પથ્થરની ખાણ ધરાશાયી થતાં 10 લોકોના મોત થયા છે. પોલીસ કર્મચારીઓ બચાવ કાર્યમાં લાગેલા છે. નદીઓના જળસ્તર પણ વધી રહ્યા છે અને નદી કિનારા નજીકના વિસ્તારોમાં રહેતા અનેક લોકોનું સ્થળાંતર કરવામાં આવ્યું છે.
[[$googlead]]
