- મહારાષ્ટ્ર અને ગુજરાતના અનેક જિલ્લાઓમાં ભારે વરસાદ થશે
- દિલ્હી-NCRમાં 17 જુલાઈ સુધી વરસાદનું એલર્ટ
- રાજસ્થાન-યુપી સહિતના રાજ્યોમાં 3 દિવસ સુધી વરસાદની આગાહી
દેશના મોટાભાગના વિસ્તારોમાં ભારે વરસાદ પડી રહ્યો છે. પૂર્વીય ઉત્તર પ્રદેશ અને બિહારના ઘણા જિલ્લાઓમાં નદીઓ વહેતી થઈ છે. ભારતીય હવામાન વિભાગ (IMD) એ રાજધાની દિલ્હી, NCR, ગુજરાત, બિહાર અને રાજસ્થાનના ઘણા જિલ્લાઓ માટે વરસાદની ચેતવણી જારી કરી છે. ભારે વરસાદની સંભાવનાને કારણે મહારાષ્ટ્રના કેટલાક ભાગોને 13 થી 15 જુલાઈ સુધી ઓરેન્જ એલર્ટ પર મૂકવામાં આવ્યા છે.
દિલ્હી-NCRમાં 17 જુલાઈ સુધી વરસાદનું એલર્ટ
રાજધાની દિલ્હીમાં શુક્રવારે વાદળછાયું વાતાવરણ હતું. દિલ્હીના અનેક વિસ્તારોમાં હળવો વરસાદ પણ થયો હતો. સ્થાનિક હવામાન વિભાગે કહ્યું કે દિલ્હી-એનસીઆરમાં 17 જુલાઈ સુધી વરસાદ ચાલુ રહેવાની સંભાવના છે. આ સમયગાળા દરમિયાન ભેજવાળી ગરમી પણ રહી શકે છે.
મહારાષ્ટ્ર અને ગુજરાતના અનેક જિલ્લાઓમાં ભારે વરસાદ થશે
દેશના અન્ય ભાગોની વાત કરીએ તો કોંકણ, ગોવા, મધ્ય મહારાષ્ટ્ર, કર્ણાટક, ગુજરાતમાં 15 જુલાઈ સુધી અલગ-અલગ જગ્યાએ ભારે વરસાદ પડશે. 13 થી 15 જુલાઈ દરમિયાન ભારે વરસાદની સાથે સૌરાષ્ટ્ર અને કચ્છ માટે ઓરેન્જ એલર્ટ જાહેર કરવામાં આવ્યું છે.
પૂર્વી ઉત્તર પ્રદેશના ઘણા જિલ્લાઓમાં 14 જુલાઈ સુધી વરસાદની શક્યતા
હવામાન વિભાગે કહ્યું કે ઉત્તરાખંડ, પશ્ચિમ મધ્યપ્રદેશ અને છત્તીસગઢમાં આગામી ત્રણ દિવસમાં એટલે કે 15 જુલાઈ સુધી છૂટાછવાયા સ્થળોએ ભારે વરસાદની સંભાવના છે. પૂર્વી ઉત્તર પ્રદેશના ઘણા જિલ્લાઓમાં 14 જુલાઈ સુધી ભારે વરસાદની સંભાવના છે. પૂર્વ રાજસ્થાનમાં 15 જુલાઈ સુધી અને વિદર્ભમાં 13 જુલાઈ સુધી ભારે ચેતવણી જારી કરવામાં આવી છે.
દક્ષિણ ભારતના આ ભાગોમાં પણ વરસાદની આગાહી
શુક્રવારથી 15 જુલાઈ સુધી દક્ષિણ ભારતના તેલંગાણા, કેરળ, માહે અને ઉત્તર આંતરિક કર્ણાટકમાં છૂટાછવાયા સ્થળોએ ભારે વરસાદ પડશે. તટીય આંધ્રપ્રદેશ અને યાનમમાં 14 અને 15 જુલાઈ સુધી ભારે વરસાદની સંભાવના છે.
