દેશમાં વધુ એક ટ્રેન દુર્ઘટના સામે આવી છે. મધ્યપ્રદેશના જબલપુરમાં સોમનાથ એક્સપ્રેસ પાટા પરથી ઉતરી ગઈ હતી. આ દુર્ઘટના સવારે 6 વાગ્યાની આસપાસ એ સમયે થઈ જ્યારે ટ્રેન ઈન્દોરથી જબલપુર સ્ટેશન તરફ આવી રહી હતી.
મધ્યપ્રદેશના જબલપુરમાં આજે સવારે ટ્રેન અકસ્માત સર્જાયો હતો. સોમનાથ એક્સપ્રેસના બે ડબ્બા પાટા પરથી ઉતરી જતાં મુસાફરોમાં ફફડાટ ફેલાયો છે. મુસાફરો સુરક્ષિત હોવા છતાં તેમનામાં ગભરાટનો માહોલ છે. અચાનક ટ્રેન પાટા પરથી ઉતરી જવાથી મુસાફરો પણ ગુસ્સે છે, કારણ કે છેલ્લા કેટલાક મહિનાઓથી સતત ટ્રેન અકસ્માતો થઈ રહ્યા છે.
તમને જણાવી દઈએ કે આજે સવારે થયેલ ટ્રેન દુર્ઘટના સવારે લગભગ પોણા છ વાગ્યાની આસપાસ બની હતી. જબલપુર રેલવે સ્ટેશનના પ્લેટફોર્મથી લગભગ 150 મીટરના અંતરે કોચ પાટા પરથી ઉતરી ગયા હતા. પશ્ચિમ મધ્ય રેલ્વેના સીઆરપીઓ હર્ષિત શ્રીવાસ્તવે અકસ્માતની પુષ્ટિ કરતા કહ્યું કે ટ્રેન ઈન્દોરથી આવી રહી હતી, પરંતુ જબલપુર રેલ્વે સ્ટેશનના પ્લેટફોર્મ નંબર 6 તરફ જતી વખતે તેની ઝડપ ધીમી પડી અને તે પાટા પરથી ઉતરી ગઈ. પાટા પરથી ઉતરવાના કારણો હજુ સુધી જાણવા મળ્યા નથી.
