કુદરતી આફતમાં MP બન્યું મદદગાર..! કેરળ-ત્રિપુરાને 20-20 કરોડની સહાય આપવાની જાહેરાત

• મધ્યપ્રદેશ સરકારે કુદરતી આફતોથી પ્રભાવિત રાજ્યને મદદે આવ્યું
  
• કેરળ-ત્રિપુરાને 20-20 કરોડ રૂપિયાની આર્થિક સહાયની જાહેરાત કરી
• મધ્યપ્રદેશ સહિત અનેક રાજ્યો ભારે વરસાદ વચ્ચે પૂર અને ભૂસ્ખલન

મધ્યપ્રદેશ સરકારે કુદરતી આફતોથી પ્રભાવિત કેરળ અને ત્રિપુરાને 20-20 કરોડ રૂપિયાની આર્થિક સહાયની જાહેરાત કરી છે. મુખ્યમંત્રી મોહન યાદવે શ્રી કૃષ્ણ જન્માષ્ટમીના અવસર પર આ જાહેરાત કરી હતી.

મુખ્યમંત્રી મોહન યાદવે સોશિયલ મીડિયા પ્લેટફોર્મ 'X' પર એક પોસ્ટ દ્વારા જાહેરાત કરી હતી કે મધ્યપ્રદેશ સહિત અનેક રાજ્યો ભારે વરસાદ, પૂર અને ભૂસ્ખલનથી પ્રભાવિત થયા છે. ત્રિપુરા અને કેરળમાં છેલ્લા કેટલાક દિવસોમાં ખાસ કરીને ગંભીર કુદરતી આફતોનો સામનો કરવો પડ્યો છે.

સીએમ યાદવે કહ્યું, કુદરતી આફતને કારણે મોટા પાયે જાન-માલનું નુકસાન જોઈને ખૂબ જ દુઃખ થાય છે. શ્રી કૃષ્ણ જન્માષ્ટમીના શુભ પર્વ પર, મેં, મધ્યપ્રદેશ સરકાર વતી, ત્રિપુરા અને કેરળની રાજ્ય સરકારોને તેમના રાહત પ્રયત્નોમાં મદદ કરવા માટે 20-20 કરોડ રૂપિયા આપવાનું નક્કી કર્યું છે. સંકટની આ ઘડીમાં મધ્યપ્રદેશ સરકાર બંને રાજ્યોની સાથે છે. મારી સંવેદના આપત્તિથી પ્રભાવિત લોકો સાથે છે. હું ભગવાન શ્રી કૃષ્ણને આ સંકટને જલ્દીથી દૂર કરવા પ્રાર્થના કરું છું.