- મધ્ય પ્રદેશ વિધાનસભા ચૂંટણીમાં થયું હતું 77.15 ટકા મતદાન
- 230 બેઠકો પર 47506 લોકોના મંતવ્યો લેવામાં આવ્યા
- એક્ઝિટ પોલના આંકડામાં જુઓ કોણ બનાવશે એમપીમાં સરકાર
મધ્યપ્રદેશમાં 17 નવેમ્બરે 230 વિધાનસભા બેઠકો માટે મતદાન થયું હતું. રાજ્યમાં કોંગ્રેસ અને ભાજપ વચ્ચે સીધી ટક્કર છે. આ વખતે વિધાનસભા ચૂંટણીમાં 77.15 ટકા મતદાન થયું હતું, જે 2018ની સરખામણીમાં 1.52 ટકા વધુ હતું. મધ્યપ્રદેશમાં સત્તા કી બાજુ ફેરવાશે તેનો સૌથી સચોટ અંદાજ ઈન્ડિયા ટુડે એક્સિસ માય ઈન્ડિયાના એક્ઝિટ પોલ પરથી જાણી શકાશે.
જણાવી દઈએ કે, મધ્યપ્રદેશમાં કુલ પુરૂષ મતદારોમાંથી 78.21 ટકાએ તેમના મતાધિકારનો ઉપયોગ કર્યો હતો, જ્યારે કુલ મહિલાઓ મતદારો માંથી 76.03 ટકા મહિલાઓએ મતદાન કર્યું હતું. માહિતી અનુસાર, રતલામ જિલ્લાની સાયલાના વિધાનસભા બેઠક પર સૌથી વધુ 90.10 ટકા મતદાન થયું હતું, જ્યારે રાજ્યના પશ્ચિમ વિસ્તારમાં આવેલા અલીરાજપુર જિલ્લાની જોબત બેઠક પર સૌથી ઓછું 54.37 ટકા મતદાન થયું હતું.
મધ્ય પ્રદેશ - 230 બેઠકો
ઈન્ડિયા ટુડે-એક્સિસ માય ઈન્ડિયાના આંકડા મુજબ
ભાજપને 140-162 બેઠકો
કોંગ્રેસને 68-90 બેઠકો
અન્યને 0-3 બેઠકો
પોલસ્ટ્રીટના આંકડા મુજબ
ભાજપને 106-116 બેઠકો
કોંગ્રેસને 111-121 બેઠકો
અન્યને 0-6 બેઠકો
ટૂડેજ ચાણક્યના આંકડા મુજબ
ભાજપને 139-163 બેઠકો
કોંગ્રેસને 62-86 બેઠકો
અન્યને 1-9 બેઠકો
મેટ્રીઝના આંકડા મુજબ
ભાજપને 118-130 બેઠકો
કોંગ્રેસને 97-107 બેઠકો
અન્યને 0-2 બેઠકો
મધ્યપ્રદેશના નિમાર વિસ્તારમાં કોને કેટલી બેઠકો?
ઈન્ડિયા ટુડે-એક્સિસ માય ઈન્ડિયાએ મધ્યપ્રદેશની તમામ 230 બેઠકો પર સર્વે કર્યો હતો. જેમાં 47506 લોકોના મંતવ્યો લેવામાં આવ્યા હતા. એક્ઝિટ પોલ અનુસાર મધ્યપ્રદેશના નિમાર પ્રદેશમાં 18 બેઠકો પર મતદાન થયું હતું. અહીં ભાજપને 48 ટકા અને કોંગ્રેસને 45 ટકા વોટ મળી શકે છે. જો આપણે મતોના કદ વિશે વાત કરીએ તો તેમાં બહુ ફરક નથી. નિમારમાં ભાજપને વોટ શેરમાં 5 ટકા લીડ મળી છે જ્યારે કોંગ્રેસને વોટ શેરમાં 4 ટકા લીડ મળી રહી છે. આ વિસ્તારમાંથી ભાજપને 12 બેઠકો મળવાની સંભાવના છે, જ્યારે કોંગ્રેસને 6 બેઠકો મળવાની સંભાવના છે. અહીં ભાજપ 6 બેઠકો પર આગળ છે જ્યારે કોંગ્રેસ 4 બેઠકો ગુમાવી શકે છે.
ભોપાલ વિસ્તારમાં કોણ મારશે બાજી?
મધ્યપ્રદેશના ભોપાલ ક્ષેત્રમાં ભાજપને 51 ટકા, કોંગ્રેસને 42 ટકા અને અન્યને 7 ટકા મત મળવાની ધારણા છે. આ વિસ્તારમાં 20 બેઠકો છે. ભોપાલ, રાયસેન, સિહોર અને વિદિશા વિસ્તારમાં ભાજપને 12 અને કોંગ્રેસને 8 બેઠકો મળી શકે છે. અહીં ભાજપ 2 બેઠકોથી પાછળ છે જ્યારે કોંગ્રેસ 2 બેઠકોથી આગળ છે.
બુંદેલખંડમાં પણ ભાજપને લીડ મળવાના સંકેત
ઈન્ડિયા ટુડે-એક્સિસ માય ઈન્ડિયાના એક્ઝિટ પોલ અનુસાર, મધ્યપ્રદેશના બુંદેલખંડ ક્ષેત્રમાં ભાજપને લીડ મળતી દેખાઈ રહી છે. અહીં ભાજપને 45 ટકા, કોંગ્રેસને 40 ટકા અને અન્યને 15 ટકા મત મળવાની ધારણા છે. અહીં ભાજપને 18 અને કોંગ્રેસને 8 બેઠકો મળી શકે છે. અહીં ભાજપ 4 બેઠકોથી આગળ છે જ્યારે કોંગ્રેસને 2 બેઠકોનું નુકસાન છે.
