આ માટે તેમણે સ્પેશિયલ પ્રોટેક્શન ગ્રુપ (SPG)ને નિર્દેશ આપ્યો છે કે તેમના કાફલામાં રહેલી ગાડીઓની સંખ્યામાં 50 ટકા ઘટાડો કરવામાં આવે. SPGએ તરત જ આ આદેશનું પાલન કરીને કાફલો ઘટાડ્યો છે. પ્રધાનમંત્રી મોદીના આ નિર્ણય બાદ આચાર્ય દેવવ્રત, C. R. પાટીલ અને ગવર્મેન્ટ ઓફ દિલ્હીએ પણ મહત્વપૂર્ણ નિર્ણય લીધો છે.
કાફલામાં ઇલેક્ટ્રિક વાહનો વધારવાની ઈચ્છા
સૂત્રોના જણાવ્યા અનુસાર, નરેન્દ્ર મોદીએ તેમના સુરક્ષા કાફલામાં ઇલેક્ટ્રિક વાહનો (EV) ઉમેરવાની ઈચ્છા વ્યક્ત કરી છે. આ માટે કોઈ નવી ગાડી ખરીદવામાં આવશે નહીં, જેથી વધારાનો ખર્ચ ન થાય. બીજી તરફ SPGએ પ્રધાનમંત્રી મોદીના આદેશ અને સૂચનાઓ પર અમલ શરૂ કરી દીધો છે. પ્રધાનમંત્રીની સુરક્ષાથી જોડાયેલી ‘બ્લૂ બુક’ની ફરજિયાત માર્ગદર્શિકાઓ સાથે કોઈ સમજૂતી કર્યા વગર આ નિર્ણય અમલમાં મુકવામાં આવશે.