રાઘવ ચઢ્ઢા આમ આદમી પાર્ટીમાં હતા ત્યારે પણ નેતાઓ સાથે વાતચીત કરતા ન હતા.
'રાઘવ ચઢ્ઢા વ્યક્તિગત પીઆર પર આપે છે ધ્યાન'
રાઘવ ચઢ્ઢાનો ટોચના નેતૃત્વ સાથે વાતચીતનો અભાવ, એક્સાઇઝ પોલિસીના મુદ્દા પર તેમનું મૌન અને પાર્ટી કટોકટી દરમિયાન વિદેશમાં તેમની હાજરી જેવા પરિબળોને કારણે તેમનું કદ ઘટ્યું છે. તેમને રાજ્યસભાના ડેપ્યુટી લીડર પદ પરથી દૂર કરવામાં આવ્યા છે અને અશોક મિત્તલની નિમણૂક કરવામાં આવી છે. પાર્ટી માને છે કે ચઢ્ઢા વ્યક્તિગત પીઆર પર ખૂબ ધ્યાન કેન્દ્રિત કરતા હતા. જેના કારણે પાર્ટીમાં નારાજગી ફેલાઈ હતી.
રાઘવનું મૌન બધાને હેરાન કરતું
પાર્ટી અને તેના ટોચના નેતૃત્વ સાથે સંબંધિત ઘણા પ્રસંગોએ રાઘવનું મૌન હેરાન કરતું હતું. એક્સાઇઝ પોલિસી, જેના કારણે પાર્ટીના સુપ્રીમો અરવિંદ કેજરીવાલ સહિત ત્રણ ટોચના નેતાઓને કૌભાંડના આરોપોમાં જેલમાં મોકલવામાં આવ્યા હતા, તેના કારણે દિલ્હીમાં પાર્ટીને સત્તા પરથી દૂર કરવામાં આવી હતી. 27 ફેબ્રુઆરીના રોજ રાઉઝ એવન્યુ કોર્ટ દ્વારા નિર્દોષ જાહેર થયા પછી પણ, રાઘવ ચઢ્ઢાએ ન તો ટ્વિટ કર્યું હતું કે ન તો કેજરીવાલ કે સિસોદિયાની મુલાકાત લીધી હતી.
રાઘવ ચઢ્ઢાને ડેપ્યુટી લીડર પદ પરથી કેમ કરાયા દૂર ?
પરંતુ હવે આ નારાજગી અરવિંદ કેજરીવાલ સુધી પહોંચી ગઈ હતી. આમ આદમી પાર્ટીના અનેક નેતાઓએ અરવિંદ કેજરીવાલ પાસે માંગ કરી હતી કે જ્યારે સાંસદ રાઘવ ચઢ્ઢા અન્ય સાંસદો કે પાર્ટીના નેતાઓ સાથે વાત પણ નથી કરતા, તો તેમને રાજ્યસભામાં પાર્ટીના ડેપ્યુટી લીડર તરીકે રાખવાનો શું અર્થ છે? આ જ કારણ છે કે આમ આદમી પાર્ટીએ રાઘવ ચઢ્ઢાને દૂર કરીને અશોક મિત્તલને ડેપ્યુટી લીડર તરીકે નિયુક્ત કર્યા.
આ પણ વાંચોઃ યુદ્ધમાં ઈરાનને ખુલ્લેઆમ ટેકો આપનાર સ્પેન હવે ફસાયુ મુશ્કેલીમાં, અમેરિકાએ કરી લાલ આંખ