Bihar Assembly Election 2025: રાબડી દેવીના નીતિશ કુમાર અને સમ્રાટ ચૌધરી પર પ્રહાર, Tejashwi Yadavની સુરક્ષા વધારવા માગ

બિહારના ભૂતપૂર્વ મુખ્યમંત્રી રાબડી દેવીએ દાવો કર્યો છે કે તેમના પુત્ર અને વિપક્ષના નેતા તેજસ્વી યાદવના જીવ જોખમમાં છે. તેમણે કહ્યું હતું કે અગાઉ તેજસ્વીને મારવાના ચારવાર પ્રયાસો કરવામાં આવ્યા હતા. હવે રાબડી દેવીએ સરકાર પાસે તેજસ્વીની સુરક્ષા વધારવા માટે માંગ કરી છે. બિહાર વિધાન પરિષદની કાર્યવાહી મુલતવી રાખ્યા પછી, રાબડી દેવી તેમના પક્ષના તમામ વિધાન પરિષદો સાથે બહાર આવ્યા હતા. અને મીડિયા સાથે વાતચીત કરી હતી.

નીતિશ કુમાર અને સમ્રાટ ચૌધરી પર પ્રહાર

રાબડી દેવીએ મુખ્યમંત્રી નીતિશ કુમાર પર કટાક્ષ કરતા કહ્યું હતુ કે, શું નીતિશના જન્મ પછી જ દુનિયાનું સર્જન થયું છે? શું બધું તેમના સત્તામાં આવ્યા પછી થયું? તેમણે કહ્યું કે સરકારના લોકો ગૃહમાં શિષ્ટાચાર અને દુર્વ્યવહાર ભૂલી રહ્યા છે. તેઓએ નાયબ મુખ્યમંત્રી સમ્રાટ ચૌધરી પર પણ હુમલો કર્યો હતો. અને કહ્યુ હતુ કે, અમે દુર્વ્યવહાર કરનારા લોકો નથી, પરંતુ ભાજપના લોકો ગૃહમાં પરિવારને દુર્વ્યવહાર કરી રહ્યા છે. તેમણે આરોપ લગાવ્યો કે શાસક પક્ષના નેતાઓ જાણી જોઈને ગૃહનું વાતાવરણ બગાડી રહ્યા છે અને વિપક્ષનો અવાજ દબાવવાનો પ્રયાસ કરી રહ્યા છે. 24 જુલાઈના રોજ, વિપક્ષે બિહાર વિધાનસભામાં SIR મતદાર યાદી સુધારાનો વિરોધ કર્યો હતો. તેજસ્વી યાદવ અને અન્ય વિપક્ષી નેતાઓએ આરોપ લગાવ્યો કે આના કારણે ગરીબ, દલિત, પછાત અને લઘુમતી સમુદાયોના મતદારો યાદીમાંથી બાકાત રહેશે. તેને બંધારણ વિરોધી ષડયંત્ર તરીકે વર્ણવવામાં આવ્યું હતું.

ચોમાસુ સત્રમાં હોબાળો

તેજસ્વી યાદવે વિધાનસભામાં કહ્યુ હતુ કે, જરૂર પડે તો આપણે ચૂંટણીનો બહિષ્કાર કરી શકીએ છીએ. હવે બધા વિકલ્પો ખુલ્લા છે. મામલો વ્યક્તિગત ટિપ્પણીઓ સુધી પહોંચ્યો હતો. ડેપ્યુટી સીએમ સમ્રાટ ચૌધરી તરફ ઈશારો કરતા તેજસ્વી યાદવે કહ્યું, વધુ ના બોલો, તમારા પેન્ટ ભીના થઈ જશે. આ ટિપ્પણીથી સમ્રાટ ચૌધરી ગુસ્સે થયા. તેમણે તેજસ્વી યાદવ પર વળતો પ્રહાર કરતા કહ્યું, જેના પિતા ગુનેગાર હોય તે શું કહેશે? બંને પક્ષો તરફથી ભારે સૂત્રોચ્ચાર અને શાબ્દિક હુમલા કરવામાં આવ્યા હતા.