2026ની પશ્ચિમ બંગાળ વિધાનસભા ચૂંટણીના પરિણામોને લઈને રાજકીય ઉત્તેજના ચરમસીમાએ પહોંચી ગઈ છે. આજે ૪ મેના રોજ, મતગણતરી શરૂ થતાં, રાજ્યમાં સત્તાની કમાન કોણ સંભાળશે તે સ્પષ્ટ થઈ જશે. બધાની નજર ભવાનીપુર મતવિસ્તાર પર ટકેલી છે, જ્યાં મુખ્યમંત્રી મમતા બેનર્જી (AITC) ફરી એકવાર મેદાનમાં છે. તેમની સામે છે ભાજપના શુભેન્દુ અધિકારી.કોંગ્રેસ તરફથી પ્રદીપ પ્રસાદ અને સીપીએમ તરફથી શ્રીજીબ બિશ્વાસ ઉભા છે.
ત્યારે શરૂઆતી વલણોમાં ભવાની પુરથી મમતા બેનર્જી પાછળ ચાલી રહ્યા છે જ્યારે ભાજપના શુભેન્દુ અધિકારી આગળ ચાલી રહ્યા છે.
મતગણતરી ચાલુ છે તેમ, પશ્ચિમ બંગાળના નંદીગ્રામ અને ભવાનીપુરથી ભાજપના ઉમેદવાર અને વિરોધી પક્ષ (એલઓપી) શુભેન્દુ અધિકારીએ મીડિયાને જણાવ્યું કે ભાજપ સરકાર બનાવી રહી છે. શરૂઆતના વલણો દર્શાવે છે કે ભાજપ 135 થી વધુ અને ટીએમસીને લગભગ 100 મત મળશે. શરૂઆતમાં ભવાનીપુરમાં કાંટાની લડાઈ થશે. મતગણતરીના પહેલા રાઉન્ડમાં, 14 બૂથમાંથી, 6 મુસ્લિમ બહુમતીવાળા છે. તેમને ગયા વખતે 90-95% મત મળ્યા હતા, પરંતુ આ વખતે એવું થયું નહીં. તિરાડ પડી ગઈ છે. હું 8 હિન્દુ બૂથ પર આગળ છું. ભવાનીપુરમાં 9-10 રાઉન્ડથી, હું આગળ રહીશ... સત્તા વિરોધી લહેર છે, ઉપરાંત હિન્દુઓ લોટસના પક્ષમાં એક થયા છે. આ આપણા માટે ખૂબ જ સારો સંકેત છે... મુસ્લિમ મતોનું વિભાજન પણ થયું છે, ખાસ કરીને માલદા, મુશીદાબાદ અને ઉત્તર દિનાજપુરમાં.
https://twitter.com/ANI/status/2051151735549546710
વિધાનસભાની ચૂંટણીમાં 2021માં શું હતી સ્થિતિ ?
ઉલ્લેખનીય છે કે વર્ષ 2021માં માં યોજાયેલી અગાઉની ચૂંટણીઓમાં બંને નેતાઓ નંદીગ્રામ મતવિસ્તારમાં આમને-સામને હતા, જ્યાં સુવેન્દુ અધિકારી વિજયી બન્યા હતા. આ સ્પર્ધાને પણ 2021 ના યુદ્ધના 'ફરીથી મુકાબલા' તરીકે જોવામાં આવી રહી છે. ભવાનીપુર મતવિસ્તાર પરંપરાગત રીતે તૃણમૂલ કોંગ્રેસ (TMC) નો ગઢ રહ્યો છે. મુખ્યમંત્રી મમતા બેનર્જી સામાન્ય રીતે ભવાનીપુરથી ચૂંટણી લડે છે. તેમણે 2021 ની વિધાનસભા ચૂંટણીમાં નંદીગ્રામથી ચૂંટણી લડવા માટે તેમની પરંપરાગત બેઠક છોડી દીધી હતી, જ્યાં તેમને તેમના ભૂતપૂર્વ સાથીદાર અને પશ્ચિમ બંગાળમાં વિરોધ પક્ષના નેતા, ભાજપના સુવેન્દુ અધિકારીના હાથે 1,900 થી વધુ મતોના માર્જિનથી હારનો સામનો કરવો પડ્યો હતો. હવે બધાની નજર તેના પર છે કે શું સુવેન્દુ અધિકારી ભવાનીપુરમાં મોટો અપસેટ લાવી શકે છે અને મમતાની વિજય કૂચને રોકી શકે છે.
આ પણ વાંચો- Stock Market Opening: ચૂંટણી પરિણામો પહેલા શેરબજારમાં ગ્રીન સિગ્નલ, સેન્સેક્સમાં 671 પોઇન્ટનો ઉછાળો