નવી દિલ્હીમાં બ્રિક્સ (BRICS) સમિટ 2026નું આયોજન થઈ રહ્યું છે, જેના કારણે રાજધાનીમાં વિદેશી મહાનુભાવો એકત્રિત થયા છે. રશિયાના રાષ્ટ્રપતિ વ્લાદિમીર પુતિન અને ઈરાનના રાષ્ટ્રપતિ મસૂદ પેઝેશ્કિયન સહિત વિશ્વભરના નેતાઓ અહીં આવી પહોંચ્યા છે, અને ચીનના રાષ્ટ્રપતિ શી જિનપિંગ આજે ભારત આવી ગયા છે. વડાપ્રધાન મોદી શી જિનપિંગ તેમજ સમિટમાં ભાગ લઈ રહેલા અન્ય તમામ રાષ્ટ્રાધ્યક્ષો અને પ્રતિનિધિઓ સાથે બેઠકો યોજશે.
ભારત-ચીન ભાગીદાર, પ્રતિસ્પર્ધી નહીં : શી જિનપિંગ
18મી BRICS સમિટની સાઈડલાઈન પર વડાપ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગ વચ્ચે નવી દિલ્હીમાં બેઠક યોજાઈ. ચીનના વિદેશ મંત્રાલય મુજબ, બંને નેતાઓએ ભારત-ચીનને ભાગીદાર બનાવવાના મહત્વપૂર્ણ સહમતિબિંદુ પર ચર્ચા કરી. શીએ બંને દેશોને પ્રતિસ્પર્ધી નહીં, પરંતુ એકબીજાના વિકાસ માટે ભાગીદાર ગણાવ્યા.
https://twitter.com/ANI/status/2098814378154094601
ભારત મંડપમમાં PM મોદી, પુતિન સહિત વૈશ્વિક નેતાઓની ઉપસ્થિતિ
વડાપ્રધાન નરેન્દ્ર મોદીએ ભારત મંડપમ ખાતે વૈશ્વિક નેતાઓ અને પ્રતિનિધિઓ માટે ગાલા ડિનરનું આયોજન કર્યું છે. આ પ્રસંગે રશિયાના રાષ્ટ્રપતિ વ્લાદિમીર પુતિન સહિત વિવિધ દેશોના નેતાઓ ઉપસ્થિત રહ્યા હતા. BRICS સમિટ દરમિયાન યોજાયેલા આ ડિનરમાં નેતાઓ વચ્ચે અનૌપચારિક મુલાકાત અને ચર્ચા થઈ રહી છે.
https://twitter.com/ANI/status/2098785679220343008
ભારત-ઈરાનના સંબંધો હજારો વર્ષ જૂના : રાષ્ટ્રપતિ પેઝેશ્કિયાન
ઈરાનના રાષ્ટ્રપતિ મસૂદ પેઝેશ્કિયાને ભારત સાથેના સંબંધોને હજારો વર્ષ જૂના ગણાવ્યા છે. તેમણે કહ્યું કે ચાબહાર બંદર મારફતે દુનિયા ફરી જોડાશે અને વડાપ્રધાન નરેન્દ્ર મોદી સાથે સતત વાતચીત થઈ રહી છે. ઈરાન પર દુશ્મન હુમલો કરી રહ્યો છે, જ્યારે તેમનો દેશ માત્ર બચાવ કરી રહ્યો હોવાનો દાવો પણ તેમણે કર્યો.
BRICS દેશોની ભાગીદારી વધુ મજબૂત બનશે : PM મોદી
વડાપ્રધાન નરેન્દ્ર મોદીએ ‘X’ પરની પોસ્ટમાં જણાવ્યું કે તેમણે દિલ્હીમાં BRICSના અન્ય નેતાઓ સાથે વડનું વૃક્ષ વાવ્યું. તેમણે તેને BRICSની ઊંડી જડો, વધતી શક્તિ અને સહિયારા ભવિષ્ય માટેની એકતાનું પ્રતીક ગણાવ્યું. મોદીએ આશા વ્યક્ત કરી કે આવનારા સમયમાં BRICS દેશોની ભાગીદારી વધુ મજબૂત બનતી રહેશે.
https://twitter.com/narendramodi/status/2098778902546252198
ઇન્ડોનેશિયાના રાષ્ટ્રપતિ પ્રબોવો સુબિયાંતો ભારત મંડપમ પહોંચ્યા
ઇન્ડોનેશિયાના રાષ્ટ્રપતિ પ્રબોવો સુબિયાંતો વડાપ્રધાન નરેન્દ્ર મોદી દ્વારા વૈશ્વિક નેતાઓ અને પ્રતિનિધિઓ માટે આયોજિત ગાલા ડિનરમાં ભાગ લેવા ભારત મંડપમ પહોંચ્યા છે. BRICS સમિટ 2026 દરમિયાન યોજાયેલા આ ડિનરમાં વિવિધ દેશોના નેતાઓની ઉપસ્થિતિ રહેશે.
https://twitter.com/AHindinews/status/2098774771567882750
અનેક રાજ્યોના CM અને કેન્દ્રીય મંત્રીઓ ગાલા ડિનર માટે ભારત મંડપમ રવાના
BRICS સમિટ 2026 અંતર્ગત વિવિધ રાજ્યોના મુખ્યમંત્રીઓ અને કેન્દ્રીય મંત્રીઓ એક જ બસમાં સાથે બેસીને ભારત મંડપમ માટે રવાના થયા છે. અહીં તેઓ BRICS ગાલા ડિનરમાં ભાગ લેશે. આ દરમિયાન નેતાઓ વચ્ચે અનૌપચારિક મુલાકાત અને ચર્ચા થવાની પણ શક્યતા છે.
પીએમ મોદી અને શી જિનપિંગ વચ્ચેની બેઠક પૂર્ણ
વડાપ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગ વચ્ચેની દ્વિપક્ષીય બેઠક પૂર્ણ થઈ છે. બંને નેતાઓ વચ્ચે આશરે 50 મિનિટ સુધી મહત્વપૂર્ણ ચર્ચા થઈ હતી. બેઠકમાં ભારત-ચીન સંબંધો સહિત વિવિધ દ્વિપક્ષીય મુદ્દાઓ પર ચર્ચા થઈ હોવાની શક્યતા છે.
ઝેલેન્સ્કી સાથે વાતચીત માટે મોસ્કો તૈયાર, પેસ્કોવનું નિવેદન
યુક્રેનના રાષ્ટ્રપતિ વોલોદિમીર ઝેલેન્સ્કીના નિવેદન બાદ રશિયન રાષ્ટ્રપતિ વ્લાદિમીર પુતિનના મુખ્ય પ્રવક્તા દિમિત્રી પેસ્કોવે પ્રતિક્રિયા આપી છે. પેસ્કોવે જણાવ્યું કે મોસ્કો ઝેલેન્સ્કી સાથે વાતચીત કરવા તૈયાર છે અને તેઓ કોઈપણ સમયે મોસ્કોની મુલાકાત લઈ શકે છે.
ભારત સાથે મળીને કામ કરવાની શી જિનપિંગની અપીલ
ચીનના રાષ્ટ્રપતિ શી જિનપિંગે ભારત અને ચીનને સાથે મળીને BRICS દેશો વચ્ચે વધુ સારા સહયોગને પ્રોત્સાહન આપવા અપીલ કરી છે. રોયટર્સના અહેવાલ મુજબ, શીએ બંને દેશો એકબીજાની વિશેષતાઓમાંથી શીખીને સહિયારો વિકાસ હાંસલ કરી શકે તેમ જણાવ્યું છે. ચીન ભારત સાથેના સંબંધોને વ્યૂહાત્મક અને લાંબા ગાળાના દૃષ્ટિકોણથી જુએ છે.
https://twitter.com/ANI/status/2098764524627329501
બ્રિક્સમાં શી જિનપિંગની પ્રતિક્રિયા
શી જિનપિંગે પ્રતિક્રિયા આપતા કહ્યું કે વિશ્વ શાંતિ પર ચીનનું ફોકસ છે, વૈશ્વિક શાંતિ માટે સાથે મળીને કામ કરવું જોઇએ. આ સિવાય શી જિનપિંગે કહ્યું કે, પીએમ મોદીને 21 વાર મળી ચૂક્યો છું. ભારત અને ચીનના સંબંધ મજબૂત બનશે.
https://twitter.com/ANI/status/2098752973870621144
પીએમ મોદીએ જિનપિંગનો આભાર વ્યક્ત કર્યો
પીએમ મોદીએ બેઠકમાં કહ્યું કે, ભારત આવવા બદલ શી જિનપિંગનો આભાર વ્યક્ત કર્યો છે. તેમજ જણાવ્યું છે કે, UNSC માં સમર્થન માટે આભાર વ્યક્ત કર્યો છે. તેમણે ભારતની બ્રિક્સ અધ્યક્ષતા દરમિયાન ચીન દ્વારા આપવામાં આવેલા સમર્થન અને સહકાર બદલ રાષ્ટ્રપતિ શીનો આભાર વ્યક્ત કર્યો. તેમણે જણાવ્યું કે આ બેઠક દ્વિપક્ષીય સહકાર અને પરસ્પર હિતના મુદ્દાઓ પર ચર્ચા કરવાની તક પૂરી પાડે છે. વડાપ્રધાન મોદીએ ફરી એકવાર ભારતમાં રાષ્ટ્રપતિ શી જિનપિંગનું સ્વાગત કર્યું.
https://twitter.com/ANI/status/2098752747382481274
બ્રિક્સ સમિતમાં પીએમ મોદી અને જિનપિંગની બેઠક શરૂ
ભારત મંડપમમાં પીએમ મોદી અને શી જિનપિંગ વચ્ચે ભારત મંડપમમાં દ્વિપક્ષીય બેઠક શરૂ થઈ ગઈ છે.
પેઝેશ્કિયાને UAEના ક્રાઉન પ્રિન્સ સાથે કરી મુલાકાત
ઈરાનના રાષ્ટ્રપતિ મસૂદ પેઝેશ્કિયાને બ્રિક્સ સમિટમાં યુએઈના ક્રાઉન પ્રિન્સ શેખ ખાલિદ બિન મોહમ્મદ બિન જાયદ અલ નાહયાન સાથે મુલાકાત કરી અને અનેક મુદ્દાઓ પર ચર્ચા પણ કરી છે.
ગાઝામાં યુદ્ધવિરામ જાળવી રાખવા હાકલ
BRICS દેશોએ તમામ પક્ષોને ગાઝામાં યુદ્ધવિરામ જાળવી રાખવા અને માનવીય સહાય માટે સંપૂર્ણ તથા અવરોધમુક્ત પહોંચ સુનિશ્ચિત કરવા હાકલ કરી છે. ઓક્ટોબર 2025ના યુદ્ધવિરામ કરાર છતાં ચાલુ રહેલી હિંસા અંગે BRICSએ ઊંડી ચિંતા વ્યક્ત કરી છે. આ ઉપરાંત જૂથે ગાઝામાંથી પેલેસ્ટિનિયનોના બળજબરીપૂર્વક વિસ્થાપન સાથે સંકળાયેલી નીતિઓનો વિરોધ કર્યો છે.
https://twitter.com/ANI/status/2098737340512649350
પીએમ મોદીએ કર્યુ ફોટો શૂટ
વડાપ્રધાન નરેન્દ્ર મોદી અને બ્રિક્સ (BRICS) દેશોના નેતાઓ 'ફેમિલી ફોટો' (સામૂહિક તસવીર) માટે પોઝ આપતા જોવા મળ્યા. એક પેડ મા કે નામ અભિયાન અંતર્ગત તમામ દિગ્ગજોએ એક એક છોડ વાવ્યો.
https://twitter.com/ANI/status/2098739005122887780
એક તરફી ટેરિફ પર વ્યક્ત કરી ચિંતા
બ્રિક્સ નવી દિલ્હી ઘોષણામાં, સભ્ય દેશોએ યુદ્ધ અને સંઘર્ષ અટકાવવા, સંવાદ અને રાજદ્વારી દ્વારા આંતરરાષ્ટ્રીય વિવાદોનું નિરાકરણ લાવવા અને વૈશ્વિક મુદ્દાઓ પર તમામ દેશોના દ્રષ્ટિકોણનો આદર કરવા પર ભાર મૂક્યો હતો. ઘોષણામાં એકપક્ષીય ટેરિફ અને નોન-ટેરિફ પગલાં અંગે ચિંતા વ્યક્ત કરવામાં આવી હતી, તેમને WTO નિયમોની વિરુદ્ધ ગણાવ્યા હતા.
https://twitter.com/ANI/status/2098726846854820151
મધ્ય પૂર્વમાં શાંતિ સ્થાપવામાં ભૂમિકા ભજવવા શી જિનપિંગની અપીલ
રોઇટર્સના અહેવાલ મુજબ, ચીનના રાષ્ટ્રપતિ શી જિનપિંગે આજે (12 સપ્ટેમ્બર) નવી દિલ્હીમાં સભ્ય દેશોની સમિટને સંબોધિત કરતી વખતે બ્રિક્સ (BRICS) જૂથને મધ્ય પૂર્વના સંઘર્ષમાં શાંતિ સ્થાપવા માટે ભૂમિકા ભજવવાનું આહ્વાન કર્યું હતું.શી જિનપિંગે જણાવ્યું હતું કે ચીન આ દિશામાં અન્ય બ્રિક્સ સભ્યો સાથે મળીને કામ કરશે, કારણ કે આ યુદ્ધ "આંતરરાષ્ટ્રીય સમુદાયના સહિયારા હિતોને અનુરૂપ નથી." તેમણે એ પણ ઉલ્લેખ કર્યો હતો કે ચીન આવતા વર્ષે બ્રિક્સનું પ્રમુખપદ સંભાળશે અને 19મી બ્રિક્સ સમિટનું યજમાનપદ કરશે.
BRICS ઘોષણાપત્રમાં પહેલગામ હુમલાની નિંદા
BRICS ઘોષણાપત્રમાં તમામ દેશોએ પહેલગામ હુમલાની નિંદા કરી. તેમણે આતંકવાદ પ્રત્યે 'શૂન્ય-સહિષ્ણુતા' (zero-tolerance)ના અભિગમ પર ભાર મૂક્યો અને આતંકવાદને કોઈપણ ધર્મ કે રાષ્ટ્રીયતા સાથે જોડવાનો વિરોધ કર્યો.
https://twitter.com/ANI/status/2098735830621933754
BRICS Summit 2026: ગુજરાતના મુખ્યમંત્રી પહોંચશે દિલ્હી, ડિનરમાં આપશે હાજરી
રાજધાની દિલ્હીમાં આયોજિત 'બ્રિક્સ સમિટ' નિમિત્તે મહત્વના રાજકીય અને કૂટનીતિક કાર્યક્રમો યોજાવા જઈ રહ્યા છે. આ ભવ્ય આયોજનના ભાગરૂપે ગુજરાતના મુખ્યમંત્રી આજે સાંજે 4 વાગ્યા પછી દિલ્હી પહોંચશે. દિલ્હી આગમન બાદ તેઓ સમિટ અંતર્ગત આયોજિત ખાસ સત્તાવાર કાર્યક્રમો અને બેઠકોમાં સહભાગી થશે
https://twitter.com/ANI/status/2098732348766572712
વૈશ્વિક સુધારા માટે દિશા નક્કી કરવી પડશે- પીએમ મોદી
BRICS સમિટ 2026 દરમિયાન વડાપ્રધાન નરેન્દ્ર મોદીએ કહ્યું કે BRICSને મજબૂત કરવાની સાથે સાથે, આપણે વૈશ્વિક સુધારા માટેની દિશા પણ નક્કી કરવી પડશે. વૈશ્વિક શાસનનું વર્તમાન માળખું પિરામિડ જેવું છે. સત્તા અને નિર્ણય લેવાની પ્રક્રિયા ટોચ પર કેન્દ્રિત છે, જ્યારે નીચેના સ્તરોમાં એવા દેશોનો સમાવેશ થાય છે જેઓ આ નિર્ણયોથી પ્રભાવિત તો થાય છે, પરંતુ તેને ઘડવામાં કોઈ ભૂમિકા ભજવી શકતા નથી..
https://twitter.com/ANI/status/2098706562185585073
BRICSએ વૈશ્વિક સ્તરે પોતાની આગવી ઓળખ સ્થાપિત કરી- પીએમ મોદી
આજે, બ્રિક્સ (BRICS) પણ 'પરિપક્વતા'ના તબક્કે પહોંચ્યું છે. છેલ્લા બે દાયકાઓમાં, બ્રિક્સે વૈશ્વિક મંચ પર પોતાની એક આગવી ઓળખ સ્થાપિત કરી છે. અમે એકબીજાના દ્રષ્ટિકોણનો આદર કરીએ છીએ અને સર્વસંમતિ દ્વારા આગળ વધીએ છીએ. અમે કોઈનો વિરોધ કરીને નહીં, પરંતુ સૌને સાથે લઈને આગળ વધવાનો પ્રયાસ કરીએ છીએ. હવે સમય આવી ગયો છે કે આપણે બ્રિક્સમાં રહેલી આપણી એકતા અને સર્વસંમતિને વૈશ્વિક મંચ પર નક્કર પરિણામોમાં પરિવર્તિત કરીએ.
https://twitter.com/ANI/status/2098704971659407771
નવા અને મહત્વકાંક્ષી એજન્ડા પર કામ કરવાની જરૂર- પીએમ મોદી
આપણે આગામી 20 વર્ષ માટે એક નવા અને મહત્વાકાંક્ષી એજન્ડા પર કામ કરવાની જરૂર છે. આપણે આ પ્રક્રિયા આપણી પોતાની આંતરિક કાર્ય પ્રણાલીઓથી શરૂ કરવી જોઈએ. જ્યારે BRICS પ્રમુખપદ વાર્ષિક ધોરણે ફરતું રહે છે, ત્યારે આનાથી આપણી સંસ્થાકીય ગતિમાં ખલેલ ન પહોંચવી જોઈએ.
https://twitter.com/ANI/status/2098709873131442675
હું BRICS સાતત્ય અને અમલીકરણ પદ્ધતિની સ્થાપનાનો પ્રસ્તાવ મૂકું છું. આ 'ટ્રોઇકા' વ્યવસ્થા દ્વારા તમામ પહેલ અને પરિણામોનું ફોલો-અપ સક્ષમ બનાવશે. આપણે દરેક નિર્ણય સાથે સંકળાયેલા નોડલ પોઈન્ટ, સમયમર્યાદા અને અમલીકરણ સ્થિતિને રેકોર્ડ કરવા માટે એક સુરક્ષિત ડિજિટલ ભંડાર પણ બનાવી શકીએ છીએ."
અમે કોઇની વિરોધમાં નથી- પીએમ મોદી
આજથી બ્રિક્સ સમિટની ઔપચારિક શરૂઆત થઇ. પીએમ મોદી સહિત દિગ્ગજો ભારત મંડપમ પહોંચ્યા. પીએમ મોદીએ તમામનું સ્વાગત કર્યુ. આ પ્રસંગે પીએમ મોદીએ સંબોધન કરતા જણાવ્યું કે આગામી 20 વર્ષ મહત્વકાંક્ષી એજન્ડા પર કામ કરીશું. અમે કોઇની વિરુદ્ધ નથી સૌની સાથે જ છીએ.
https://twitter.com/ANI/status/2098704038338703820
જિનપિંગ પહોંચ્યા ભારત મંડપમ
દિલ્હી: ચીનના રાષ્ટ્રપતિ શી જિનપિંગ BRICS સમિટ 2026ના સ્થળ - ભારત મંડપમ ખાતે પહોંચ્યા. પીએમ મોદીએ તેમનું સ્વાગત કર્યુ
https://twitter.com/ANI/status/2098699632658493736
ઇથોપિયાના પીએમ પહોંચ્યા ભારત મંડપમ
ઇથોપિયાના વડાપ્રધાન અબી અહેમદ અલી BRICS સમિટ 2026ના સ્થળ 'ભારત મંડપમ' ખાતે આવી પહોંચ્યા.
https://twitter.com/ANI/status/2098695011370151972
અબુધાબીના પ્રિન્સ ભારત મંડપમ પહોંચ્યા
અબુ ધાબીના ક્રાઉન પ્રિન્સ શેખ ખાલિદ બિન મોહમ્મદ બિન ઝાયેદ અલ નાહયાન BRICS સમિટ 2026ના સ્થળ 'ભારત મંડપમ' ખાતે આવી પહોંચ્યા.
https://twitter.com/ANI/status/2098694059355517173
બ્રાઝિલના વિદેશ મંત્રી ભારત મંડપમ પહોંચ્યા
બ્રાઝિલના વિદેશ મંત્રી માઉરો વિએરા BRICS સમિટ 2026ના સ્થળ - ભારત મંડપમ ખાતે પહોંચ્યા.
https://twitter.com/ANI/status/2098693500535799989
ભારત મંડપમ પહોંચ્યા પીએમ મોદી
પીએમ મોદી ભારત મંડપમ પહોંચ્યા છે. 2.30 કલાકે બ્રિક્સ સમિટની શરૂઆત થવાની છે. પહેલુ સેશન યોજાશે. વિદેશ મંત્રી એસ જયશંકર સહિત ટીમ સાથે પીએમ મોદી ભારત મંડપમ પહોંચી ગયા છે.
https://twitter.com/ANI/status/2098693149262799325
ચીની વિદેશ મંત્રાલયનું નિવેદન
બ્રિક્સ સમિટમાં પહોંચ્યા બાદ ચીની વિદેશ મંત્રાલ્યનું નિવેદન સામે આવ્યું છે. તેમણે પ્રતિક્રિયા આપતા કહ્યું છે કે, બન્ને દેશ વચ્ચે વાતચીત અને સંવાદ વધે, ચીને કહ્યું કે ભારત સાથે સંબંધ સુધારવા માગે છે.
અન્વર ઈબ્રાહિમે વડાપ્રધાન મોદીના વખાણ કર્યા
મલેશિયાના વડાપ્રધાન અન્વર ઈબ્રાહિમે તેમની દ્વિપક્ષીય વાતચીતની શરૂઆતમાં વડાપ્રધાન મોદીની લોકપ્રિયતાના વખાણ કર્યા. તેમણે કહ્યું, "વડાપ્રધાન મોદી ખૂબ જ લોકપ્રિય છે. જુઓ મને કેટલા મેસેજ મળી રહ્યા છે.
પેઝેશ્કિયનની દીકરી બ્રિક્સ બજારમાં કળા અને સંસ્કૃતિનો અનુભવ કર્યો
ઈરાનના રાષ્ટ્રપતિ મસૂદ પેઝેશ્કિયનની પુત્રી ઝહરા પેઝેશ્કિયન અને તેમના પતિ હસન મજીદીએ કેન્દ્રીય મહિલા અને બાળ વિકાસ મંત્રી અન્નપૂર્ણા દેવી સાથે નવી દિલ્હીમાં આયોજિત 'બ્રિક્સ બજાર'ની મુલાકાત લીધી હતી. તેમણે ભારતીય પેવેલિયન સહિત બ્રિક્સના સભ્ય અને ભાગીદાર દેશોના પેવેલિયનની મુલાકાત લીધી હતી. આ મુલાકાત દરમિયાન તેમને વિવિધ સહભાગી દેશોની કળા, હસ્તકલા અને સાંસ્કૃતિક વારસાની ઝલક જોવા મળી હતી.
https://twitter.com/DDNewslive/status/2098651312120639955
રાષ્ટ્રપતિ મસૂદ પેઝેશ્કિયન રાષ્ટ્રપતિ દ્રૌપદી મુર્મુ સાથે કરી મુલાકાત
ઈરાનના રાષ્ટ્રપતિ મસૂદ પેઝેશ્કિયાને દિલ્હીમાં રાષ્ટ્રપતિ ભવનમાં રાષ્ટ્રપતિ દ્રૌપદી મુર્મુ સાથે મુલાકાત કરી.
કીર્તિ વર્ધન સિંહે કર્યું સ્વાગત
શી જિનપિંગનો કાફલો ભારત મંડપમ માટે રવાના થયો. કેન્દ્રીય મંત્રી કીર્તિ વર્ધન સિંહે તેમનું સ્વાગત કર્યું.
પાલમ એરપોર્ટ પર જિનપિંગનું કરાયું સ્વાગત
પાલમ એરપોર્ટ પર શી જિનપિંગનું સ્વાગત કરવામાં આવ્યું છે. કેન્દ્રીય મંત્રી જિતિન પ્રસાદે તેમનું સ્વાગત કર્યુ છે. સાંજે 5.45 કલાકે તેઓ પીએમ મોદી સાથે દ્વીપક્ષીયય વાતો કરશે.
https://twitter.com/ANI/status/2098663905182830871
દિલ્હીમાં લેન્ડ થયુ શી જિનપિંગનું વિમાન
ચીનના રાષ્ટ્રપતિ શી જિનપિંગ ભારત આવી પહોંચ્યા છે. દિલ્હીમાં તેમનું પ્લેન લેન્ડ થયુ છે. 7 વર્ષ બાદ તેઓ ભારત આવ્યા છે. ભારત મંડપમમાં દુનિયાના દિગ્ગજો આવી રહ્યા છે. ત્યારે શી જિનપિંગ પણ હવે ટૂંક સમયમાં જોડાશે.
https://twitter.com/ANI/status/2098660328112529680
અબુધાબીના ક્રાઉન પ્રિન્સને મળ્યા પીએમ મોદી
વડાપ્રધાન નરેન્દ્ર મોદીએ BRICS સમિટ 2026 દરમિયાન અબુ ધાબીના ક્રાઉન પ્રિન્સ શેખ ખાલિદ બિન મોહમ્મદ બિન ઝાયેદ અલ નાહયાન સાથે દ્વિપક્ષીય બેઠક યોજી.
https://twitter.com/ANI/status/2098650841586844134
મલેશિયાના પીએમને મળ્યા પીએમ મોદી
દિલ્હીમાં વડાપ્રધાન નરેન્દ્ર મોદીએ BRICS સમિટ 2026 દરમિયાન હૈદરાબાદ હાઉસ ખાતે મલેશિયાના વડાપ્રધાન અનવર ઈબ્રાહિમ સાથે દ્વિપક્ષીય બેઠક યોજી.
https://twitter.com/ANI/status/2098642481558745580
ઇથોપિયાના પીએમ સાથે પીએમ મોદીની બેઠક
હૈદરાબાદ હાઉસ ખાતે ભારત અને ઇથોપિયા વચ્ચે દ્વિપક્ષીય બેઠક ચાલી રહી છે. વડાપ્રધાન નરેન્દ્ર મોદી અને વડાપ્રધાન અબી અહેમદ વચ્ચે ચર્ચા થઈ રહી છે.
https://twitter.com/ANI/status/2098636066341491157
રામાફોસાની અદાણી સાથે મુલાકાત
BRICS સમિટમાં ભાગ લેવા ભારત આવેલા દક્ષિણ આફ્રિકાના રાષ્ટ્રપતિ સિરિલ રામાફોસાએ શનિવારે દિલ્હીમાં અદાણી ગ્રુપના ચેરમેન ગૌતમ અદાણી સાથે મુલાકાત કરી હતી. દક્ષિણ આફ્રિકાના રાષ્ટ્રપતિ કાર્યાલયે સોશિયલ મીડિયા પ્લેટફોર્મ 'X' પર આ મુલાકાતનો વીડિયો જાહેર કર્યો હતો. તેમાં જણાવવામાં આવ્યું હતું કે આ મુલાકાત 18મી BRICS સમિટ દરમિયાન યોજાયેલા 'સાઉથ આફ્રિકા બિઝનેસ ડાયલોગ'નો એક ભાગ હતી. તેનો ઉદ્દેશ્ય દક્ષિણ આફ્રિકા અને ભારત વચ્ચેના વેપાર અને રોકાણના સંબંધોને વધુ મજબૂત બનાવવાનો છે.
https://twitter.com/ANI/status/2098632629100880282
દિલ્હી પોલીસે જાહેર કરી ટ્રાફિક એડવાઇઝરી
દિલ્હીમાં યોજાઈ રહેલી 18મી BRICS સમિટને લઈને દિલ્હી પોલીસે ટ્રાફિક એડવાઇઝરી જાહેર કરી છે. સુરક્ષા વ્યવસ્થાને ધ્યાનમાં રાખીને શનિવારે સવારે 9:30 વાગ્યાથી રાત્રે 9:30 વાગ્યા સુધી લ્યુટિયન્સ દિલ્હી, ભારત મંડપમ અને આસપાસના મુખ્ય માર્ગો પર ટ્રાફિક નિયંત્રિત અને ડાયવર્ટ કરવામાં આવશે. દિલ્હી પોલીસના ટ્રાફિક એડવાઇઝરી મેપમાં સેન્ટ્રલ દિલ્હી તથા આસપાસના વિસ્તારોમાં નિયંત્રિત રસ્તાઓ, પ્રતિબંધિત વિસ્તારો, વૈકલ્પિક માર્ગો અને ડાયવર્જન પોઈન્ટ્સ દર્શાવવામાં આવ્યા છે.
https://twitter.com/ANI/status/2098598228354806001
વિદેશ મંત્રાલયે તૈયાર કરી મીડિયા કીટમાં શું શું ?
BRICS INDIA 2026 બિહારના દેશી 'સત્તુ'થી લઈને કોરાપુટની પહાડીઓમાં ઉગાડવામાં આવતી કોફી અને ગુજરાતની ઝીણવટભરી હસ્તકલા સુધીની ભારતની સમૃદ્ધ ખાદ્ય-પરંપરાઓ, સ્થાનિક ઉત્પાદનો અને કારીગરી કૌશલ્યોને દિલ્હીમાં યોજાનારી 18મી બ્રિક્સ (BRICS) સમિટમાં ઉચ્ચ સ્તરીય રાજદ્વારી પ્રવૃત્તિઓની સાથે સ્થાન મળી રહ્યું છે. વિદેશ મંત્રાલય (MEA) દ્વારા તૈયાર કરવામાં આવેલી મીડિયા કિટ છે. જે 12-13 સપ્ટેમ્બરના રોજ યોજાનારી આ સમિટ પૂર્વે ભારત અને વિશ્વભરના પત્રકારોને ભારતની જીવંત સાંસ્કૃતિક વિવિધતાનો પરિચય કરાવે છે.
https://twitter.com/ANI/status/2098613111251202187
પીએમ મોદી અને જિનપિંગ વચ્ચે 5.45 કલાકે મુલાકાત
ભારતની યજમાનીમાં યોજાનારી બ્રિક્સ (BRICS) સમિટ માટે ચીનના રાષ્ટ્રપતિ શી જિનપિંગ આજે બપોરે 12.25 કલાકે દિલ્હી પહોંચશે. આ મુલાકાત દરમિયાન, શી જિનપિંગ વડાપ્રધાન મોદી સાથે દ્વિપક્ષીય વાતચીત પણ કરશે. આ અગાઉ, ઈન્ડોનેશિયા, ફિલિપાઈન્સ અને આફ્રિકન દેશ નાઈજીરિયાના અન્ય કેટલાક મહેમાનો પણ ભારત આવી પહોંચ્યા હતા.
https://twitter.com/ANI/status/2098639662512496975
ભારતના સંબંધો પર ચીનનું નિવેદન
ભારતના સંબંધો પર ચીનનું નિવેદન સામે આવ્યું છે. ચીને વાતચીત વધારવા પર જોર આપ્યુ છ. મતભેદ ઉકેલવા પર કામ કરવું પડશે. સંચાર સહયોગ વધારવાનો પ્રયાસ થશે.
