કેન્દ્ર સરકારે આજે 8મા પગાર પંચ માટે ટર્મ્સ ઓફ રેફરન્સને (ToR) મંજૂરી આપી છે. આ પગલાથી 50 લાખ કર્મચારીઓ અને 65 લાખ પેન્શનરોમાં ખુશીનો માહોલ છે. 8મું પગાર પંચ હવે 18 મહિનાની અંદર સરકારને તેની ભલામણો સુપરત કરશે. પેનલ જણાવશે કે ફિટમેન્ટ ફેક્ટર કેટલું રાખવામાં આવે અને તેનાથી જ જે નવો બેઝિક પગાર નક્કી કરશે.
આનો અર્થ એ છે કે વાસ્તવિક પગાર વધારો હાલમાં જાણી શકાશે નહીં. આ 18 મહિના પછી સ્પષ્ટ થશે. રિપોર્ટ મુજબ આ વખતે ફિટમેન્ટ ફેક્ટર 1.86%થી 2.47% સુધી હોઈ શકે છે. આઠમું પગાર પંચ 1 જાન્યુઆરી, 2026થી અમલમાં આવશે. ત્યારબાદ નવા પગાર ધોરણ લાગુ કરવામાં કોઈપણ વિલંબને બાકી રકમ તરીકે ઉમેરવામાં આવશે.
શું છે ટર્મ્સ ઓફ રેફરન્સ (ToR)?
આ ToR કમિશનના કાર્ય માટે માર્ગદર્શક દસ્તાવેજ તરીકે કામ કરે છે. તે કમિશનના કાર્યક્ષેત્ર, ઉદ્દેશ્યો અને સીમાઓ વ્યાખ્યાયિત કરે છે. તે કમિશનની સમીક્ષા જરૂરિયાતો, જેમ કે પગારનું માળખું, ભથ્થાં, પેન્શન, વગેરેની પણ રૂપરેખા આપે છે. ToR વિના, કમિશનનું કાર્ય શરૂ થઈ શકતું નથી.
સૌથી મહત્વપૂર્ણ કડી છે 'ફિટમેન્ટ ફેક્ટર'
ચૂંટણી પંચની મંજૂરી પછી કર્મચારીઓમાં સૌથી વધુ ચર્ચાસ્પદ વિષય ફિટમેન્ટ ફેક્ટર છે. આ એક મહત્વપૂર્ણ પરિબળ છે જે તમારા નવા મૂળભૂત પગારને નક્કી કરશે. સરળ શબ્દોમાં કહીએ તો ફિટમેન્ટ ફેક્ટર એ સંખ્યા છે જેના દ્વારા તમારા વર્તમાન બેઝિક પગારને ગુણાકાર કરીને તમારો નવો બેઝિક પગાર નક્કી કરવામાં આવે છે.
7મા પગાર પંચમાં 'ફિટમેન્ટ ફેક્ટર' કેટલું હતું?
જણાવી દઈએ કે 7મા પગાર પંચમાં આ 2.57 નક્કી કરવામાં આવ્યું હતું. આ ફેક્ટરને કારણે તે સમયે લઘુત્તમ મૂળ પગારમાં ₹7,000થી ₹18,000 પ્રતિ માસનો સીધો વધારો થયો, જે કર્મચારીઓના પગારમાં નોંધપાત્ર વધારો હતો. જોકે, 7મા પગાર પંચના અમલીકરણથી બીજો મોટો ફેરફાર થયો. મોંઘવારી ભથ્થું (DA) શૂન્ય કરવામાં આવ્યું કારણ કે ઈન્ડેક્સેશન નવેસરથી દાખલ કરવામાં આવ્યું. પરિણામે, વાસ્તવિક વધારો (મૂળભૂત પગાર) ફક્ત 14.3% હતો, પરંતુ જ્યારે અન્ય ભથ્થાઓને ધ્યાનમાં લેવામાં આવ્યા, ત્યારે પ્રથમ વર્ષમાં કુલ પગાર વધારો 23% થયો.
કેટલું હોય શકે ફિટમેન્ટ ફેક્ટર?
આ વખતે સંભવિત ફિટમેન્ટ ફેક્ટર વિશે બજારમાં અને નિષ્ણાતોમાં ઘણી ચર્ચા ચાલી રહી છે. મીડિયા રિપોર્ટ્સ મુજબ ફિટમેન્ટ ફેક્ટર 2.86 સુધી પહોંચી શકે છે. જો આ અંદાજ સાચો સાબિત થાય છે તો તે કર્મચારીઓ માટે મહત્વપૂર્ણ સમાચાર હશે. 2.86 ફેક્ટરનો અર્થ એ છે કે લઘુત્તમ મૂળભૂત પગાર ₹51,000ને વટાવી શકે છે. જો આવું થાય તો કર્મચારીઓના પગારમાં ₹40,000થી ₹45,000નો સીધો વધારો શક્ય છે.
કેટલી હશે ગ્રોસ સેલરી?
કુલ પગારમાં બેઝિક પગાર, ઘર ભાડું ભથ્થું અને DAનો સમાવેશ થાય છે. DA, અથવા મોંઘવારી ભથ્થું, ફુગાવા અનુસાર આપવામાં આવે છે. તે વર્ષમાં 2 વાર અપડેટ થાય છે. વર્તમાન ગણતરીઓ માટે આપણે DA શૂન્ય હોવાનું માની લઈએ છીએ. ઘર ભાડું ભથ્થું પણ ત્રણ શ્રેણીઓમાં વહેંચાયેલું છે. મેટ્રો શહેરોમાં રહેતા લોકોને મૂળ પગારના 30 ટકા, ટાયર-2 શહેરોમાં રહેતા લોકોને 20 ટકા અને ટાયર-3 શહેરોમાં રહેતા લોકોને 10 ટકા મળે છે. હવે, કુલ પગાર કંઈક આના જેવો હશે.
નવો કુલ પગાર = (હાલનો બેઝિક પગાર x ફિટમેન્ટ ફેક્ટર) + DA + HRA
ગણતરી માટે, ધારો કે નવા બેઝિક પગારમાં 2.47% ફિટમેન્ટ ફેક્ટરનો વધારો થયો છે. નવો પગાર ₹44,460 હશે. ચાલો 30% HRA માનીએ. DAને 0 રાખીએ. હવે, આને ફોર્મ્યુલામાં ઉમેરો. નવો પગાર ₹44,460 + 0 + 13338 = ₹57,798 હશે.
