પંજાબના પઠાણકોટના નંગલપુર વિસ્તારમાં એરફોર્સના અપાચે હેલિકોપ્ટરનું ઈમરજન્સી લેન્ડિંગ કરાયું છે. ત્યારબાદ હડકંપ મચી ગયો છે. જો કે રાહતની વાત એ છે કે આ લેન્ડિંગમાં કોઈ પણ પ્રકારના હુમલા કે નુકસાનની વાત સામે આવી નથી. આ ઈમરજન્સી લેન્ડિંગ વિશે વાત કરતા તેના પર જાણકારી આપવા માટે કોઈ પણ અધિકારી તૈયાર નથી. પઠાણકોટના અપાચે હેલિકોપ્ટરે ઉડાણ ભરી હતી અને હેલ્ડ ગામમાં તેનું ઈમરજન્સી લેન્ડિંગ કરવું પડ્યું.
પઠાણકોટ પાસે આવેલુ હેલ્ડ ગામ નંગલપુર પોલીસ સ્ટેશનની અંડરમાં આવે છે. આ જગ્યાએ શુક્રવારે સવારે 11 વાગ્યે એરફોર્સના અપાચે હેલિકોપ્ટરનું ઈમરજન્સી લેન્ડિંગ કરવામાં આવ્યું હતું. જેના કારણે લોકોની ભીડ જમા થઈ ગઈ હતી. મેદાનમાં હેલિકોપ્ટર ઉતારવાથી લોકોમાં ભયનો માહોલ ફેલાયો હતો.
