Adani બનાવશે Dharaviને દેશનું વેપારી હબ, પ્રથમ તબક્કાનું કામ શરુ

ધારાવીના મેગા પ્રોજેક્ટનો પ્રથમ તબક્કો શરૂ કરવામાં આવ્યો છે. હાલમાં ત્યાં એક સર્વે કરવામાં આવ્યો હતો. લોકોના પુનઃર્વસન માટે યોજના બનાવવામાં આવી છે અને માળખાગત સુવિધાઓની ડિઝાઇન તૈયાર કરાઇ છે. અદાણી ગ્રુપ આ મોટા પ્રોજેક્ટનું સંચાલન કરી રહ્યું છે. આ માટે એક ખાસ કંપની, નવભારત મેગા ડેવલપર્સ પ્રાઇવેટ લિમિટેડની રચના કરવામાં આવી છે. જેમાં મહારાષ્ટ્ર સરકાર પણ ભાગીદાર છે. એશિયાની સૌથી મોટી ઝૂંપડપટ્ટી તરીકે ઓળખાતી ધારાવીની હવે કાયા પલટ કરવામાં આવશે.

"ધારાવી રિડેવલપમેન્ટ પ્રોજેક્ટ"

"ધારાવી રિડેવલપમેન્ટ પ્રોજેક્ટ" હેઠળ, અહીં ખાસ બિઝનેસ એરિયા બનાવવામાં આવશે. જેના કારણે આ સ્થળ દેશનું આગામી મોટું બિઝનેસ સેન્ટર બની શકે છે. આ યોજનાનો હેતુ ફક્ત લોકોને સારા ઘર આપવાનો નથી. પરંતુ અહીં નાના અને મોટા વ્યવસાયોને પ્રોત્સાહન આપવાનો પણ છે. આ મોટો પ્રોજેક્ટ અદાણી ગ્રુપ અને મહારાષ્ટ્ર સરકાર ભાગીદારીમાં એક કંપનીને આપવામાં આવ્યો છે. તેનો કુલ ખર્ચ આશરે 96 હજાર કરોડ રૂપિયા હોવાનું કહેવાય છે. આનો અર્થ એ છે કે આગામી સમયમાં ધારાવી ફક્ત એક ઝૂંપડપટ્ટી તરીકે જ નહીં, પરંતુ એક નવા વ્યાપાર કેન્દ્ર તરીકે સામે આવશે.

ધારાવી બનશે આધુનિક વ્યાપાર ક્ષેત્ર

ધારાવીમાં આશરે 600 એકર જમીનનો મોટો ભાગ હવે વ્યાપારી હેતુઓ માટે ઉપયોગમાં લેવામાં આવશે. અહીં એક નવો "સેન્ટ્રલ બિઝનેસ ડિસ્ટ્રિક્ટ" બનાવવામાં આવશે. જ્યાં વિવિધ પ્રકારની કંપનીઓ આવીને પોતાનું કામ શરૂ કરી શકશે. આ નવા વ્યાપાર ક્ષેત્રમાં મોટી ઓફિસ ઇમારતો, શોપિંગ વિસ્તારો કો-વર્કિંગ સ્પેસ, હોટલ અને અન્ય જરૂરી સુવિધાઓ હશે. વ્યાપારી ક્ષેત્ર એવી જમીન પર બનાવવામાં આવશે જ્યાં રહેણાંક વિસ્તાર નથી. આ વ્યાપાર ક્ષેત્રનો સૌથી મોટો ઉદ્દેશ ધારાવીને આત્મનિર્ભર અને મજબૂત આર્થિક કેન્દ્ર બનાવવાનો છે. આનાથી અહીં પહેલાથી ચાલી રહેલા નાના વ્યવસાયોને મજબૂતી મળશે જ, પરંતુ પ્રોજેક્ટ માટે લાંબા ગાળાના ભંડોળની પણ ખાતરી થશે. હાલમાં, ધારાવીમાં લગભગ 12,000 નાના અને મોટા વ્યવસાયિક એકમો છે જે નોંધણી વિના ચાલી રહ્યા છે. આ પ્રોજેક્ટ દ્વારા, આ બધા વ્યવસાયોને યોગ્ય સિસ્ટમ હેઠળ લાવવામાં આવશે. ઉપરાંત, નવા વ્યવસાયિક લોકોને પણ જગ્યા આપવામાં આવશે.