ભારત અને પાકિસ્તાન વચ્ચે દુબઇમાં એશિયા કપ 2025 ફાઇનલ રમાઇ. ભારતીય ટીમ એ મેચ 5 વિકેટથી જીતી. આ મેચમાં જસપ્રીત બુમરાહે હારિસ રઉફને ક્લિન બોલ્ડ કર્યો. જે બાદ સેલિબ્રેશન કરવામાં આવ્યું તે ચર્ચામાં છે. કારણ કે બુમરાહે રઉફને ઓકાત બતાવીને ભર્યા મેદાનમાં તેની મજાક ઉડાવી. જેની પર કેન્દ્રીય મંત્રી કિરણ રિજિજૂની પ્રતિક્રિયા સામે આવી છે.
ભારત હંમેશા પાકિસ્તાન પર જીત મેળવી
રિજિજુએ રઉફને આઉટ કર્યા પછી બુમરાહના હાવભાવનો સ્ક્રીનશોટ શેર કર્યો હતો. પોસ્ટ શેર કરતા રિજિજુએ કેપ્શનમાં લખ્યું હતું કે પાકિસ્તાન આ સજાને પાત્ર હતું. એશિયા કપમાં ભારત અને પાકિસ્તાન ત્રણ વખત ટકરાયા હતા. અને દરેક વખતે સૂર્યકુમાર યાદવની આગેવાની હેઠળની ટીમ કટ્ટર હરીફ ટીમ પર ભારે પડી હતી. રસપ્રદ વાત એ છે કે, ત્રણેય મેચમાં આક્રમકતા અને વિવાદ જોવા મળ્યો હતો. આ ટુર્નામેન્ટમાં ભારત વિરુગ્ધ પાકિસ્તાનની ટીમના શરમજનક પ્રદર્શન બાદ પણ ખેલાડીઓનો ઘમંડ યથાવત રહ્યો. પાકિસ્તાની ટીમ તેની રમત માટે નહીં, પરંતુ તેની બાલિશ અને આપત્તિજનક હરકતો માટે ચર્ચામાં રહી.
