RBIનો બેન્કોને આદેશ, 'હવે કોઈ હિડન ચાર્જ નહીં, એપ્લિકેશનમાંથી હટાવી લો ફસાવનારી ટ્રિક્સ'

RBIએ બેન્કોને મોટો આદેશ આપ્યો છે અને સામાન્ય લોકો માટે મોટો નિર્ણય લીધો છે. તમને પણ ગઈ વખત બેન્કની એપ્લિકેશન ઓપન કરતા જ તેમાં વિવિધ સેવાઓ માટે વારંવાર મેસેજ કે નોટિફિકેશન આવવા લાગે છે. તેમાંથી ઘણી ઓફર મિસલિડિંગ હોય છે અથવા તો પાછળથી એ સર્વિસ માટે ચાર્જ વસૂલવામાં આવે છે.

બેન્કને કેટલો સમય મળશે?

આ મામલે હવે RBI કડક બની છે અને ડિજિટલ બેન્કિંગને વધારે પારદર્શી બનાવવાના ક્રમમાં બેન્કોને કડક આદેશ આપ્યો છે. RBIએ કહ્યું કે બેન્કો જુલાઈ 2026 સુધીમાં પોતાની વેબસાઈટો અને મોબાઈલ એપ્લિકેશન પરથી ડાર્ક પેટર્ન હટાવી દે, જે ગ્રાહકોને ગેરમાર્ગે દોરે છે અથવા તેમની પણ દબાણ ઉભું કરે છે. તેમાં બેન્કો દ્વારા નાણાકીય ઉત્પાદનો અને કોઈ પણ સેવાની રજૂઆત પહેલા ગ્રાહકોની સ્પષ્ટ સહમતિ જરૂર લઈ લો.

ગ્રાહકોને ભ્રમિત કરવામાં ના આવે: RBI

RBIના આ પગલાનો ઉદ્દેશ્ય એ સુનિશ્ચિત કરવાનો છે કે ગ્રાહકોને યોગ્ય જાણકારી વગર ઉત્પાદન ખરીદવા કે ચાર્જ ચૂકવવા માટે ગુમરાહ ના કરવામાં આવે. બેન્કોને ગ્રાહકની સ્પષ્ટ પરવાનગી વગર નાણાકીય ઉત્પાદનોને એક સાથે વેચવા પર પણ પ્રતિબંધ લગાવવામાં આવશે.

કોઈ લોભામણી લાલચ આપવામાં ના આવે

ડાર્ક પેટર્ન ડિજિટલ પ્લેટફોર્મ પર ઉપયોગ કરવામાં આવતી એવી ડિઝાઈન ટેક્નીક છે, જેનો ઉદ્દેશ્ય યૂઝર્ના વ્યવહારને પ્રભાવિત કરવાનો હોય છે, જેને તે સરળતાથી સમજી ના શકે. તેમાં હિડન ચાર્જ, ભ્રમિત કરનારી ઓફર વારંવાર બતાવવામાં આવે છે. બેન્કોને આ ટ્રિક્સ પર પ્રતિબંધ લગાવવા માટે RBI દ્વારા નિર્દેશ આપવામાં આવ્યો છે. તે સુનિશ્ચિત કરવું જરૂરી છે કે ગ્રાહકોને યોગ્ય રીતે જાણકારી રહે કે કયા કામ માટે સાઈન અપ કરી રહ્યા છે, એટલે તે ભ્રમિત ના થાય.

આ પણ વાંચો : Dollar VS Rupees: ટ્રમ્પના ટેરિફ સામે રૂપિયો બેખૌફ! ડોલરના મુકાબલે જાણો કેટલો મજબૂત ?