ભારતનું સૌથી મોટું બિઝનેસ ગૃપ રિલાયન્સ ઈન્ડસ્ટ્રીઝ લિમિટેડે ઈરાનમાંથી ક્રૂડ ઓઈલ ખરીદવા અંગે મોટી સ્પષ્ટતા કરી છે. કેટલાક અહેવાલોમાં માહિતી સામે આવી હતી કે કંપનીએ ઈરાનની નેશનલ ઓઈલ કંપનીથી 50 લાખ બેરલ કાચું તેલ ખરીદ્યું છે. રિપોર્ટમાં વધુ જણાવાયું હતું કે આ તેલ બ્રેન્ટ ફ્યુચર્સના ભાવ કરતા વધુ કિંમતે ખરીદવામાં આવ્યું હતું અને અમેરિકાની કેટલીક સમયગાળા માટેની છૂટછાટ આ ડીલને મંજૂરી આપી હતી.

રિલાયન્સે તમામ દાવા ફગાવ્યા

જોકે રિલાયન્સે સ્પષ્ટ કરી દીધું કે આ તમામ દાવાઓ ખોટા છે. કંપનીએ જણાવ્યું કે ઈરાનથી તેલ ખરીદવાની કોઈ પણ ડીલ માટે તેમના પાસેથી કોઈ પુષ્ટિ નથી મળી. રિલાયન્સે અપીલ કરી છે કે કોઈ અહેવાલ છાપતા પહેલા હકીકત અને તથ્યોની સંપૂર્ણ તપાસ કરે. કંપનીના નિવેદન મુજબ, આ લોકો ખોટી માહિતી ફેલાવી રહ્યા છે અને બજારમાં ગેરસમજ ઊભી કરી રહ્યા છે.

મેનેજમેન્ટે માર્કેટ અને શેરધારકોને ખાતરી આપી

કંપનીના જણાવ્યા મુજબ રિપોર્ટમાં જે છૂટછાટની વાત થઈ હતી તે 20 માર્ચ સુધી લોડ કરવામાં આવેલી શિપમેન્ટ્સ પર લાગુ થતી અને 19 એપ્રિલ સુધી ડિલિવરી કરવાની વાત હતી. પરંતુ રિલાયન્સે સ્પષ્ટ કર્યું કે તેમના તરફથી આવી કોઈ ડીલ નથી થઇ અને બધા દાવાઓ સંપૂર્ણ રીતે ખોટા છે. રિલાયન્સ ઈન્ડસ્ટ્રીઝે તેના વહીવટી તંત્ર દ્વારા પણ માર્કેટ અને શેરધારકોને ખાતરી આપી છે કે કંપનીની વેપાર નીતિ અને આંતરરાષ્ટ્રીય નિયમોના અનુસંધાનમાં સખત રહે છે. આ પગલાંથી બજારમાં ગેરસમજ દૂર કરવાના પ્રયત્ન થઈ રહ્યા છે અને નાણાકીય સંસ્થાઓ અને રોકાણકારોમાં વિશ્વસનીયતા જાળવવામાં આવી રહી છે.

આ પણ વાંચો : National News : 60 દિવસનું ક્રૂડ ઓઈલ ઉપલબ્ધ, 8 લાખ ટન LPG પણ મગાવ્યો: સરકાર