ઉત્તરપ્રદેશના આગ્રામાં પોલીસે કરોડો રૂપિયાના સાયબર ઠગાઈનો મોટો ખુલાસો કરતા 4 શાતિર આરોપીઓની ધરપકડ કરી લીધી છે. પોલીસના જણાવ્યા મુજબ આ ગેંગ લોકોને લલચાવીને તેમના બેન્ક ખાતા ખોલાવતા હતા અને ત્યારબાદ તે બેન્ક ખાતામાં સાયબર ઠગાઈની રકમ મગાવીને એટીએમ દ્વારા ઉપાડી લેતા હતા.
પોલીસે સૂચના મળતા જ પાડી રેડ
મળતી માહિતી મુજબ સાયબર ક્રાઈમ સિકંદરા અને ક્રાઈમ બ્રાન્ચની સંયુક્ત ટીમને સુચના મળી હતી કે સિંકદરા ક્ષેત્રમાં સાયબર ઠગાઈ સાથે જોડાયેલા 4 આરોપી હાજર છે. સૂચનાના આધારે પોલીસે કાર્યવાહી કરતા ચારેય આરોપીની ધરપકડ કરી લીધી. પોલીસની તપાસમાં આરોપીઓએ જણાવ્યું કે તે વિદેશમાં બેઠેલા પોતાના આકાઓના ઈશારા પર કામ કરતા હતા. આ ગેંગ લોકોને ઝાંસામાં લઈને તેમના નામ પર બેન્ક એકાઉન્ટ ખોલાવતા હતા. ત્યારબાદ તેમની પાસેથી ચેકબુક, પાસબુક અને ડેબિટ કાર્ડ લઈ લેતા હતા. ઠગાઈની રકમ આ ખાતાઓમાં મગાવવામાં આવતી હતી અને ત્યારબાદ એટીએમ કાર્ડથી રકમ ઉપાડી લેતા હતા.