વિદેશમાં બેસીને ગેંગ ઓપરેટ કરી રહેલા કુખ્યાત ગેંગસ્ટર માફિયા મૈનપાલ બાદલીને કંબોડિયાથી આખરે ભારત લાવવામાં એજન્સીઓને સફળતા મળી છે. હરિયાણાના કુખ્યાત અને મોસ્ટ વોન્ટેડ ગેંગસ્ટર મૈનપાલ બાદલીને કંબોડિયાથી ભારત લાવવામાં આવ્યો છે. હરિયાણા પોલીસની સ્પેશિયલ ટાસ્ક ફોર્સ (STF) એ તેને કંબોડિયામાં પકડીને ભારત પરત લાવવા માટે સફળ કાર્યવાહી હાથ ધરી હતી. મૈનપાલ બાદલી પર 7 લાખ રૂપિયાનું ઇનામ પણ જાહેર કરવામાં આવ્યું હતું. આ ધરપકડ સાથે હરિયાણા પોલીસને મોટી સફળતા મળી છે. લગભગ 10 દિવસ પહેલા, મોસ્ટ વોન્ટેડ ગેંગસ્ટર મૈનપાલ બાદલીને કંબોડિયામાં અટકાયતમાં લેવામાં આવ્યો હતો.
મૈનપાલ પર હત્યા સહિતના ઘણા ગંભીર કેસ નોંધાયેલા
મૈનપાલ બાદલી 29 ઓગસ્ટ 2018 ના રોજ પેરોલ પર જેલમાંથી બહાર આવ્યો હતો. ત્યારબાદ તે વિદેશમાં તેની ગેંગ ચલાવી રહ્યો હતો. મૈનપાલ પર હત્યા સહિતના ઘણા ગંભીર કેસ નોંધાયેલા છે. જેલમાં રહીને મનપાલ પર હત્યાનો પણ આરોપ છે. શરૂઆતમાં મેનપાલ ટ્રેક્ટર રિપેરિંગનું કામ શીખતો હતો, પરંતુ વર્ષ 2000 માં તેના કાકાની હત્યા પછી, તે ગુનાની દુનિયામાં પ્રવેશ્યો. મૈનપાલ બાદલી હરિયાણા પોલીસની યાદીમાં નંબર-1 મોસ્ટ વોન્ટેડ ગુનેગાર છે.
