ઉત્તરપ્રદેશની રાજધાની લખનૌ સ્થિત ચૌધરી ચરણ સિંહ આંતરરાષ્ટ્રીય એરપોર્ટ પર કસ્ટમ વિભાગે આંતરરાષ્ટ્રીય ડ્રગ્સ તસ્કરીના એક મોટા કેસનો ભાંડો ફોડ્યો છે. શુક્રવારે સવારે અંદાજે 8:30 વાગ્યે ઓમાન એરવેઝની ફ્લાઈટ દ્વારા આવેલા એક મુસાફર પાસેથી મોટી માત્રામાં હાઈડ્રોપોનિક વીડ જપ્ત કરવામાં આવ્યું છે. કસ્ટમ અધિકારીઓએ આરોપીની સ્થળ પર જ ધરપકડ કરી અને ડ્રગ્સ કબજે લીધા છે.
મુસાફરના બેગ પર અધિકારીઓને શંકા ગઈ
મળતી માહિતી મુજબ ફ્લાઈટ નંબર WY-265 બેંકોકથી મસ્કટ મારફતે લખનૌ પહોંચી હતી. વિમાનમાંથી ઉતર્યા બાદ મુસાફરોના સામાનની નિયમિત તપાસ દરમિયાન એક મુસાફરના બેગ પર અધિકારીઓને શંકા ગઈ. વધુ તપાસ કરતાં બેગમાંથી કુલ 29 અલગ-અલગ પેકેટ મળી આવ્યા, જેમાં અંદાજે 14 કિલો 500 ગ્રામ હાઈડ્રોપોનિક વીડ છુપાવવામાં આવી હતી.
