અત્યારે ઠંડીની શરૂઆત થઇ ગઇ હોય પરંતુ વિવિધ રાજ્યોમાં વરસાદ પણ પડીરહ્યો છે. તેનું કારણ છે ચક્રવાત મોંથા. બંગાળની ખાડીમાંથી ઉદ્ભવેલું ચક્રવાત મોંથાએ બુધવારે સવારે વિજયવાડા શહેરમાં વિનાશ વેર્યો હતો. 29 ઓક્ટોબરે આંધ્રપ્રદેશ, ઓડિશા અને તેલંગમામાં હળવાથી મધ્યમ વરસાદની આગાહી પણ કરી છે.
ક્યાં રહેશે વરસાદી માહોલ ?
કેટલાક વિસ્તારોમાં ભારેથી અતિ ભારે વરસાદ પણ શક્ય છે. અલગ અલગ વિસ્તારોમાં 20 સેમીથી વધુ ભારે વરસાદની પણ આગાહી કરવામાં આવી છે. 30 ઓક્ટોબરે, IMD એ ઘણા વિસ્તારોમાં હળવાથી મધ્યમ વરસાદ અને ઉત્તર દરિયાકાંઠાના આંધ્રપ્રદેશના અલગ અલગ વિસ્તારોમાં ભારે વરસાદની આગાહી કરી છે.
ચક્રવાતી તોફાન પડ્યું નબળું
દરિયા કિનારાને પાર કર્યા પછી હવામાન પ્રણાલી છેલ્લા છ કલાકમાં 10 કિમી/કલાકની ઝડપે ઉત્તરપશ્ચિમ તરફ આગળ વધી અને હવે તે ચક્રવાતી તોફાનમાં નબળું પડી ગયું છે. ચક્રવાતી તોફાન મોન્થાને કારણે ઘણા રાજ્યોમાં વરસાદ પડી રહ્યો છે. IMD એ વરસાદની ચેતવણી પણ જાહેર કરી છે.
આંધ્રપ્રદેશના દરિયાકિનારે ત્રાટક્યું
IMD એ જણાવ્યું હતું કે ચક્રવાતી તોફાન આગામી છ કલાક સુધી આ તીવ્રતા સાથે ઉત્તરપશ્ચિમ તરફ આગળ વધશે અને પછી આગામી છ કલાકમાં ઊંડા ડિપ્રેશનમાં ફેરવાઈ જશે. એ નોંધવું જોઈએ કે જ્યારે રાત્રે કાકીનાડાની દક્ષિણે નરસાપુર (પશ્ચિમ ગોદાવરી જિલ્લો) નજીક તીવ્ર ચક્રવાતી વાવાઝોડું મોન્થા આંધ્રપ્રદેશના દરિયાકાંઠે પહોંચ્યું હતું ત્યારે જોરદાર પવન અને ભારે વરસાદથી અસંખ્ય વૃક્ષો ઉખડી ગયા અને રસ્તાઓ પર પાણી ભરાઈ ગયા.
28 ઓક્ટોબરે રાત્રે ત્રાટક્યું
IMD અનુસાર સવારે 2:30 વાગ્યા સુધીમાં, મોન્થાનું કેન્દ્ર નરસાપુરથી લગભગ 20 કિમી પશ્ચિમ-ઉત્તરપશ્ચિમમાં, માછલીપટ્ટનમથી 50 કિમી ઉત્તરપૂર્વમાં, કાકીનાડાથી 90 કિમી પશ્ચિમ-દક્ષિણપશ્ચિમમાં, વિશાખાપટ્ટનમથી 230 કિમી દક્ષિણપશ્ચિમમાં અને ગોપાલપુર (ઓડિશા)થી 470 કિમી દક્ષિણપશ્ચિમમાં હતું.
IMD અનુસાર, નવીનતમ અવલોકનો સૂચવે છે કે ચક્રવાત મોન્થા આંધ્રપ્રદેશ અને આંધ્રપ્રદેશના દરિયાકાંઠાને કાકીનાડાની દક્ષિણે અને નરસાપુર નજીક 28 ઓક્ટોબરે રાત્રે 11.30 થી 29 ઓક્ટોબરે રાત્રે 12.30 વાગ્યાની વચ્ચે પાર કર્યું હતું. લેન્ડફોલ પ્રક્રિયામાં લગભગ 5 કલાકનો સમય લાગ્યો.
