ફરીદાબાદમાં ધરપકડ કરાયેલી ડૉ. શાહીન ભારતમાં જૈશ આતંકવાદી સંગઠન માટે કામ કરતી હતી. ગુપ્તચર સૂત્રોએ ખુલાસો કર્યો છે કે ફરીદાબાદમાં ધરપકડ કરાયેલી ડૉ. શાહીના શહીદ ભારતમાં જૈશ આતંકવાદી સંગઠનની મહિલા પાંખની સ્થાપના અને ભરતી માટે જવાબદાર હતી. તેણીએ જૈશની મહિલા પાંખ, જમાત ઉલ મોમિનત માટે આતંકવાદીઓની ભરતી કરી હતી.

અઝહરની બહેન, સાદિયા અઝહર, પાકિસ્તાનમાં જૈશની મહિલા પાંખની વડી છે

નોંધનીય છે કે અઝહરની બહેન, સાદિયા અઝહર, પાકિસ્તાનમાં જૈશની મહિલા પાંખની વડી છે. સાદિયા અઝહરનો પતિ, યુસુફ અઝહર, કંદહાર હાઇજેકિંગનો માસ્ટરમાઇન્ડ હતો. ડૉ. મુઝમ્મીલે ભારતમાં શાહીનાની કારનો ઉપયોગ કર્યો હતો. પોલીસે તેની કારની તપાસ કરી ત્યારે તેમાં વિસ્ફોટકો અને હથિયારો મળી આવ્યા હતા. ત્યારબાદ, શાહીનને પૂછપરછ માટે અટકાયતમાં લેવામાં આવી હતી અને બાદમાં જમ્મુ અને કાશ્મીર પોલીસે તેની ધરપકડ કરી હતી.

શાહીનને પૂછપરછ માટે અટકાયતમાં લેવામાં આવી હતી

ભારતમાં આતંકી નેટવર્ક સાથે જોડાયેલા હોવાના સંદેહમાં ડૉ. શાહીન શાહિદ નામની મહિલા ડોક્ટરને ફરીદાબાદ પોલીસ દ્વારા ધરપકડ કરવામાં આવી હતી. આ કેસે સુરક્ષા એજન્સીઓને ચોંકાવી દીધાં છે કારણ કે સામાન્ય રીતે ડોક્ટર જેવા વ્યવસાયિક લોકોને આતંકવાદથી દૂર માનવામાં આવે છે, પરંતુ આ વખતેએ “વ્હાઇટ કોલર” નેટવર્કનો ઉપયોગ થતા પોલીસે ગંભીરતા વધારી છે.

ધરપકડની વિગતો

ફરીદાબાદ અને ઉત્તર પ્રદેશની અલગ-અલગ ટીમોની સંયુક્ત કાર્યવાહી દરમિયાન ડૉ. શાહીનને કાબૂમાં લેવામાં આવી. તપાસ દરમિયાન તેના કબજામાંથી AK-47 રાઇફલ, અનેક મેગેઝીન અને ગુપ્ત દસ્તાવેજો મળ્યા હતા. પોલીસે જણાવ્યું છે કે આ આખા મોડ્યુલમાં અત્યાર સુધીમાં લગભગ 8 લોકોની ધરપકડ થઈ ચૂકી છે, જેમાં કેટલાક ઉચ્ચ શિક્ષિત વ્યાવસાયિકો પણ સામેલ છે.

આરોપો અને તપાસ

આ નેટવર્કમાંથી અત્યાર સુધીમાં 2,900 કિલો વિસ્ફોટક સામગ્રી, ડિટોનેટરો અને અન્ય હથિયારો જપ્ત કરવામાં આવ્યા છે. પોલીસે પૂછપરછમાં જાણવા મળ્યું કે ડોક્ટર અને બીજા શિક્ષિત લોકોની પસંદગી એ માટે કરવામાં આવી કે જેથી કોઈને શંકા ન જાય. આ નેટવર્ક પાકિસ્તાની મૂળના આતંકી સંગઠનો જૈશ-એ-મોહમ્મદ અને અંસાર ગઝવત-ઉલ-હિંદ સાથે જોડાયેલ હોવાની પણ શક્યતા તપાસમાં સામે આવી છે.

સુરક્ષા એજન્સીઓ માટે આ એક નવી પડકારરૂપ પરિસ્થિતિ

આ મામલો મહત્વનો છે કારણ કે તે બતાવે છે કે આતંકવાદ હવે માત્ર સીમાવર્તી અથવા પરંપરાગત નેટવર્ક સુધી સીમિત નથી રહ્યું. ઉચ્ચ શિક્ષિત અને સમાજમાં પ્રતિષ્ઠિત લોકોને પણ પોતાના નેટવર્કમાં સામેલ કરવાની કોશિશ આતંકી સંગઠનો કરી રહ્યા છે. સુરક્ષા એજન્સીઓ માટે આ એક નવી પડકારરૂપ પરિસ્થિતિ બની છે.