ગરમી અને ભેજવાળા દિવસ બાદ દિલ્હી-એનસીઆર (Delhi-NCR)ના વાતાવરણમાં અચાનક પલટો આવ્યો છે. રવિવારે સાંજે રાજધાની અને તેની આસપાસના વિસ્તારોમાં તેજ પવન ફૂંકાવાનું શરૂ થયું હતું. રાજધાનીના આકાશમાં વાદળો છવાયેલા હોવા છતાં વરસાદ પડશે કે નહીં તે અંગે અનિશ્ચિતતા છે. જોકે તેજ પવનને કારણે તાપમાનમાં કોઈ ખાસ ઘટાડો થયો નથી, પરંતુ તેનાથી લોકોને ગરમીમાંથી ચોક્કસપણે થોડી રાહત મળી છે.
હવામાન વિભાગની આગાહી
હવામાન વિભાગે અગાઉ 11 ઓક્ટોબર માટે આકાશ વાદળછાયું રહેવાની અને હળવા વરસાદની શક્યતા વ્યક્ત કરી હતી. તેમજ આગામી થોડા દિવસો સુધી રાજધાનીમાં વાદળછાયું વાતાવરણ રહેવાની શક્યતા છે, જોકે ભારે વરસાદની કોઈ ખાસ સંભાવના નથી. વિભાગનું અનુમાન છે કે 15 ઓક્ટોબર સુધી હવામાનની આવી જ સ્થિતિ યથાવત રહી શકે છે.
હવામાન વિભાગના મતે, 11 ઓક્ટોબરે મહત્તમ તાપમાન 33°C અને લઘુત્તમ તાપમાન 23°C ની આસપાસ રહેવાની ધારણા છે. 12 ઓક્ટોબરે પણ તાપમાન 33°C અને 23°C ની વચ્ચે રહેવાનો અંદાજ છે. 13 ઓક્ટોબરે મહત્તમ તાપમાનમાં થોડો વધારો થઈને તે 34°C સુધી પહોંચી શકે છે, જ્યારે લઘુત્તમ તાપમાન 23°C રહેવાની શક્યતા છે. આ સમયગાળા દરમિયાન ભેજનું પ્રમાણ 60% થી 80% ની વચ્ચે રહેવાની ધારણા છે.
નિષ્ણાતો શું કહે છે?
હવામાન નિષ્ણાતોનું કહેવું છે કે ઓક્ટોબરના મધ્યથી હવામાનમાં ફેરફારો જોવા મળશે અને શિયાળાની ઠંડક શરૂ થઈ શકે છે. હાલમાં તાપમાન સામાન્ય કરતા થોડું વધારે છે. ભેજમાં થતા ફેરફારોને કારણે દિવસ દરમિયાન થોડી ગરમી અનુભવાઈ શકે છે, પરંતુ સાંજ અને રાત્રિ દરમિયાન હવામાન પ્રમાણમાં ખુશનુમા રહેવાની અપેક્ષા છે.
શનિવારે સાંજે દિલ્હી-એનસીઆરમાં ફૂંકાયેલા તેજ પવનો સ્પષ્ટ સંકેત આપે છે કે હવામાન બદલાઈ રહ્યું છે. આગામી દિવસોમાં વાદળો અને પવનને કારણે લોકોને ભેજમાંથી થોડી રાહત મળી શકે છે, જ્યારે ઓક્ટોબરના ઉત્તરાર્ધમાં ઠંડકનો અહેસાસ થવાની શક્યતા છે.
આ પણ વાંચો: Donald Trump: રશિયા સાથેના યુદ્ધનો અંત લાવવો છે તો... 'યુક્રેને હવે નવા રાષ્ટ્રપતિ પંસદ કરવા જોઈએ'
