દિલ્હી પોલીસ કાલે શનિવારે મુખ્ય ચૂંટણી કમિશનર (CEC) જ્ઞાનેશ કુમાર સામે કોકરોચ જનતા પાર્ટી (CJP) ના વિરોધ પ્રદર્શન પર કડક વલણ અપનાવી રહી છે. આજે, શુક્રવારે, દિલ્હી પોલીસે સ્પષ્ટતા કરી કે જંતર-મંતર પર CJP ના પ્રસ્તાવિત વિરોધ પ્રદર્શનને મંજૂરી આપવામાં આવશે નહીં. પોલીસે આ માટે ભારતીય નાગરિક સુરક્ષા સંહિતા (BNSS) ની કલમ 163 નો ઉલ્લેખ કર્યો છે. દિલ્હી પોલીસે જણાવ્યું કે CJP એ વિરોધ પ્રદર્શનની સૂચના મોડી સબમિટ કરી હતી.
દિલ્હી પોલીસના જોઈન્ટ સીપી નુપુર પ્રસાદે જણાવ્યું હતું કે, "અમને કોકરોચ જનતા પાર્ટીના સૌરવ દાસ તરફથી અરજી મળી છે. આ અરજી 10 ઓક્ટોબરે જંતર મંતર પર વિરોધ પ્રદર્શન માટેની નોટિસ અંગે છે. આ વિરોધ પ્રદર્શન સીઈસી જ્ઞાનેશ કુમારની જવાબદારી અંગે હતું... નોટિસ પર વિચાર કરવામાં આવ્યો હતો, અને એવું જાણવા મળ્યું હતું કે નોટિસ ખૂબ જ ટૂંકી નોટિસ પર આપવામાં આવી હતી, જ્યારે નિર્ધારિત માર્ગદર્શિકા મુજબ, આ નોટિસ આયોજિત વિરોધ પ્રદર્શનના 10 દિવસ પહેલા મળવી જોઈતી હતી. પોલીસે વધુમાં જણાવ્યું છે કે, નવી દિલ્હી વિસ્તારમાં કલમ 163 લાગુ કરવામાં આવી છે. તેમજ એક કિલોમીટરના ત્રિજ્યામાં અગિયાર સ્તરના બેરિકેડ ઉભા કરવામાં આવ્યા છે આ સિવાય મોટી સંખ્યામાં પોલીસ ફોર્સ તૈનાત કરવામાં આવી છે.
https://x.com/PTI_News/status/2108447071800066496?ref_src=twsrc%5Etfw%7Ctwcamp%5Etweetembed%7Ctwterm%5E2108447071800066496%7Ctwgr%5E%7Ctwcon%5Es1_c10&ref_url=
જોઈન્ટ સીપી નુપુર પ્રસાદે વધુમાં જણાવ્યું હતું કે, "એ ઉલ્લેખ કરવો પણ મહત્વપૂર્ણ છે કે અગાઉ જ્યારે કોકરોચ જનતા પાર્ટીને ત્યાં વિરોધ પ્રદર્શન કરવાની પરવાનગી આપવામાં આવી હતી, ત્યારે તેઓએ કાયદાકીય સૂચનાઓનું પાલન કર્યું ન હતું અને તે સમયે આપવામાં આવેલા પોતાના વચનોનું પાલન કર્યું ન હતું... તેથી કાયદાકીય સૂચનાઓનું પાલન ન કરવા, પોતાના વચનોનું પાલન ન કરવા અને પ્રવર્તમાન કાયદો અને વ્યવસ્થાની પરિસ્થિતિને કારણે, અને જાહેર સલામતી, કાયદો અને વ્યવસ્થા અને ટ્રાફિક નિયમન જાળવવા માટે, આ વખતે પરવાનગી નકારી કાઢવામાં આવી છે."
આ પણ વાંચો: Delhi: આજે રાતે 9 વાગ્યાથી બંધ થઈ જશે દિલ્હીના 57 મેટ્રો સ્ટેશન! CJPના પ્રદર્શનને લઈને મોટો નિર્ણય
