ભૂતપૂર્વ ભારતીય જનરલ એમ.એમ. નરવણેની આત્મકથા, "ફોર સ્ટાર્સ ઓફ ડેસ્ટિની" ના રહસ્યમય લીક બાદ દિલ્હી પોલીસ સ્પેશિયલ સેલ એક્શનમાં આવી ગયું છે. દિલ્હી પોલીસે પુસ્તકના પબ્લિકેશન પેંગ્વિન રેન્ડમ હાઉસને નોટિસ ફટકારી છે. તપાસ એ વાત પર કેન્દ્રિત છે કે મંજૂરી વિના અને છાપકામ વિના સંવેદનશીલ લશ્કરી રહસ્યો ડિજિટલ ક્ષેત્રમાં કેવી રીતે પહોંચ્યા.
આ કેસમાં દિલ્હી પોલીસની રડારમાં એ વ્યક્તિ છે જે પબ્લિકેશન હાઉસમાં ઇન્સાઇ઼ડરની ભૂમિકા ભજવી રહ્યું છે. પોલીસ એ પણ તપાસ કરી રહી છે કે પેંગ્વિન પબ્લિકેશન્સના કયા વિભાગ સંપાદન, ટાઇપસેટિંગ અથવા ડિજિટલ માર્કેટિંગ વિભાગમાંથી તે લીક થયું. શું કોઈ કર્મચારીએ બહારના લોકો સાથે સાંઠગાંઠ કરી અને તેને શેર કર્યું? દિલ્હી પોલીસ આવા ઘણા પ્રશ્નોને લઇને તપાસ કરશે.
પુસ્તકને લઇને સવાલોના ઘેરામાં પબ્લિકેશન
ડિજિટલ એક્સેસ કેવી રીતે લીક થયો? જ્યારે પુસ્તક પ્રકાશિત થયું ન હતું તો આ પ્રકારની પીડીએફ કોપી તમારા સર્વરના કયા કયા લેવલ પર એક્સેસ થઇ શકતી હતી ? સાથે જ પોલીસ તે તમામ વ્યક્તિઓઅને ફ્રિલાંસરનુ લિસ્ટ માગી શકે છે જેની પાસે આ કોપીનું એક્સેસ હતું.
દિલ્હી પોલીસ કરશે તપાસ
દિલ્હી પોલીસ તપાસ કરી શકે છે કે શું ભૂતપૂર્વ આર્મી ચીફના પુસ્તક જેવી સંવેદનશીલ સામગ્રીને હેન્ડલ કરવા માટે ખાસ સાયબર સુરક્ષા ઓડિટ હાથ ધરવામાં આવ્યું હતું. ઉપરાંત પ્રકાશકને ક્યારે ખબર પડી કે પુસ્તકની સામગ્રી ઓનલાઈન લીક થઈ ગઈ છે, તેમણે તાત્કાલિક સુરક્ષા એજન્સીઓને કેમ જાણ ન કરી, અને જો એમ હોય તો, કોને? આ બાબતમાં થર્ડ પાર્ટીની ભૂમિકા શું હતી? શું પુસ્તકનો ડ્રાફ્ટ કોઈ વિદેશી પ્રિન્ટિંગ પ્રેસ અથવા ઈ-બુક પ્લેટફોર્મ સાથે શેર કરવામાં આવ્યો હતો? આ બધા પ્રશ્નો પોલીસ તપાસના દાયરામાં હોઈ શકે છે.
પુસ્તકની આસપાસનો વિવાદ શું છે?
ભૂતપૂર્વ આર્મી ચીફ જનરલ એમ.એમ. નરવણેના અપ્રકાશિત પુસ્તક, "ફોર સ્ટાર્સ ઓફ ડેસ્ટિની" એ સંસદમાં મોટો વિવાદ ઉભો કર્યો છે. ચીન સરહદ સંબંધિત વિવાદ સાથે સંબંધિત આ પુસ્તકને ભારત સરકારે પ્રકાશિત કરવાની મંજૂરી આપી નથી. કોંગ્રેસના સાંસદ રાહુલ ગાંધી સંસદમાં તેનો એક ભાગ વાંચી રહ્યા હતા, પરંતુ વિપક્ષી સાંસદોએ હંગામો મચાવ્યો અને તેમની ટિપ્પણીઓને અવગણી, દાવો કર્યો કે પુસ્તક ક્યારેય પ્રકાશિત થયું નથી.
જે બાદ રાહુલ ગાંધી આ પુસ્તક લઈને સંસદ પહોંચ્યા અને હવે પ્રકાશન પર સવાલ થઇ રહ્યા છે કે અપ્રકાશિત પુસ્તકનો ડેટા કેવી રીતે બહાર આવ્યો કે જેમાં સેના અને સરકારને લગતા મહત્વપૂર્ણ ડેટા હતા.
