દિલ્હીમાં રક્ષામંત્રી રાજનાથ સિંહે ભારતની જૈન પરંપરા અને સાંસ્કૃતિક વારસાને જાળવવા કેન્દ્ર સરકાર દ્વારા કરવામાં આવેલા પ્રયાસોનો ઉલ્લેખ કર્યો હતો. તેમણે જણાવ્યું કે વડાપ્રધાન નરેન્દ્ર મોદીના નેતૃત્વ હેઠળ સરકાર દ્વારા જૈન પરંપરા અને વારસાના સંરક્ષણ માટે શક્ય તેટલું કામ કરવાનો પ્રયાસ કરવામાં આવ્યો છે. જોકે, તેમણે સ્પષ્ટ કર્યું કે આ ક્ષેત્રમાં માત્ર તેમની સરકાર જ બધું કરી રહી હોવાનો દાવો તેઓ કરતા નથી.
https://twitter.com/ANI/status/2091143339844448304
20થી વધુ મૂર્તિઓ ભારત પરત લાવવામાં આવી
રાજનાથ સિંહે જણાવ્યું કે છેલ્લા કેટલાક વર્ષોમાં વિદેશમાંથી ચોરી થયેલી પૂજનીય તીર્થંકરોની 20થી વધુ મૂર્તિઓ ભારત પરત લાવવામાં આવી છે. તેમણે કહ્યું કે આ મૂર્તિઓ ભારતની પ્રાચીન આધ્યાત્મિક અને સાંસ્કૃતિક ધરોહરનો મહત્વપૂર્ણ હિસ્સો છે. તેમણે ભગવાન મહાવીરની શિક્ષણ પરંપરાનો પણ ઉલ્લેખ કર્યો હતો. રાજનાથ સિંહે કહ્યું કે ભગવાન મહાવીરે પોતાના ઉપદેશોનો પ્રચાર કરવા માટે પ્રાકૃત ભાષાનો ઉપયોગ કર્યો હતો. તેમણે જણાવ્યું કે કેન્દ્ર સરકારે પ્રાકૃતને 'શાસ્ત્રીય ભાષા'નો દરજ્જો આપ્યો છે.
આ તસવીરો માત્ર સ્થિર ચિત્રો નથી: રાજનાથ સિંહ
રક્ષામંત્રીએ નવા સંસદ ભવનમાં જૈન વારસાને આપવામાં આવેલા સ્થાનનો પણ ઉલ્લેખ કર્યો. તેમના જણાવ્યા અનુસાર, નવા સંસદ ભવનની આર્કિટેક્ચરલ ગેલેરીમાં સમ્મેદ શિખરનું ચિત્ર દર્શાવવામાં આવ્યું છે. લોકસભાના પ્રવેશદ્વાર પર પૂજનીય તીર્થંકરની પ્રતિમા સ્થાપિત કરવામાં આવી છે, જ્યારે બંધારણ ગેલેરીની છત પર ભગવાન મહાવીરનું ચિત્ર મૂકવામાં આવ્યું છે. આ ઉપરાંત દક્ષિણ ભવનની દિવાલ પર તમામ તીર્થંકરોની તસવીરો પ્રદર્શિત કરવામાં આવી છે. રાજનાથ સિંહે કહ્યું કે આ તસવીરો માત્ર સ્થિર ચિત્રો નથી, પરંતુ ‘બોલતી’ તસવીરો છે, જે જૈન આધ્યાત્મિક પરંપરાની ગાથા રજૂ કરે છે.
આ પણ વાંચો : Uttar Paradeshમાં ખાંડની કોઈ અછત નથી... વધતા ભાવ વચ્ચે CM યોગીનું નિવેદન
