કલાકો રાહ જોયા પછી અચાનક મેસેજ આવે કે હવે ફ્લાઇટ કેન્સલ છે સ્વાભાવિક છે રાહ જોઇને થાકેલા મુસાફરો ગુસ્સે થાય. સોશિયલ મીડિયા પર હાલ તમે જોઇ શકો છો કેટલાયે યુઝર્સ પોતાનો ગુસ્સો વ્યક્ત કરી રહ્યા છે. સેલિબ્રિટી હોય કે સામાન્ય લોકો તમામ લોકો હાલ હેરાન થઇ રહ્યા છે. કેટલાક સેલિબ્રિટીઓ સંચાલન વિરૂદ્ધ બોલી રહ્યા છે તો કેટલાક લોકો સ્ટાફ સાથે થઇ રહેલા ઉદ્ધતાઇ ભર્યા વર્તનને વખોડી રહ્યા છે.
ગ્રાઉન્ડ સ્ટાફના સપોર્ટમાં સોનૂસુદ, જય ભાનુશાલી, રાહુલ વૈદ્ય અલી ગોની જેવા સિતારાઓએ IndiGoને લઇને પોતપોતાની પ્રતિક્રિયા આપી છે.
IndiGoથી સેલિબ્રિટી પરેશાન
જય ભાનુશાળીએ ઇસ્ટાગ્રામ પર સ્ટોરી અને ફ્લાઇટને લઇને પોતાના અનુભવ શેર કર્યા છે. તેણે લખ્યુ છે કે આટલા કલાકની લાંબી મુસાફરી પછી મને આ ગીત સાથે સ્વાગત થવાની અપેક્ષા છે ધન્યવાદ IndiGo આવા કડવા અનુભવ કરવા બદલ.
અલી ગાનીએ એક વીડિયો શેર કર્યો
અલી ગાનીએ એક વીડિયો શેર કરીને લખ્યુ કે ગ્રાઉન્ડ સ્ટાફ સાથે ખરાબ વર્તન ન કરશો, તેમની પાસે કોઇ સત્તા નથી કે આપણી સમસ્યાનો હલ લાવી શકે
https://twitter.com/SonuSood/status/1997112840218677575
દેશમાં છેલ્લા કેટલાક દિવસોથી IndiGoની મોટા પાયે ફ્લાઇટ રદ્દ અને વિલંબની પરિસ્થિતિ ચાલુ છે. આ ગડબડમાં સામાન્ય મુસાફરો સાથે અનેક સેલિબ્રિટીઓની યાત્રા યોજના પણ ખોરવાઈ ગઈ છે. ફિલ્મ અને ટીવી જગતની ઘણી જાણીતી હસ્તીઓએ સોશિયલ મીડિયા પર પોતાનો ગુસ્સો વ્યક્ત કર્યો.
https://twitter.com/ANI/status/1997163353169596458
બોલીવુડ ડાન્સર-અભિનેત્રી લોરેન ગોટલિબે જણાવ્યું કે મુંબઈ એરપોર્ટ પર તેમની ફ્લાઇટ રદ્દ થતાં ટર્મિનલની સ્થિતિ “મચ્છી માર્કેટ” લાગી રહી હતી. તેમણે લોકોને અત્યારે IndiGoથી મુસાફરી ન કરવાની સલાહ આપી.
રાહુલ વૈદ્યે જણાવ્યું કે ગોવાથી મુસાફરી દરમિયાન તેમને લગભગ 4.2 લાખ રૂપિયા વધારાના ખર્ચવા પડ્યા.
ટીવી સ્ટાર અને ગાયક રાહુલ વૈદ્યે જણાવ્યું કે ગોવાથી મુસાફરી દરમિયાન તેમને લગભગ 4.2 લાખ રૂપિયા વધારાના ખર્ચવા પડ્યા. ટીવી અભિનેત્રી નિયા શર્માએ પણ પોતાની સ્થાનિક ફ્લાઇટનું ₹54,000નું બોર્ડિંગ પાસ શેર કરતાં કહ્યું કે “હું પહોંચીશ કે નહીં, ખબર નથી.” જય ભાનુશાલીએ કહ્યું કે તેમની ફ્લાઇટ છેલ્લી ક્ષણે રદ્દ થઈ અને તેમને રાતે 3:20 વાગ્યે બીજી ફ્લાઇટ લેવી પડી.
આ વચ્ચે, અભિનેતા અને માનવતાવાદી સોનૂ સૂદે શાંતિ અને સહાનુભૂતિ રાખવાની અપીલ કરી. તેમણે ટ્વીટમાં લખ્યું:
“ફ્લાઇટ મોડું થાય તો ગુસ્સો આવે જ, પણ યાદ રાખો કે તેને સુધારવાનો પ્રયત્ન કરતી વ્યક્તિઓની પણ પોતાની મર્યાદા હોય છે. કૃપા કરીને IndiGoના સ્ટાફ સાથે વિનમ્ર અને દયાળુ રહો; તેઓ પણ આ પરિસ્થિતિનો બોજ ઉઠાવી રહ્યા છે.”
https://twitter.com/ANI/status/1997157636710826122
સોનૂ સૂદના આ સંદેશને લોકોને ખૂબ પસંદ કર્યો, કારણ કે ગ્રાઉન્ડ સ્ટાફ પર સૌથી વધુ દબાણ છે અને મુસાફરોનો ગુસ્સો ઘણીવાર તેમની પર જ ઉતરે છે. બીજી તરફ, IndiGoએ ક્ષમાયાચના વ્યક્ત કરી છે અને રદ્દ થયેલી કે મોડેલી ફ્લાઇટ માટે રિફંડ અથવા રિબુકિંગની સુવિધા મળતી રહેશે એવું જણાવ્યું છે. કુલ મળીને, આ ફ્લાઇટ રદ્દની પરિસ્થિતિએ હવાઈ મુસાફરીને અસ્તવ્યસ્ત કરી દીધી છે અને સેલિબ્રિટીઓ સુધી બધાને મુશ્કેલી પડી રહી છે.
આ પણ વાંચો: IndiGo Flights Update: પાંચમા દિવસે પણ એર ટ્રાવેલ પર સંકટ! મુંબઈ એરપોર્ટ પર IndiGoની તમામ ફ્લાઇટ રદ
