Siddhanth Kapoor: વકીલ સાથે એન્ટી નાર્કોટિક્સ સેલ પહોંચ્યા સિદ્ધાંત કપૂર, 252 કરોડ ડ્રગ્સ મામલામાં પૂછપરછ

અંડરવર્લ્ડ ડોન દાઉદ ઇબ્રાહિમના કથિત પન્ટર મોહમ્મદ સલીમ સોહેલ શેખની ધરપકડ કરવામાં આવી હતી. જે બાદ પોલીસ પૂછપરછ દરમિયાન તેણે અનેક સેલિબ્રિટીઝના નામ લીધા. સિદ્ધાંત કપૂર તેમના વકીલ સાથે આ કેસના સંદર્ભમાં આજે એન્ટી-નાર્કોટિક્સ સેલ પહોંચ્યા હતા.

ડ્રગ્સ કેસમાં પૂછપરછ 

બોલીવુડ અભિનેત્રી શ્રદ્ધા કપૂરના ભાઈ સિદ્ધાંત કપૂરને એન્ટી-નાર્કોટિક્સ સેલના ઘાટકોપર યુનિટમાં પૂછપરછ માટે સમન્સ મોકલવામાં આવ્યું છે.252 કરોડના ડ્રગ કેસમાં સિદ્ધાંત તેમના વકીલ સાથે એન્ટી-નાર્કોટિક્સ સેલ પહોંચ્યા છે.

ઓરીનું નામ પણ આવ્યુ હતું સામે 

ઉલ્લેખનીય છે કે સોશિયલ મીડિયા ઇન્ફ્લુએન્સર ઓરીને પણ પૂછપરછ માટે આ યુનિટમાં બોલાવવામાં આવ્યા હતા. જોકે ઓરી પોલીસ સમક્ષ હાજર થયો ન હતો. મુંબઈ પોલીસની ANC આ ડ્રગ સિન્ડિકેટના તળિયે પહોંચવા માટે દરેક શક્ય કડીની તપાસ કરી રહી છે. એટલા માટે આ કેસમાં જેમના નામ સામે આવી રહ્યા છે તેમને એક પછી એક પૂછપરછ માટે બોલાવવામાં આવી રહ્યા છે.

સિદ્ધાંત કપૂર કોણ છે?

સિદ્ધાંત કપૂર એક ભારતીય અભિનેતા અને સહાયક દિગ્દર્શક છે. તે પીઢ અભિનેતા શક્તિ કપૂરનો પુત્ર અને અભિનેત્રી શ્રદ્ધા કપૂરનો ભાઈ છે. તેમણે કોમેડી હોરર ફિલ્મ "ભૂલ ભુલૈયા", કોમેડી મર્ડર મિસ્ટ્રી ફિલ્મ "ભાગમ ભાગ" અને કોમેડી ડ્રામા "ચુપ ચૂપ કે" સહિત અનેક ફિલ્મોમાં સહાયક દિગ્દર્શક તરીકે કામ કર્યું છે. સિદ્ધાંતે સંજય ગુપ્તાની ક્રાઈમ ફિલ્મ "શૂટઆઉટ એટ વડાલા" અને અનુરાગ કશ્યપની મનોવૈજ્ઞાનિક થ્રિલર "અગ્લી" માં પણ કામ કર્યું છે.