કર્મચારી ભવિષ્ય નિધી સંગઠન (EPFO) ના કરોડો સભ્યો માટે એક રાહતના સમાચાર સામે આવ્યા છે. EPFO ના ડિજિટલ અપગ્રેડેશનનું કામ આજે પૂરું થવાની પ્રબળ સંભાવના છે, જેના કારણે છેલ્લા કેટલાક દિવસોથી બંધ પડેલી ઓનલાઇન સેવાઓ આવતીકાલ એટલે કે 2 જુલાઈ 2026 થી ફરી રાબેતા મુજબ શરૂ થઈ જશે.
26 જૂનથી બંધ હતી સેવાઓ
સિસ્ટમને વધુ આધુનિક અને સુરક્ષિત બનાવવા માટે EPFO દ્વારા ડિજિટલ અપગ્રેડ હાથ ધરવામાં આવ્યું હતું. આ ટેકનિકલ કામગીરીના કારણે ગત 26 જૂનથી EPFO ની તમામ ઓનલાઇન સેવાઓ અસ્થાયી રૂપે બંધ કરવામાં આવી હતી. સેવાઓ બંધ હોવાને કારણે પીએફ સભ્યોને ભારે હાલાકીનો સામનો કરવો પડ્યો હતો, પરંતુ હવે આ પ્રતીક્ષાનો અંત આવ્યો છે.
PF ક્લેમ પ્રોસેસિંગ થશે સુપરફાસ્ટ
આ ડિજિટલ અપગ્રેડેશનને 'EPFO 3.0' ની દિશામાં એક ખૂબ જ મહત્વપૂર્ણ અને મોટું કદમ માનવામાં આવી રહ્યું છે. ટેકનોલોજીના આ નવા અપગ્રેડ બાદ પીએફ ક્લેમ સેટલમેન્ટની પ્રક્રિયા પહેલા કરતાં ઘણી ઝડપી (Fast) બની જશે. આ ઉપરાંત, EPFO નું સત્તાવાર વેબ પોર્ટલ હવે વધુ યૂઝર-ફ્રેન્ડલી અને હાઈ-સિક્યોરિટી ફીચર્સથી સજ્જ થઈ જશે, જેથી સાયબર ફ્રોડનો ખતરો પણ નહિવત થઈ જશે.
સભ્યો માટે EPFO ની ખાસ સલાહ
નવી સિસ્ટમ લાઇવ થયા બાદ સભ્યો પોર્ટલ પર ખૂબ જ સરળતાથી નવા ક્લેમ સબમિટ કરી શકશે, તેમજ પોતાના જૂના ક્લેમનું સ્ટેટસ પણ ટ્રેક કરી શકશે. EPFO એ તેના તમામ સભ્યોને ખાસ સલાહ આપી છે કે તેઓ 2 જુલાઈ પછી જ પોર્ટલ પર જઈને નવા ક્લેમ માટે અરજી કરે. આ સાથે જ સંગઠને આશ્વાસન આપ્યું છે કે જે સભ્યોના ક્લેમ અગાઉથી પેન્ડિંગ એટલે કે લંબિત છે, તેને પણ નવી સિસ્ટમ દ્વારા પ્રાથમિકતાના ધોરણે ખૂબ જ ઝડપથી પ્રોસેસ કરીને સેટલ કરવામાં આવશે.
આ પણ વાંચો:Afghanistanની પાકિસ્તાન સરહદમાં ઘૂસીને ભીષણ એરસ્ટ્રાઈક, ISISના અનેક ઠેકાણાઓ કર્યા તબાહ!
