મોદી કેબિનેટની બેઠક મળશે
આવતીકાલે મોદી કેબિનેટની બેઠક મળશે જેમાં ઘણા મહત્વના પ્રસ્તાવો અને નીતિગત નિર્ણયો લેવાય તેવી શક્યતા છે.આ બેઠક સવારે 11 વાગ્યે યોજાશે અને ત્યારબાદ બપોરે 2 વાગ્યે પ્રેસ કોન્ફરન્સ થઈ શકે છે.
ભારત-અમેરિકા ટ્રેડ ડિલ વાટાઘાટોનો અંતિમ દિવસ
દિલ્હીમાં ભારત-અમેરિકા ટ્રેડ ડીલ અંગે ચાલી રહેલી વાટાઘાટોનો આવતીકાલે અંતિમ દિવસ છે.આ ડીલ પર અંતિમ મહોર લાગે તેવી શક્યતા છે અને સંયુક્ત નિવેદન પણ જાહેર કરવામાં આવી શકે છે.
સમગ્ર દેશમાં વંદે માતરમ્ શિબિરનું આયોજન
સમગ્ર દેશમાં વંદે માતરમ્ શિબિરનું આયોજન કરવામાં આવશે.રાષ્ટ્રીય એકતાને પ્રોત્સાહન આપવાના ઉદ્દેશ્ય સાથે પ્રથમ શિબિર 24 થી 30 જૂન 2026 દરમિયાન કોલકાતામાં યોજાશે.આ પહેલ યુવા અને રમતગમત મંત્રાલય સાથે જોડાયેલા પ્લેટફોર્મ દ્વારા કરવામાં આવી છે.
અલાહાબાદ હાઈકોર્ટમાં રામ મંદિર દાન અંગે સુનાવણી
અલાહાબાદ હાઈકોર્ટની લખનૌ બેંચ ૨૪ જૂનના રોજ રામ મંદિર દાન વ્યવસ્થાપનમાં કથિત અનિયમિતતાઓની તપાસ અંગેની અરજી પર સુનાવણી કરશે. વેકેશન બેંચ આ અરજીની સુનાવણી કરશે, જેમાં દાનની રકમમાં ગેરરીતિની તપાસની માંગ કરવામાં આવી છે.
ભારતના વિદેશ મંત્રીની દક્ષિણ કોરિયા મુલાકાત
વિદેશ મંત્રી એસ. જયશંકર 24-25 જૂનના રોજ બે દિવસીય મુલાકાતે દક્ષિણ કોરિયા જશે.આ મુલાકાત દરમિયાન તેઓ દક્ષિણ કોરિયાના વિદેશ મંત્રી ચો હ્યુન સાથે દ્વિપક્ષીય વાર્તા કરશે.
રેલવે કર્મચારીઓનું પ્રદર્શન
રેલવેના સિગ્નલ અને ટેલિકોમ્યુનિકેશન કર્મચારીઓ 24 જૂનના રોજ ડિમાન્ડ ડે તરીકે મનાવી દેશભરમાં વિરોધ પ્રદર્શન કરશે.કર્મચારીઓનું કહેવું છે કે લેવલ ક્રોસિંગ ગેટની મરામત દરમિયાન દર વર્ષે ઘણા કર્મચારીઓના અકસ્માતમાં મોત થાય છે. આ ઉપરાંત, સિગ્નલ નિષ્ફળ જાય ત્યારે તેમને નિશ્ચિત ડ્યુટી રોસ્ટર વિના અને કામના કલાકો પૂર્ણ થયા પછી પણ બોલાવવામાં આવે છે.
સુપ્રીમ કોર્ટમાં જેકલીન ફર્નાન્ડીઝની અરજી પર સુનાવણી
સુપ્રીમ કોર્ટની બીજી એક બેંચ 24 જૂનના રોજ બોલીવુડ અભિનેત્રી જેકલીન ફર્નાન્ડીઝની અરજી પર સુનાવણી કરશે.અગાઉ જસ્ટિસ પ્રશાંત કુમાર મિશ્રાએ આ કેસમાંથી પોતાને અલગ કરી લીધા હતા. કારણ કે આ વિવાદના અન્ય એક કેસમાં તેમનો પુત્ર વકીલ છે તેથી નૈતિક આધાર પર તેઓ આ અરજીની સુનાવણી કરી શકે તેમ નહોતા.
24 જૂને ગુજરાતમાં ચોમાસું દસ્તક દઈ શકે છે
24 જૂને ગુજરાતમાં ચોમાસું દસ્તક દઈ શકે છે. આ સાથે જ હવામાન વિભાગ (IMD) એ 19 રાજ્યોમાં ભારે વરસાદ અને વાવાઝોડાનું એલર્ટ જાહેર કર્યું છે, જેમાં પવનની ગતિ 90 કિમી/કલાક સુધી પહોંચી શકે છે. યુપી, દિલ્હી, બિહાર, હરિયાણા, રાજસ્થાન, ઉત્તરાખંડ, હિમાચલ, પંજાબ, જમ્મુ-કાશ્મીર, ઝારખંડ, પશ્ચિમ બંગાળ, ઓડિશા, મધ્યપ્રદેશ, છત્તીસગઢ, મહારાષ્ટ્ર, આસામ, મેઘાલય, ત્રિપુરા અને કેરળમાં ભારે વરસાદની આગાહી છે, જેનાથી પાક અને જનજીવનને અસર થવાની આશંકા છે.
