હિમાચલ પ્રદેશમાં છેલ્લા ઘણા દિવસથી ભારે વરસાદ અને વાદળ ફાટવાને કારણે રાષ્ટ્રીય ધોરી માર્ગ સહિત 245 રસ્તાઓ ક્ષતિગ્રસ્ત થયા હતા. આ બાબતે અધિકારીઓએ ગુરુવારે જાણકારી આપી હતી. રાષ્ટ્રીય રાજમાર્ગ -ત્રણ પંજાબની અટારીને લડાખના લેહ સાથે જોડે છે. ભારે વરસાદને કારણે લેન્ડ સ્લાઈડને કારણે ફક્ત મંડી જિલ્લામાં 138 રસ્તાઓ બંધ છે. ત્યાં ગણા વિસ્તારોમાં વરસાદને કારણે ટ્રાન્સફોર્મર ક્ષતિગ્રસ્ત થયા છે અને 740 જળ યોજનાઓને પણ અસર પહોંચી છે.
મંડીમાં 30 જૂન અને 1 જુલાઈ દરમિયાન ખૂબ મોટા પ્રમાણમાં વરસાદ વરસ્યો હતો. આ દરમિયાન લગભગ 10 જગ્યાઓ પર વાદળ ફાટવાની ઘટના બની હતી. અત્યાર સુધીમાં પૂર અને ભૂસ્ખલન જેવી ઘટનાઓમાં ૧૫ લોકોના મોત થયા છે. આખો પહાડી પ્રદેશ આ દિવસોમાં કુદરતી આફતનો સામનો કરી રહ્યો છે. મંડીમાં 138 રસ્તાઓ બંધ થઈ ગયા છે, જ્યારે 124 ટ્રાન્સફોર્મરને નુકસાન થયું છે અને 137 પાણી પુરવઠા પ્રોજેક્ટ્સને અસર પહોંચી છે.
