ISI (ઇન્ટર-સર્વિસીસ ઇન્ટેલિજન્સ) સમર્થિત પાકિસ્તાની ગેંગસ્ટર શહઝાદ ભટ્ટી અને તેના નેટવર્ક સાથે સંકળાયેલા યુવાનોને UAPA હેઠળ 'આતંકવાદી સંગઠન' (terrorist entity) તરીકે જાહેર કરવામાં આવ્યા છે. ગૃહ મંત્રાલયે તેના સત્તાવાર X (ટ્વિટર) એકાઉન્ટ પર આ માહિતી આપી હતી. શહઝાદ ભટ્ટી એક પાકિસ્તાની ગેંગસ્ટર છે જે હાલમાં દુબઈમાં રહે છે; તે આતંકવાદી પ્રવૃત્તિઓમાં સતત વધુ સંડોવાયેલો જોવા મળ્યો છે.
તેમાં વધુમાં જણાવાયું છે કે, "આ જૂથ હથિયારો, વિસ્ફોટકો અને નશીલા પદાર્થોની સરહદ-પારની દાણચોરીમાં સામેલ છે અને યુવાનો તથા નાના ગુનેગારોને આતંકવાદ તરફ ઉશ્કેરે છે. ભારતની લોકશાહી વ્યવસ્થા અને સાંપ્રદાયિક સૌહાર્દને નિશાન બનાવતા, આ સિન્ડિકેટ દ્વારા નફરત ફેલાવવાના ઉદ્દેશ્યથી ડિજિટલ સામગ્રી પણ પ્રકાશિત કરવામાં આવી હતી."
https://twitter.com/HMOIndia/status/2100156552179294501
શહઝાદ ભટ્ટીના નેટવર્ક વિરુદ્ધ કાર્યવાહી; 200થી વધુની ધરપકડ
અગાઉ ઓગસ્ટ મહિનામાં, સુરક્ષા એજન્સીઓએ શહઝાદ ભટ્ટીના નેતૃત્વ હેઠળના ISI-સમર્થિત આતંકવાદી નેટવર્ક વિરુદ્ધ એક મોટું અભિયાન હાથ ધર્યું હતું. 14 રાજ્યોમાં હાથ ધરવામાં આવેલા આ અભિયાન દરમિયાન શહઝાદ ભટ્ટીના નેટવર્ક સાથે સંકળાયેલા 200થી વધુ શંકાસ્પદ વ્યક્તિઓની ધરપકડ કરવામાં આવી હતી. કેન્દ્રીય ગૃહમંત્રી અમિત શાહે પણ આ કાર્યવાહી અંગે વિગતો આપી હતી.
ડ્રગ્સ અને વિસ્ફોટકોની દાણચોરીના કેસમાં 80થી વધુ FIR
ગૃહ મંત્રાલયના જણાવ્યા અનુસાર, અત્યાર સુધીમાં શહેઝાદ ભટ્ટીના નેટવર્ક વિરુદ્ધ 80થી વધુ FIR નોંધવામાં આવી છે. આ કેસો UAPA, ભારતીય ન્યાય સંહિતા, આર્મ્સ એક્ટ, નાર્કોટિક ડ્રગ્સ એન્ડ સાયકોટ્રોપિક સબસ્ટન્સ એક્ટ અને એક્સપ્લોઝિવ સબસ્ટન્સ એક્ટ હેઠળ દાખલ કરવામાં આવ્યા છે. મંત્રાલયે જણાવ્યું હતું કે જપ્ત કરાયેલા IED, પાકિસ્તાન ઓર્ડનન્સ ફેક્ટરીના નિશાન ધરાવતા ગ્રેનેડ, પિસ્તોલ, જીવંત દારૂગોળો અને દેખરેખ માટે વપરાતા CCTV કેમેરા આ નેટવર્કની સરહદ પારની સીધી કડીઓની પુષ્ટિ કરે છે.
શું ભટ્ટી બ્રાઝિલમાં છુપાયેલો છે?
પંજાબ સાથે સંકળાયેલા આતંકવાદી હુમલાઓ અંગે NIAની તપાસમાં જુલાઈમાં ખુલાસો થયો હતો કે શહેઝાદ ભટ્ટી બ્રાઝિલમાં છુપાયેલો છે. NIAએ દાવો કર્યો હતો કે ભટ્ટી બ્રાઝિલથી વિવિધ સોશિયલ મીડિયા પ્લેટફોર્મ દ્વારા યુવાનોની ભરતી કરે છે, તેમને વોટ્સએપ ગ્રુપમાં જોડે છે અને ત્યારબાદ તેમની મારફતે ગુનાહિત કૃત્યોને અંજામ આપે છે.
આ પણ વાંચો: દિશા સાલિયાનને હોસ્પિટલ લઈ જનારી છોકરી કોણ હતી? CBI તપાસમાં ઉઠ્યા અનેક સવાલ!
