જમ્મુ અને કાશ્મીર વહીવટીતંત્રે સોમવારે (5 ઓક્ટોબર, 2026) કેન્દ્રશાસિત પ્રદેશમાં ગેરકાયદેસર રીતે રહેતા 150 બાંગ્લાદેશી નાગરિકોના દેશનિકાલ અંગે મોટી કાર્યવાહી કરી. કેન્દ્રશાસિત પ્રદેશના વહીવટીતંત્રે શ્રીનગર આંતરરાષ્ટ્રીય હવાઇમથકથી 150 બાંગ્લાદેશી નાગરિકોના જૂથને IAF ની ખાસ ફ્લાઇટ દ્વારા પશ્ચિમ બંગાળના બાગડોગરા માટે રવાના કર્યા છે. મળતી માહિતી અનુસાર 150 બાંગ્લાદેશી નાગરિકોના બીજા જૂથને બુધવારે (7 ઓક્ટોબર, 2026) પશ્ચિમ બંગાળના સ્થાનિક અધિકારીઓ દ્વારા વધુ દેશનિકાલ કાર્યવાહી માટે મોકલવામાં આવશે.
જમ્મુ કાશ્મીર વહીવટીતંત્રે કાર્યવાહી વિશે શું કહ્યું?
જમ્મુ અને કાશ્મીર વહીવટીતંત્રે સોમવારે (5 ઓક્ટોબર, 2026) જાહેરાત કરી હતી કે કેન્દ્રશાસિત પ્રદેશમાં ગેરકાયદેસર રીતે રહેતા 150 બાંગ્લાદેશી નાગરિકોના જૂથને જમ્મુ કાશ્મીર થી ઔપચારિક રીતે દેશનિકાલ કરવામાં આવી રહ્યો છે. આ પગલું ગેરકાયદેસર ઇમિગ્રન્ટ્સ સામે રાષ્ટ્રવ્યાપી કાર્યવાહીનો એક ભાગ છે.
શ્રીનગર પોલીસના જણાવ્યા અનુસાર, આ વ્યક્તિઓને ભારતીય વાયુસેના (IAF) ના ખાસ વિમાન દ્વારા શ્રીનગરથી પશ્ચિમ બંગાળના બાગડોગરા એરપોર્ટ પર લઈ જવામાં આવ્યા હતા. આગમન પછી તેમને પૂર્વીય સરહદ દ્વારા દેશનિકાલ પ્રક્રિયા પૂર્ણ કરવા માટે સીધા બોર્ડર સિક્યુરિટી ફોર્સ (BSF) ના કર્મચારીઓને સોંપવામાં આવશે. અધિકારીઓએ એ પણ સંકેત આપ્યો છે કે આ ચાલુ કામગીરીનો એક ભાગ છે અને 7 ઓક્ટોબરના રોજ સમાન ફ્લાઇટ દ્વારા 150 બાંગ્લાદેશી નાગરિકોના બીજા જૂથને દેશનિકાલ કરવામાં આવશે.
https://x.com/PTI_News/status/2107048179053277308?ref_src=twsrc%5Etfw%7Ctwcamp%5Etweetembed%7Ctwterm%5E2107048179053277308%7Ctwgr%5E%7Ctwcon%5Es1_c10&ref_url=
જમ્મુ અને કાશ્મીરમાં ગેરકાયદેસર બાંગ્લાદેશીઓની સંખ્યા કેટલી છે?
જમ્મુ અને કાશ્મીર સરકારે વસ્તી વિષયક પરિવર્તન પર ઉચ્ચ-સ્તરીય સમિતિને સુપરત કરેલા સત્તાવાર ડેટા અનુસાર, કેન્દ્રશાસિત પ્રદેશના 20 જિલ્લાઓમાં કુલ 504 ગેરકાયદેસર બાંગ્લાદેશી નાગરિકોની ઔપચારિક ઓળખ કરવામાં આવી છે. આ ઓળખાયેલા બાંગ્લાદેશીઓમાંથી મોટાભાગના કાશ્મીર વિભાગના છે, જેમાં તેના 10 જિલ્લાઓમાં 458 ની ઓળખ થઈ છે, જ્યારે જમ્મુ વિભાગના 10 જિલ્લાઓમાં ફક્ત 46 મળી આવ્યા છે.
જોકે વહીવટીતંત્ર સત્તાવાર રીતે 504 વ્યક્તિઓની યાદી આપે છે, સુરક્ષા સૂત્રો અને સ્થાનિક અહેવાલો સૂચવે છે કે જમ્મુ કાશ્મીર માં બિનદસ્તાવેજીકૃત બાંગ્લાદેશી ઇમિગ્રન્ટ્સની વાસ્તવિક સંખ્યા 1000 કે તેથી વધુ હોઈ શકે છે. આમાંના ઘણા લોકોવહીવટ અને સુરક્ષા એજન્સીઓનું ધ્યાન ટાળીને રસ્તાના કિનારે ફેરિયાઓ અથવા દૈનિક વેતન મજૂર તરીકે કામ કરે છે,
જમ્મુ અને કાશ્મીરમાં કેટલા ગેરકાયદેસર વિદેશીઓ છે?
વધુમાં, સરકારી ડેટામાં આ વ્યક્તિઓ અને મ્યાનમારના 7,656 ઓળખાયેલા રોહિંગ્યા મુસ્લિમોનો સમાવેશ થાય છે. આનાથી જમ્મુ અને કાશ્મીરમાં બિનદસ્તાવેજીકૃત વિદેશી નાગરિકોની કુલ સત્તાવાર સંખ્યા 8160 થઈ ગઈ છે. આમાં જમ્મુ અને કાશ્મીરમાં ઓળખાયેલા 504 બાંગ્લાદેશી નાગરિકો અને જમ્મુ વિભાગમાં નોંધાયેલા 6737 રોહિંગ્યા બંનેનો સમાવેશ થાય છે. સ્થાનિક ગુપ્ત માહિતી પર આધારિત અપ્રમાણિત અંદાજો અનુસાર સમગ્ર પ્રદેશમાં શરણાર્થીઓ અને ગેરકાયદેસર ઇમિગ્રન્ટ્સની કુલ સંખ્યા આશરે 13,700 છે.
આ પણ વાંચો: વારંવાર થાય છે કબજિયાત? તો કરો આ વસ્તુનું સેવન
