મુકેશ અંબાણીની Jio Platforms ના શેર લિસ્ટ થયા છે. શેરબજારમાં જોવા મળેલી અસ્થિરતા છતાં, કંપનીના IPOમાં રોકાણ કરનારાઓને સારો નફો મળ્યો છે. શેરબજારમાં પ્રવેશની સાથે જ, Jio Platforms દેશની બીજી સૌથી મૂલ્યવાન કંપની બની ગઈ છે.
Jio Platformsએ બનાવ્યો રેકોર્ડ
IPO લોન્ચ થયા ત્યારથી જ, મુકેશ અંબાણીની Jio Platforms એક પછી એક રેકોર્ડ બનાવી રહી છે. IPO ખુલ્યાના માત્ર 100 મિનિટમાં જ તે સંપૂર્ણ રીતે સબસ્ક્રાઇબ થઈ ગયો હતો. હવે, શેરબજારમાં પ્રવેશ સાથે, માર્કેટ કેપિટલાઇઝેશન (બજાર મૂલ્ય)ની દ્રષ્ટિએ Jio Platforms દેશની બીજી સૌથી મોટી કંપની બની ગઈ છે. નોંધનીય છે કે, આ યાદીમાં પ્રથમ સ્થાન મુકેશ અંબાણીની જ અન્ય કંપની, રિલાયન્સ ઇન્ડસ્ટ્રીઝ (Reliance Industries) ધરાવે છે.
ઉલ્લેખનીય છે કે, બુધવારે બજારમાં જોવા મળેલી અસ્થિરતા વચ્ચે પણ, Jio Platforms ના શેર 21% જેટલા મજબૂત પ્રીમિયમ સાથે લિસ્ટ થયા, જેનાથી રોકાણકારોને પ્રતિ લોટ આશરે ₹3,000 નો નફો થયો.
લિસ્ટિંગ સમયે Jio નું માર્કેટ કેપ
મુકેશ અંબાણીની રિલાયન્સ ઇન્ડસ્ટ્રીઝના સમર્થનવાળી ડિજિટલ સેવા કંપની 'Jio Platforms' ના શેર, તેના IPO ભાવ ₹1,119 ની સરખામણીમાં 21.40% થી વધુ પ્રીમિયમ સાથે શેરબજારમાં લિસ્ટ થયા. આ શેર ₹1,358 ના ભાવે બજારમાં પ્રવેશ્યા. પરિણામે, માર્કેટ કેપિટલાઇઝેશનના આધારે તે દેશની બીજી સૌથી મૂલ્યવાન કંપની બની ગઈ છે. લિસ્ટિંગ સમયે તેનું બજાર મૂલ્ય ₹12,50,586.39 કરોડ સુધી પહોંચ્યું હતું.
https://x.com/ANI/status/2115292741286699196?ref_src=twsrc%5Etfw%7Ctwcamp%5Etweetembed%7Ctwterm%5E2115292741286699196%7Ctwgr%5E%7Ctwcon%5Es1_c10&ref_url=
IPO દ્વારા રચાયેલા રેકોર્ડ્સની શ્રેણી
લોન્ચ થયા ત્યારથી જ, Jio Platforms ના IPO એ અનેક રેકોર્ડ્સ સ્થાપિત કર્યા છે. રિટેલ રોકાણકારો માટે IPO ખુલ્યાના માત્ર 100 મિનિટમાં જ તે સંપૂર્ણ રીતે સબસ્ક્રાઇબ થઈ ગયો હતો. ₹30,213 કરોડના મૂલ્ય ધરાવતા આ IPO ને કુલ 22.19 ગણો પ્રતિસાદ (સબસ્ક્રિપ્શન) મળ્યો હતો.
પબ્લિક ઇશ્યુ અને એન્કર ઇન્વેસ્ટર પ્લેસમેન્ટ મળીને કુલ માંગ ₹7.4 લાખ કરોડને વટાવી ગઈ હતી, અને અરજીઓની સંખ્યા 1.39 કરોડ સુધી પહોંચી હતી. જે એક વિશ્વ વિક્રમ છે. આ સાથે, કંપની દેશની સૌથી મોટી ટેલિકોમ સંસ્થા બની ગઈ છે.
જિયો પ્લેટફોર્મ્સમાં RILનો હિસ્સો
ઉલ્લેખનીય છે કે મુકેશ અંબાણીની રિલાયન્સ ઇન્ડસ્ટ્રીઝ લાંબા સમયથી દેશની સૌથી મૂલ્યવાન કંપની તરીકે પોતાનું વર્ચસ્વ જાળવી રાખી છે, જેનું માર્કેટ કેપિટલાઇઝેશન આશરે રૂ. 16 લાખ કરોડ છે. રિલાયન્સ જિયો પ્લેટફોર્મ્સમાં 66.4% હિસ્સો ધરાવે છે, જેણે બુધવારે શેરબજારમાં પ્રવેશ કર્યો.
આ પણ વાંચો: Sanwaliya Seth: 23 કરોડ રોકડ, 92 કિલો સોનું ચાંદી અને..સાંવરિયા શેઠ મંદિરનો ખૂલ્યો ભંડાર
