CJP Protest : વિપક્ષે રાષ્ટ્રપતિને સોંપ્યું આવેદનપત્ર, ‘વોટ ચોરી’ના મુદ્દે ચિંતા વ્યક્ત કરી

દિલ્હીમાં કાલે શનિવાર (૧૦ ઓક્ટોબર) ના રોજ યોજાનાર કોકરોચ જનતા પાર્ટી (CJP) ના વિરોધ પ્રદર્શન પર વહીવટીતંત્રે કડક કાર્યવાહી શરૂ કરી દીધી છે. મુખ્ય ચૂંટણી કમિશનર (CEC) જ્ઞાનેશ કુમારના રાજીનામાની માંગણી માટે આ વિરોધ પ્રદર્શન કરવામાં આવી રહ્યું છે. તો બીજી તરફ ઇન્ડિયા એલાયન્સ આજે દિલ્હીમાં બીજી કૂચ કરે તેવી શક્યતા છે. ઇન્ડિયા એલાયન્સના નેતાઓની બેઠક બાદ આ અંગે નિર્ણય લેવામાં આવી શકે છે. ઇન્ડિયા એલાયન્સના વરિષ્ઠ નેતાઓ મંગળવારથી રસ્તાઓ પર ઉતરી આવ્યા છે. જેને લઈને બેઠરનો સીલસીલો યથાવત છે.

કોકરોચ જનતા પાર્ટીને મોટો ઝટકો, જંતર-મંતર પર પ્રદર્શનની મંજૂરી નકારી

નવી દિલ્હી: દિલ્હીના જંતર-મંતર ખાતે 10 ઓક્ટોબરે સવારે 10 વાગ્યાથી દિવસના અંત સુધી પ્રદર્શન યોજવાની કોકરોચ જનતા પાર્ટીની માગ દિલ્હી પોલીસે ફગાવી દીધી છે. પોલીસે પક્ષને પત્ર લખીને સ્પષ્ટ કર્યું છે કે માગવામાં આવેલી મંજૂરી આપી શકાય તેમ નથી અને તેને સત્તાવાર રીતે નકારી કાઢવામાં આવી છે. મુખ્ય ચૂંટણી કમિશનર જ્ઞાનેશ કુમારના રાજીનામાની માગ સાથે પ્રદર્શન યોજવાની તૈયારી વચ્ચે આ નિર્ણય લેવાયો છે.

https://x.com/ANI/status/2108589030883610988 

રાષ્ટ્રપતિએ પુરાવા માગ્યા, ચૂંટણીની નિષ્પક્ષતા અંગે ચિંતા: સુપ્રિયા શ્રીનેત

નવી દિલ્હી: કોંગ્રેસનાં નેતા સુપ્રિયા શ્રીનેતે દાવો કર્યો છે કે રાષ્ટ્રપતિ દ્રૌપદી મુર્મુએ વિપક્ષની રજૂઆતને નકારી નથી, પરંતુ પુરાવા માગ્યા છે. તેમના જણાવ્યા અનુસાર, વિપક્ષ ચૂંટણી પ્રક્રિયાની નિષ્પક્ષતા અંગે પોતાની ચિંતાઓના પુરાવા રાષ્ટ્રપતિને સોંપશે. શ્રીનેતે એવો દાવો પણ કર્યો કે દેશમાં ચૂંટણી મુક્ત અને નિષ્પક્ષ રીતે યોજાય છે કે નહીં તે અંગે ચિંતા વ્યક્ત થઈ છે. જોકે, આ તેમનું નિવેદન છે.

https://x.com/ANI/status/2108584248953463116 

EVM બંધ કરી બેલેટ પેપરથી ચૂંટણી કરાવો: મલ્લિકાર્જુન ખડગે

નવી દિલ્હી: કોંગ્રેસ અધ્યક્ષ અને રાજ્યસભામાં વિપક્ષના નેતા મલ્લિકાર્જુન ખડગેએ ઈવીએમનો ઉપયોગ બંધ કરીને બેલેટ પેપરથી ચૂંટણી કરાવવાની માગ કરી છે. રાષ્ટ્રપતિ દ્રૌપદી મુર્મુ સાથે મુલાકાત બાદ તેમણે જણાવ્યું કે વિપક્ષે મત ચોરી અને મુખ્ય ચૂંટણી કમિશનર જ્ઞાનેશ કુમારની કથિત ભૂલો અંગે રજૂઆત કરી છે. ખડગેએ વધુમાં કહ્યું કે મત ચોરીના આરોપોને લગતા પુરાવા એકત્ર કરવામાં આવી રહ્યા છે, જે બાદમાં રજૂ કરવામાં આવશે. 

વિપક્ષે રાષ્ટ્રપતિને સોંપ્યું આવેદનપત્ર, ‘વોટ ચોરી’ના મુદ્દે ચિંતા વ્યક્ત કરી

નવી દિલ્હી: રાષ્ટ્રપતિ દ્રૌપદી મુર્મુ સાથે વિપક્ષી નેતાઓની બેઠક પૂર્ણ થઈ છે. બેઠક બાદ નેતાઓએ જણાવ્યું કે તેમણે રાષ્ટ્રપતિને આવેદનપત્ર સોંપ્યું છે. વિપક્ષના જણાવ્યા અનુસાર, મત ચોરીના મુદ્દે રજૂ કરવામાં આવેલી ચિંતાઓને રાષ્ટ્રપતિએ નકારી નહોતી અને આ અંગે ચિંતા વ્યક્ત કરી હતી. ચૂંટણી પંચની કામગીરી અને ચૂંટણી પ્રક્રિયા અંગે વિપક્ષે પોતાની માગણીઓ રજૂ કરી છે. 

https://x.com/ANI/status/2108586388140785677 

રાષ્ટ્રપતિ મુર્મુ સાથે મુલાકાત બાદ વિપક્ષી નેતાઓ બહાર આવ્યા

રાષ્ટ્રપતિ દ્રૌપદી મુર્મુ સાથે મુલાકાત કર્યા બાદ વિપક્ષી નેતાઓ રાષ્ટ્રપતિ ભવનમાંથી બહાર આવ્યા છે. ઈન્ડિયા ગઠબંધનના નેતાઓએ ભારતીય ચૂંટણી પંચની કામગીરી અંગે પોતાની ચિંતાઓ રજૂ કરી હતી. સાથે જ મુખ્ય ચૂંટણી કમિશનર જ્ઞાનેશ કુમારના રાજીનામાની માગ પણ ઉઠાવી હતી. ચૂંટણી પ્રક્રિયા અને ચૂંટણી પંચની કામગીરીને લઈને વિપક્ષે રાષ્ટ્રપતિ સમક્ષ પોતાની રજૂઆત કરી છે. 

https://x.com/ANI/status/2108578787990651354 

રાહુલ ગાંધી, મમતા બેનર્જી સહિત INDIA ગઠબંધનના 10 નેતાઓ રાષ્ટ્રપતિને મળવા પહોંચ્યા

ચૂંટણી પંચની કામગીરી અંગે પોતાની ચિંતાઓ રજૂ કરવા ઈન્ડિયા ગઠબંધનના 10 નેતાઓ રાષ્ટ્રપતિ દ્રૌપદી મુર્મુને મળવા રાષ્ટ્રપતિ ભવનમાં પ્રવેશ્યા છે. પ્રતિનિધિમંડળમાં રાહુલ ગાંધી, મલ્લિકાર્જુન ખડગે, મમતા બેનર્જી, ઉમર અબ્દુલ્લા, સુપ્રિયા સુળે, એમ. એ. બેબી, ડી. રાજા, મનોજ ઝા, રાજીવ રાય અને વી.સી.કે.ના પ્રમુખ થોલ. થિરુમાવલવનનો સમાવેશ થાય છે. ચૂંટણી પંચની કામગીરી અને મતદાર યાદીની સુધારણા પ્રક્રિયા અંગે રજૂઆત કરવામાં આવશે.

જ્ઞાનેશ કુમારને માત્ર હટાવવાથી નહીં ચાલે, ધરપકડ થવી જોઈએ: અભિષેક બેનર્જી

તૃણમૂલ કોંગ્રેસના સાંસદ અભિષેક બેનર્જીએ મુખ્ય ચૂંટણી કમિશનર જ્ઞાનેશ કુમાર સામે આકરા પ્રહારો કર્યા છે. તેમણે કહ્યું કે માત્ર પદ પરથી હટાવવાથી સમસ્યાનો ઉકેલ નહીં આવે, તેમની સામે ફોજદારી કાર્યવાહી કરીને ધરપકડ કરવી જોઈએ. બેનર્જીએ વર્ષ 2023માં આપવામાં આવેલી કાનૂની સુરક્ષા પાછી ખેંચવાની માગ પણ કરી છે. તેમણે ચૂંટણી વ્યવસ્થામાં વ્યાપક ફેરફાર કરવાની જરૂરિયાત પર ભાર મૂક્યો હતો. 

https://x.com/ANI/status/2108573987848716373  

CEC જ્ઞાનેશ કુમાર સામે વિપક્ષનો વિરોધ

મુખ્ય ચૂંટણી કમિશનર જ્ઞાનેશ કુમાર સામે ઈન્ડિયા ગઠબંધનના સાંસદોએ વિજય ચોક ખાતે વિરોધ પ્રદર્શન કરી રહ્યા છે. બીજી તરફ, વિપક્ષના 10 સાંસદો રાષ્ટ્રપતિ દ્રૌપદી મુર્મુ સાથે મુલાકાત કરી રહ્યા છે.

https://x.com/ANI/status/2108571062317527114 

બેલેટ પેપરથી ચૂંટણી કરાવવાની માગ, ડીકે શિવકુમારનું નિવેદન

 કર્ણાટકના મુખ્યમંત્રી ડીકે શિવકુમારે ચૂંટણી પ્રક્રિયાને લઈને મોટું નિવેદન આપ્યું છે. તેમણે કહ્યું કે વિપક્ષ બેલેટ પેપરથી ચૂંટણી કરાવવા માગે છે. સાથે જ તેમણે મુખ્ય ચૂંટણી કમિશનર જ્ઞાનેશ કુમારને પદ પરથી હટાવવાની માગ પણ કરી છે. 

https://x.com/ANI/status/2108571062317527114 

વિજય ચોક પર વિપક્ષી સાંસદોનું ધરણા, જ્ઞાનેશ કુમાર વિરુદ્ધ નારેબાજી

મતદાર યાદીની ખાસ સઘન સુધારણા પ્રક્રિયા (એસઆઈઆર) અને મુખ્ય ચૂંટણી કમિશનર જ્ઞાનેશ કુમારના મુદ્દે વિપક્ષે વિરોધ તેજ કર્યો છે. ઈન્ડિયા ગઠબંધનના 10 સાંસદો રાષ્ટ્રપતિ દ્રૌપદી મુર્મુને મળવા રાષ્ટ્રપતિ ભવન પહોંચ્યા છે, જ્યારે અન્ય સાંસદો વિજય ચોક ખાતે ધરણા પર બેઠા છે. આ દરમિયાન જ્ઞાનેશ કુમાર વિરુદ્ધ નારેબાજી પણ ચાલુ છે.

દિલ્હી પોલીસે સહી કરવા પણ અંદર જવા ન દીધા: ડેરેક ઓ’બ્રાયન

તૃણમૂલ કોંગ્રેસના સાંસદ ડેરેક ઓ’બ્રાયને આરોપ લગાવ્યો છે કે સેન્ટ્રલ હોલમાં બેઠક બાદ ચૂંટણી પંચ અંગેનું 2 પાનાંનું આવેદનપત્ર તૈયાર કરવામાં આવ્યું હતું, જેને તમામ પક્ષોએ મંજૂરી આપી હતી. મલ્લિકાર્જુન ખડગે, રાહુલ ગાંધી અને મમતા બેનર્જી સહિત 10 નેતાઓની સહી લેવાની હતી. જોકે, દિલ્હી પોલીસે અંદર જઈને સહી કરાવવાની મંજૂરી ન આપતાં મુશ્કેલી સર્જાઈ હોવાનો તેમણે દાવો કર્યો છે. હવે ખડગે અન્ય નેતાઓની સહી એકત્ર કરી રહ્યા છે.ૉ

https://x.com/ANI/status/2108569147290591236 

ચૂંટણી પંચ સામેની ફરિયાદ સાથે મમતા બેનર્જી રાષ્ટ્રપતિ ભવન જવા રવાના

પશ્ચિમ બંગાળનાં પૂર્વ મુખ્યમંત્રી મમતા બેનર્જી રાષ્ટ્રપતિ ભવન જવા રવાના થયાં છે. ઈન્ડિયા ગઠબંધનના સાંસદો રાષ્ટ્રપતિ દ્રૌપદી મુર્મુ સાથે મુલાકાત કરીને ભારતીય ચૂંટણી પંચની કામગીરી અંગે પોતાની ચિંતાઓ રજૂ કરવાના છે. આ મુલાકાતમાં ચૂંટણી પંચની કામગીરી અને તેની સામે વિપક્ષના વાંધાઓ અંગે ચર્ચા થવાની શક્યતા છે.

https://x.com/ANI/status/2108564838331072589 

INDIA ગઠબંધનના માત્ર 10 સાંસદોને મળવાનો સમય અપાયો: રાજીવ શુક્લા

કોંગ્રેસના સાંસદ રાજીવ શુક્લાએ આરોપ લગાવ્યો છે કે INDIA ગઠબંધનના તમામ સાંસદોને મળવાનો સમય આપવામાં આવ્યો નથી, માત્ર 10 નેતાઓને જ સમય અપાયો છે. તેમણે કહ્યું કે અન્ય સાંસદો પોતાનું પ્રદર્શન ચાલુ રાખશે અને માર્ચ પણ કાઢશે. સરકાર પર કટાક્ષ કરતાં શુક્લાએ કહ્યું કે સરકાર આટલી ડરી કેમ ગઈ છે? સર્વોચ્ચ અદાલતે પણ પ્રતિબંધ અંગે સવાલ ઉઠાવ્યો છે.

જંતર-મંતર પર પ્રદર્શનની મંજૂરી રદ, મમતાની રાજીનામાની માગ

દિલ્હીના જંતર-મંતર ખાતે 10 ઓક્ટોબરે કોકરોચ જનતા પાર્ટી દ્વારા પ્રસ્તાવિત પ્રદર્શનને દિલ્હી પોલીસે મંજૂરી આપવાનો ઇનકાર કર્યો છે. બીજી તરફ, પશ્ચિમ બંગાળનાં મુખ્યમંત્રી મમતા બેનર્જીએ મુખ્ય ચૂંટણી કમિશનર જ્ઞાનેશ કુમારને પદ પરથી હટાવવાની માગ કરી છે. કેન્દ્રીય ગૃહ સચિવ ગોવિંદ મોહને તમામ રાજ્યો અને કેન્દ્રશાસિત પ્રદેશોના પોલીસ વડાઓને કાયદો-વ્યવસ્થા જાળવવા તથા સુરક્ષા મજબૂત કરવા સૂચના આપી છે.

જંતર-મંતર પર પ્રદર્શનની જાહેરાત, પોલીસની મંજૂરી નહીં

 કોકરોચ જનતા પાર્ટીએ મુખ્ય ચૂંટણી કમિશનર જ્ઞાનેશ કુમારના રાજીનામાની માગ સાથે શનિવારે સવારે 10 વાગ્યે દિલ્હીના જંતર-મંતર ખાતે એકત્ર થવા પ્રદર્શનકારીઓને અપીલ કરી છે. જોકે, દિલ્હી પોલીસે આ પ્રદર્શન માટે મંજૂરી આપવાનો ઇનકાર કર્યો છે. આ ઘટનાને પગલે રાજધાનીમાં રાજકીય ગરમાવો વધવાની શક્યતા છે.

દિલ્હીમાં 24 કલાક ઇન્ટરનેટ બંધ કરવાના આદેશ

સુરક્ષા વ્યવસ્થાને ધ્યાનમાં રાખીને દિલ્હીમાં જનપથ-કર્તવ્ય પથ ક્રોસિંગના 4 કિમીના વિસ્તારમાં 9 ઓક્ટોબરની રાત્રે 10 વાગ્યાથી 10 ઓક્ટોબરની રાત્રે 10 વાગ્યા સુધી મોબાઇલ ઇન્ટરનેટ સેવાઓ અસ્થાયી રૂપે બંધ રાખવાનો નિર્ણય લેવાયો છે. ગૃહ મંત્રાલયની મંજૂરી બાદ ટેલિકોમ કંપનીઓને આદેશનું પાલન કરવા સૂચના આપવામાં આવી છે. આ પ્રતિબંધ તમામ પ્રકારની મોબાઇલ ઇન્ટરનેટ ટેક્નોલોજી પર લાગુ રહેશે.

 સાંસદોની મહત્વપૂર્ણ બેઠક શરૂ

સેન્ટ્રલ હોલમાં ઈન્ડિયા ગઠબંધનના સાંસદોની મહત્વપૂર્ણ બેઠક શરૂ

https://x.com/ANI/status/2108550645418742003 

રાજ્યસભાના સાંસદ મલ્લિકાર્જુન ખડગે પણ પહોંચ્યા
INDIAગઠબંધનની બેઠક માટે રાજ્યસભાના સાંસદ મલ્લિકાર્જુન ખડગે સંસદમાં પહોંચ્યા. મેટ્રો સ્ટેશનો બંધ થવા અને ટ્રેન સેવાઓ રદ થવા અંગે તેમણે પ્રતિક્રિયા આપી હતી.

https://x.com/ANI/status/2108542877446115585?ref_src=twsrc%5Etfw%7Ctwcamp%5Etweetembed%7Ctwterm%5E2108542877446115585%7Ctwgr%5E%7Ctwcon%5Es1_c10&ref_url=

રાહુલ ગાંધી સંસદ ભવનમાં પહોંચ્યા

લોકસભામાં વિપક્ષી નેતા રાહુલ ગાંધી સંસદ ભવનમાં પહોંચ્યા છે જ્યાં તેઓ રાષ્ટ્રપતિને મળતા પહેલા ભારત ગઠબંધનના નેતાઓ સાથે મુલાકાત કરશે. વિપક્ષી સાંસદો રાષ્ટ્રપતિ દ્રૌપદી મુર્મુ સાથે મુલાકાત કરીને ભારતના ચૂંટણી પંચની કામગીરી અંગે પોતાની ચિંતાઓ વ્યક્ત કરશે.

કનોટ પ્લેસમાં દુકાનદારોને લઈ એડવાઈઝરી જાહેર કરાઈ

નવી દિલ્હી ટ્રેડર્સ એસોસિએશન (NDTA) એ સાવચેતીના પગલા તરીકે કનોટ પ્લેસમાં આવતીકાલે બધી દુકાનો, ઓફિસો, રેસ્ટોરન્ટ અને અન્ય વ્યવસાયો બંધ રાખવાની સલાહ આપી છે. સલાહમાં લોકોને અધિકારીઓની સૂચનાઓ અને કનોટ પ્લેસની આસપાસની પરિસ્થિતિને ધ્યાનમાં રાખીને સતર્ક રહેવાની વિનંતી કરવામાં આવી છે. દુકાનદારો અને વ્યવસાય માલિકોને કોઈપણ અનિચ્છનીય ઘટનાઓ, મિલકતને નુકસાન અથવા ઇજાઓ ટાળવા માટે આ સૂચનાઓનું પાલન કરવા વિનંતી કરવામાં આવે છે.

10 ઓક્ટોબરે દિલ્હીમાં થયેલા વિરોધ પ્રદર્શનોએ દિલ્હીના વેપારીઓની ચિંતા વધી

ચેમ્બર ઓફ ટ્રેડ એન્ડ ઇન્ડસ્ટ્રી (CTI) એ રાજધાની દિલ્હીમાં ચાલી રહેલા મોટા વિરોધ પ્રદર્શનો અને સુરક્ષા કારણોસર મેટ્રો સેવાઓ ખોરવાવાને કારણે વ્યવસાય પર ગંભીર અસર પડવા અંગે ચિંતા વ્યક્ત કરી છે. CTI ના ચેરમેન બ્રિજેશ ગોયલે આજે વડા પ્રધાન નરેન્દ્ર મોદીને પત્ર લખીને દિલ્હીના મુખ્ય વિસ્તારોમાં મોટા વિરોધ પ્રદર્શનો માટે નિયંત્રણ અને વૈકલ્પિક વ્યવસ્થા કરવાની માંગ કરી છે. ગોયલે જણાવ્યું હતું કે શારદીય નવરાત્રી અને રામલીલા ૧૧ ઓક્ટોબરથી શરૂ થાય છે, ત્યારબાદ દિવાળી સુધી સતત તહેવારોની મોસમ ચાલે છે. આ દિલ્હીની સૌથી મોટી વ્યવસાયિક મોસમ છે. તેથી, CTI દિલ્હીના મુખ્ય બજારો, જંતર-મંતર, સંસદ માર્ગ અને લુટિયન્સ દિલ્હીમાં નવરાત્રીથી દિવાળી સુધી કોઈપણ મોટા વિરોધ પ્રદર્શનો પર સંપૂર્ણ પ્રતિબંધ મૂકવાની માંગ કરે છે, જેથી 1.5 મિલિયન વેપારીઓના ઉત્સવપૂર્ણ વ્યવસાયને સુરક્ષિત રાખી શકાય.
https://x.com/ANI/status/2108538706386981089?ref_src=twsrc%5Etfw%7Ctwcamp%5Etweetembed%7Ctwterm%5E2108538706386981089%7Ctwgr%5E%7Ctwcon%5Es1_c10&ref_url=

રાષ્ટ્રપતિએ ફક્ત 10 લોકોને મળવાની મંજૂરી આપી

કોંગ્રેસના સાંસદ સૈયદ નાસિર હુસૈને કહ્યું, "આપણે બધા સાંસદો રાષ્ટ્રપતિને મળવા માંગીએ છીએ; લોકસભા અને રાજ્યસભાના બધા 300 સાંસદો [ચૂંટણી કમિશનરોને] મળવા માંગે છે, પરંતુ ચૂંટણી પંચ કે રાષ્ટ્રપતિ બંને પરવાનગી આપી રહ્યા નથી. રાષ્ટ્રપતિએ ફક્ત 10 લોકોને મળવાની મંજૂરી આપી છે. અમે ખાતરી કરવાનો પ્રયાસ કરીશું કે બધા સાંસદો રાષ્ટ્રપતિને મળી શકે. દરેક સાંસદ તેમના મતવિસ્તાર અને રાજ્યની પરિસ્થિતિ અને SIR પ્રક્રિયા દરમિયાન થયેલી અનિયમિતતાઓ વિશે રાષ્ટ્રપતિને રિપોર્ટ સુપરત કરવા માંગે છે. અમે રાષ્ટ્રપતિને વિનંતી કરીએ છીએ કે તેઓ બધા સાંસદોની વાત સાંભળે..."

મલ્લિકાર્જુન ખડગે બેઠક માટે રવાના

દિલ્હીમાં સુરક્ષા વધારી દેવામાં આવી

રાજીવ રાયે કહ્યું, "આ કટોકટી અને સરમુખત્યારશાહીનો યુગ છે."

10 ઓક્ટોબરે કોકરોચ જનતા પાર્ટી (CJP) અને અન્ય સંગઠનો દ્વારા પ્રસ્તાવિત વિરોધ અંગે સમાજવાદી પાર્ટીના સાંસદ રાજીવ રાયે કહ્યું, "જો વિશ્વના સૌથી મોટા લોકશાહી દેશમાં શાંતિપૂર્ણ રીતે વિરોધ કરવાની સ્વતંત્રતા નથી, તો આ અઘોષિત કટોકટીનો યુગ છે, સરમુખત્યારોનો યુગ છે. જેમ દીવો બુઝાતા પહેલા ઝબકે છે, તેમ આ લોકો ફફડી રહ્યા છે. 

આ લોકો કંઈ પણ કરી શકે છે. તેઓ ફક્ત યુવાનો છે, શું તેઓ રમખાણો કરાવવા માટે બહાર નથી નીકળ્યા?"

સાંજે ૫ વાગ્યે સેન્ટ્રલ હોલમાં વિપક્ષની બેઠક.

સમાજવાદી પાર્ટીના સાંસદ રાજીવ રાયે રાષ્ટ્રપતિ ભવન તરફ વિપક્ષની કૂચ વિશે વાત કરતા કહ્યું, "આપણને બધાને સાંજે  5 વાગ્યે બંધારણ સભામાં બોલાવવામાં આવ્યા છે. અમારી રાત્રે 8 વાગ્યે રાષ્ટ્રપતિ સાથે મુલાકાત થવાની શક્યતા છે. અમે તેમને મળવા જઈશું. યુદ્ધના મેદાનમાં રણનીતિ સમયાંતરે સંજોગો અને સમયના આધારે નક્કી કરવામાં આવે છે."

10 તારીખે વિરોધ પ્રદર્શનને લઈને ઘણા મેટ્રો સ્ટેશનો પણ બંધ રાખવાનો પ્રસ્તાવ છે. નવી દિલ્હી રેન્જના જોઈન્ટ સીપી નુપુર પ્રસાદે જણાવ્યું હતું કે તેમને કોકરોચ જનતા પાર્ટીના સહ-કન્વીનર સૌરવ દાસ તરફથી 10 ઓક્ટોબરના રોજ જંતર-મંતર પર વિરોધ પ્રદર્શન અંગે અરજી મળી છે. તેમણે આ માટે પરવાનગી આપી નથી. તેમણે એક પત્રકાર પરિષદમાં જણાવ્યું હતું કે, "નવી દિલ્હી વિસ્તારમાં BNSS ની કલમ ૧૬૩ લાગુ છે, જેના હેઠળ જાહેર વ્યવસ્થા અને સુરક્ષા જાળવવા માટે યોગ્ય સાવચેતી પ્રતિબંધો લાદવામાં આવ્યા છે."