લોકસભા સ્પીકર ઓમબિરલા સામે અવિશ્વાસના પ્રસ્તાવને લઇને અમિત શાહ લોકસભામાં સંબોધન કરી રહ્યા છે. તેઓએ કહ્યું કે વિપક્ષે સ્પીકરની નિષ્ઠા પર સવાલ ઉઠાવ્યા છે. સ્પીકર કોણ પક્ષના હોતા નથી પરંતુ સ્પીકર સદનના હોય છે. સ્પીકર વિરુદ્ધ અવિશ્વાસનો પ્રસ્તાવ અફસોસજનક છે. ઉલ્લેખનીય છે કે અમિત શાહ રાહુલ ગાંધીનો આરોપ કે મને સદનમાં બોલવા દેવામાં આવતો નથી,. તેની પર જવાબ આપી રહ્યા છે. .
સદનમાં નિયમ વિરુદ્ધ ન બોલી શકાય- અમિત શાહ
અમિત શાહે વધુમાં કહ્યું કે નિયમ દરેક માટે એક હોય છે. આ નિયમો નહેરુના સમયથી ચાલ્યા આવે છે. સ્પીકરને રોકવાનો અને ટોકવાનો અધિકાર છે. અમે ક્યારેય સ્પીકર વિરુદ્ધ અવિશ્વાસનો પ્રસ્તાવ લાવ્યા નથી. અમે સ્પીકરના પદની ગરિમાનું રક્ષણ કર્યું છે. તેમણે કહ્યું કે સદનમાં નિયમોથી જ બોલવુ પડે છે. સંસદમાં સ્પીકરના માધ્યમથી જ બોલવુ પડે છે. નિયમ અનુસાર જ બોલી શકશો. સ્પીકરનો નિર્ણય અંતિમ હોય છે.
https://twitter.com/ANI/status/2031699391682433165
પીએમની ખુરશી પાસે વિરોધ કરવો યોગ્ય નહી- અમિત શાહ
અમિત શાહે કહ્યું કે પીએમની ખુરશી પાસે જઇને મહિલાઓ દ્વારા વિરોધ પ્રદર્શન કરવું ખોટું છે. કેટલાક લોકો જાણી જોઇને મનમાં આવે તે બોલે છે. સ્પીકરને અસંસદીય ભાષા, શબ્દ દૂર કરવાનો અધિકાર છે. સદનમાં આંદોલન ન કરી શકાય. આ પ્રસ્તાવ બહુમતીથી હટાવી દેવામાં આવે.
https://twitter.com/ANI/status/2031696541577322711
વિપક્ષ ઓમ બિરલાને મર્યાદા ન શીખવાડે- અમિત શાહ
વિપક્ષ પર સવાલ કરતા અમિત શાહે કહ્યું કે તમને અધિકાર છે પણ વિશેષાધિકાર નથી. તે લોકોની પાર્ટી નાની થતી જાય છે. તેમણે વધુમાં કહ્યું કે વિપક્ષ ઓમ બિરલાને મર્યાદા ન શીખવાડે. તેમણે કહ્યું કે અસાધારણ પરિસ્થિતિઓમાં સ્પીકરને દૂર કરી શકાય છે. આ રોજિંદી ઘટના નથી. જ્યારે સ્પીકરને દૂર કરવાનો પ્રસ્તાવ પેન્ડિંગ હોય છે, ત્યારે પ્રિસાઇડિંગ ઓફિસર કાર્યવાહી ચલાવશે નહીં. ત્રણેય વખત પરંપરા એવી હતી કે દરેક વ્યક્તિ 14 દિવસ સુધી અધ્યક્ષતા કરતા હતા અને ચર્ચા દરમિયાન અધ્યક્ષ સ્થાને રહેતા ન હતા.તમારી સરકાર દરમિયાન, બધા સ્પીકરો અધ્યક્ષ સ્થાને હતા. ઓમ બિરલા એક પણ દિવસ માટે બેઠા ન હતા. આ કોઈ નૈતિક આધાર બનાવી શકતું નથી.
ઓમ બિરલાની પ્રશંસા થવી જોઇએ- અમિત શાહ
ઓમ બિરલાની પ્રશંસા થવી જોઈએ. કલમ 94C હેઠળ, અધ્યક્ષને ફક્ત અસાધારણ અને ગંભીર પરિસ્થિતિઓમાં જ દૂર કરી શકાય છે. અધ્યક્ષને દૂર કરવા માટે અસરકારક બહુમતી જરૂરી છે. આ એક પ્રકારનું રક્ષણ છે. આ પ્રસ્તાવ કેસી વેણુગોપાલ અને 119 સભ્યો દ્વારા આપવામાં આવ્યો હતો. વર્ષ 2026 છે, પરંતુ તેઓએ 2025 લખ્યું હતું, અને ઠરાવ જોડ્યો ન હતો. તેઓએ ધાર્યું હશે કે સ્પીકર તેને નકારી કાઢશે. જ્યારે તે તેમના ધ્યાન પર લાવવામાં આવ્યું, ત્યારે તેઓએ ઠરાવ પાછો ખેંચી લીધો અને બીજો એક રજૂ કર્યો. આ ઠરાવ પર ગૌરવ ગોગોઈની મૂળ સહી પણ હતી. ફોટોકોપી અહીં સ્વીકાર્ય નથી. નિયમો મુજબ નોટિસ લાવવા માટે પૂરતી ગંભીરતા પણ નથી. આ ગૃહ નિયમો દ્વારા ચાલે છે, પક્ષના નિયમો દ્વારા નહીં. તેમને સુધારવાની બીજી તક આપવામાં આવી હતી. ચાર દાયકા પછી પ્રસ્તાવ આગળ લાવવા માટે ઉપયોગમાં લેવાયેલો નિયમ નિયમો અનુસાર નથી. તેઓ નિયમોનો અનાદર કરે છે અને પછી દાવો કરશે કે તેમને બોલવાની મંજૂરી નથી.
રાહુલ ગાંધી બોલવાનું હોય ત્યારે વિદેશમાં હોય છે- અમિત શાહ
અમિત શાહે કહ્યું કે જ્યારે બોલવાની તક આવે છે ત્યારે વિપક્ષ નેતા વિદેશમાં હોય છે. તેઓ જર્મની અને ઇંગ્લેન્ડ જતા રહે છે. તેમણે રાહુલગાંધીની ઉપસ્થિતિને લઇને કહ્યું કે 17મી લોકસભામાં રાહુલ ગાંધીની ઉપસ્થિતિ 51 ટકા રહી. બજેટની ચર્ચામાં તેઓ હાજર ન રહ્યા. તેઓ સદનમાં બોલવા ઇચ્છતા જ નથી.
