પાકિસ્તાની નૌકાદળના જહાજ અને ભારતીય નૌકાદળના એકમ વચ્ચે થયેલી ટક્કર અંગે ભારતે પાકિસ્તાન સમક્ષ કડક વિરોધ નોંધાવ્યો છે. નવી દિલ્હીમાં વિદેશ મંત્રાલય (MEA) એ પાકિસ્તાન હાઈ કમિશનના ચાર્જ ડી'અફેર્સને બોલાવ્યા હતા અને સમુદ્રમાં પાકિસ્તાની નૌકાદળના એકમોના કથિત અસ્વીકાર્ય અને અવ્યાવસાયિક વર્તન સામે વાંધો વ્યક્ત કર્યો હતો.
અરબી સમુદ્રમાં શું થયું હતું ?
આ ઘટના અરબી સમુદ્રC બની હતી. જોકે, કોઈ મોટી જાનહાનિ થઈ નથી. ભારતે પાકિસ્તાનને જાણ કરી હતી કે પાકિસ્તાની નૌકાદળના જહાજનું આચરણ ભારત અને પાકિસ્તાન વચ્ચે એપ્રિલ 1991ના કરારની કલમ 10નું સીધું ઉલ્લંઘન હતું. 1991નો આ કરાર લશ્કરી કવાયતો, દાવપેચ અને લશ્કરી હિલચાલ અંગેની પૂર્વ માહિતી સાથે સંબંધિત છે; બંને દેશોએ અગાઉ દરિયાઈ ઘટનાઓના સંદર્ભમાં કલમ 10નો ઉલ્લેખ કર્યો છે.
https://twitter.com/ANI/status/2100119464763416600
લશ્કરી એકમોને સમુદ્રમાં સાવધાની રાખવા અપીલ
વિદેશ મંત્રાલયે પાકિસ્તાનના ચાર્જ ડી'અફેર્સને સંબંધિત પાકિસ્તાની અધિકારીઓને ભારતનો કડક સંદેશ પહોંચાડવા જણાવ્યું હતું. વધુમાં, તમામ લશ્કરી એકમોને સમુદ્રમાં સાવધાની રાખવા અને બંને દેશો વચ્ચેના સંબંધિત કરારોનું પાલન કરવાની સલાહ આપવામાં આવી છે.
ભારતે આવી ઘટનાઓનું પુનરાવર્તન અટકાવવાની જરૂરિયાત પર પણ ભાર મૂક્યો છે. વધુમાં ઇસ્લામાબાદમાં ભારતીય ચાર્જ ડી'અફેર્સને પાકિસ્તાની વિદેશ મંત્રાલય સમક્ષ સમાન વિરોધ નોંધાવવાનો નિર્દેશ આપવામાં આવ્યો છે.
ભારત અને પાકિસ્તાનના યુદ્ધ જહાજો એકબીજા સાથે અથડાયા
તમને જણાવી દઈએ કે ગઈકાલે સાંજે (15 સપ્ટેમ્બર) ઉત્તર અરબી સમુદ્રમાં નિયમિત દેખરેખ મિશન પર તૈનાત ભારતીય નૌકાદળના ફ્રન્ટલાઈન યુદ્ધ જહાજની નજીક પાકિસ્તાની નૌકાદળનું એક જહાજ તેજ ગતિએ આવ્યું હતું અને તેણે બિનવ્યાવસાયિક રીતે વર્તન કર્યું હતું. પાકિસ્તાની નૌકાદળના જહાજના અસંસ્કારી વર્તનને કારણે બંને જહાજો વચ્ચે અથડામણ થઈ હતી. જો કે હજુ સુધી કોઈ નુકસાનના સમાચાર નથી.
આ પણ વાંચો: West Bengal: IPSની સ્પીચમાં ઇન્શાલ્લાહ અને અસ્સલામુઅલૈકુમ..જય હિંદ કે વંદેમાતરમ કેમ નહીં ? એક્શન લેવાયા
