મુંબઇમાં ભારે વરસાદને કારણે ભારે વરસાદને કારણે નાગરિકોની મુશ્કેલીમાં પણ વધારો થયો છે. શહેરમાં 24 કલાકમાં લગભગ 300 મીમી વરસાદ પડ્યો છે. વરસાદથી લોકલ ટ્રેનો પણ ખરાબ રીતે પ્રભાવિત થઈ છે. લગભગ 34 ટ્રેનો રદ કરવી પડી છે. જ્યારે 250 થી વધુ ફ્લાઇટ્સ પણ વરસાદથી પ્રભાવિત થઈ છે.
કુલ 18 એનડીઆરએફની ટીમો તહેનાત
શાળાઓ, કોલેજો અને સરકારી કચેરીઓ સતત ત્રીજા દિવસે બંધ રહી. BMC એ નાગરિકોને અફવાઓ પર વિશ્વાસ ન કરવા અપીલ કરી છે. કટોકટીની સ્થિતિમાં હેલ્પલાઇન નંબર 1916 પર કૉલ કરવા વિનંતી કરવામાં આવી છે. માત્ર મુંબઈ જ નહીં મહારાષ્ટ્રના ઘણા જિલ્લાઓ પણ ભારે વરસાદથી પ્રભાવિત થયા છે. છેલ્લા 24 કલાકમાં ભારે વરસાદ અને પૂરને કારણે છ લોકોના મોત થયા છે. રાજ્યના વિવિધ ભાગોમાં કુલ 18 NDRF ટીમો તૈનાત કરવામાં આવી છે. SDRF ટીમોએ નાંદેડના મુખેડ વિસ્તારમાં 293 લોકોને બચાવ્યા છે.
હવામાન વિભાગે આપ્યુ એલર્ટ
ત્યારે આજે પણ મુંબઇમાં 24 કલાકમાં બે વખત હાઇટાઇડનું એલર્ટ આપવામાં આવ્યું છે. હવામાન વિભાગના જણાવ્યા અનુસાર 21 ઓગસ્ટે ગુજરાત અને મહારાષ્ટ્રમાં ભારે વરસાદ પડશે. આગામી 3 દિવસ સુધી ઉત્તર મધ્ય મહારાષ્ટ્રમાં વિવિધ સ્થળોએ ભારે વરસાદ ચાલુ રહી શકે છે. આ સમયગાળા દરમિયાન 23 ઓગસ્ટ સુધી સપાટી પરના તેજ પવનો પણ ફૂંકાય તેવી શક્યતા છે, જેની ગતિ 40 થી 50 કિલોમીટર પ્રતિ કલાક સુધી હોઈ શકે છે. 25 ઓગસ્ટથી, કોંકણ, મધ્ય મહારાષ્ટ્ર અને ગુજરાતના નજીકના ભાગોમાં વરસાદી ગતિવિધિઓ વધુ વધશે. 22 ઓગસ્ટથી ઉત્તર-પશ્ચિમ અને પૂર્વ ભારતમાં વરસાદી ગતિવિધિઓ વધવાની શક્યતા છે. આ વિસ્તારોમાં થોડા દિવસો સુધી સતત વરસાદ ચાલુ રહી શકે છે.
