એજન્સીએ વાયરલ OMR શીટને ડિજિટલી સંપાદિત અને નકલી ગણાવી છે.
OMR શીટ મામલે હોબાળો
નેશનલ ટેસ્ટિંગ એજન્સીએ નેશનલ એલિજિબિલિટી કમ એન્ટ્રન્સ ટેસ્ટ ફોર અંડરગ્રેજ્યુએટ 2026ના પરિણામો અંગે સોશિયલ મીડિયા પર ચાલી રહેલા બીજા વિવાદનો અંત લાવ્યો છે. NTAએ એક સત્તાવાર નિવેદન જારી કરીને વિદ્યાર્થી આર્ય સિંહ દ્વારા OMR જવાબ પત્રમાં હેરાફેરી કરવાના દાવાઓને સ્પષ્ટપણે નકારી કાઢ્યા હતા. જેમાં વાયરલ OMR શીટને "ડિજિટલી સંપાદિત" અને નકલી ગણાવી હતી.
NTAએ તપાસ હાથ
NTA એ સ્પષ્ટતા કરી કે વિદ્યાર્થીનો જાહેર કરાયેલા 167નો સ્કોર સંપૂર્ણપણે સાચો અને ચકાસાયેલ છે અને તેમાં કોઈ ફેરફાર કરવામાં આવશે નહીં. વિદ્યાર્થીની OMR શીટ સોશિયલ મીડિયા પર વાયરલ થયા પછી અને પરિણામોમાં છેડછાડના આરોપો ઉભા થયા પછી, NTAએ તેના રેકોર્ડની સંપૂર્ણ તપાસ હાથ ધરી. તપાસ બાદ, NTA એ તેના સત્તાવાર સોશિયલ મીડિયા હેન્ડલ પર સંપૂર્ણ સત્ય જાહેર કર્યું હતુ.
મૂળ OMR શીટ NTA પાસે સુરક્ષિત
એજન્સીએ સ્પષ્ટતા કરી કે વિદ્યાર્થીની મૂળ OMR શીટ NTA પાસે સુરક્ષિત છે. OMR પ્રતિભાવ કી ચેલેન્જ વિન્ડો દરમિયાન તે જ મૂળ શીટ વિદ્યાર્થીના રજિસ્ટર્ડ ઇમેઇલ ID પર પણ મોકલવામાં આવી હતી. સોશિયલ મીડિયા પર ફરતી છબી મૂળ OMR શીટનું સંપાદિત સંસ્કરણ છે. મૂળ શીટ પર નિરીક્ષકના હસ્તાક્ષરનો સમય બપોરે 3-45 રેકોર્ડ કરવામાં આવ્યો હતો. પરંતુ તેને ડિજિટલી બદલીને બપોરે 2-45 વાગ્યે કરવામાં આવ્યો હતો.
NTAનો કડક સંદેશ
NTA એ નકલી OMR શીટ બનાવનારાઓ અને તેને સોશિયલ મીડિયા પર ફેલાવનારાઓને કડક સંદેશ આપ્યો છે. એજન્સીએ ચેતવણી આપી છે કે નકલી અથવા સંપાદિત OMR શીટ બનાવવી અને ફેલાવવી એ જાહેર પરીક્ષા અધિનિયમ, 2024 હેઠળ એક ગંભીર અને સજાપાત્ર ગુનો છે. NTA એ 20 જુલાઈ, 2026 ના રોજ તેની સત્તાવાર વેબસાઇટ, neet.nta.nic.in પર આ સંદર્ભમાં એક વિગતવાર જાહેર સૂચના પણ જારી કરી હતી.
આ પણ વાંચોઃ અમેરિકી ઉપપ્રમુખ JD Vance ચોથીવાર પિતા બન્યા, Usha Vance પુત્રને આપ્યો જન્મ