Nikki Murder Case : ઇન્સ્ટાગ્રામ રીલ્સ, બ્યુટી પાર્લર કે દહેજ, નિક્કીને સળગાવી તેનુ શું છે અસલી કારણ?

દહેજને લઈને ઘણી ઝુંબેશ ચલાવવામાં આવે છે, જેથી આ પ્રથાને મૂળમાંથી નાબૂદ કરી શકાય. તમામ પ્રયાસો પછી પણ દહેજના નામે છોકરીઓની બલિ ચડાવી દેવામાં આવે છે. તાજેતરમાં ગ્રેટર નોઈડા નિવાસી નિક્કી હત્યા કેસ પણ આવા જ એક કેસ છે. નિક્કીની હત્યા પાછળ ઘણા કારણો આપવામાં આવી રહ્યા છે. આમાં પહેલું કારણ દહેજની માંગણી હોવાનું જણાવવામાં આવી રહ્યું છે.

નિક્કી પાસેથી 36 લાખની માગણી કરવામાં આવી રહી હતી

મીડિયા રિપોર્ટ અનુસાર, નિક્કી પાસેથી 36 લાખની માગણી કરવામાં આવી રહી હતી. ઉપરાંત, પતિ વિપિનને નિક્કી દ્વારા ઇન્સ્ટાગ્રામ પર રીલ્સ બનાવવા સામે વાંધો હતો. આ કેસમાં પોલીસ તપાસ આગળ વધતાં હજુ પણ ઘણા ખુલાસા થવાની શક્યતા છે.

બહેન સોશિયલ મીડિયા પર સતત અપડેટ્સ આપી રહી છે

નિક્કી ની બહેન અને ભાભી કંચન સતત તેના સોશિયલ મીડિયા એકાઉન્ટ્સ પર વીડિયો પોસ્ટ કરી રહી છે. તે નિક્કી અને તેના જૂના રીલ્સ શેર કરી રહી છે. આ વીડિયો દ્વારા, તે તેની બહેન અને તેના પરિવાર માટે ન્યાયની માગ કરી રહી છે.

નિક્કીના ભાઈનો કેસ શું છે?

આ કેસમાં ઘણા એંગલ બહાર આવી રહ્યા છે. રીલ્સ, દહેજ અને વિપિનના એક મહિલા સાથેના અફેર ઉપરાંત, નિક્કીના ભાઈનું નામ પણ સામે આવી રહ્યું છે. રિપોર્ટ અનુસાર, 35 લાખની માગ દહેજ માટે નહીં પરંતુ નિક્કીના ભાઈના કેસ માટે હતી.

એવું કહેવામાં આવી રહ્યું છે કે નિક્કીના ભાઈનો એક મહિલા સાથે સંબંધ હતો, જેના માટે તેણે તેની પત્નીને છોડી દીધી હતી. આ કેસમાં યોજાયેલી પંચાયતમાં સતવીર ભાટી વચેટિયા બન્યો, જેમાં 35 લાખ રૂપિયા આપવાનું નક્કી થયું.

દીકરાનું નિવેદન લઈ શકાય છે

નિક્કીના દીકરાની જુબાની આ કેસમાં નવો વળાંક લઈ શકે છે. આ પહેલા પણ નિક્કીના દીકરાનું નિવેદન બહાર આવ્યું છે, જેમાં તેણે કહ્યું હતું કે પિતાએ મમ્મીને માર માર્યો હતો અને તેના પર કંઈક છાંટીને તેને આગ લગાવી દીધી હતી.