Parliament Monsoon Session: સંસદનું ચોમાસુ સત્ર ચાલી રહ્યું છે આ વચ્ચે સતત હોબોળો થઈ રહ્યો છે. બુધવારે, કાર્યવાહી શરૂ થયા પછી તરત સ્થગિત કરવી પડી હતી. જ્યારે કિરેન રિજિજુ અને રાહુલ ગાંધીએ મડાગાંઠ સમાપ્ત કરવા માટે વાતચીત કરી.; ચર્ચા દરમિયાન, રાહુલ ગાંધીએ માંગ કરી કે કેન્દ્રીય ગૃહમંત્રી અમિત શાહ ગૃહમાં આવે અને જવાબ આપે. જોકે, આ જે ગુરુવારે પણ, કાર્યવાહી શરૂ થાય તે પહેલાં વિપક્ષે સંસદ સંકુલની અંદર વિરોધ કૂચ કરી. મકર દ્વાર તરફ કૂચ દરમિયાન વરસાદ વચ્ચે સાંસદો છત્રીઓ લઈને જતા જોવા મળ્યા હતા. તેમણે એક મોટું બેનર હાથમાં રાખ્યું હતું અને અમિત શાહ પાસેથી જવાબ માંગતા સતત સૂત્રોચ્ચાર કર્યા હતા.
નોંધનીય છે કે, વિદ્યાર્થીઓના વિરોધ અને મંદિરના પ્રસાદની ચોરી જેવા મુદ્દાઓને લઈને સંસદની અંદર અને બહાર રાજકીય તણાવ વધી રહ્યો છે. મંગળવાર અને બુધવારે રાજ્યસભા અને લોકસભા બંનેમાં આ મુદ્દાઓએ પર સતત છવાયેલા રહ્યા છે.
લોકસભાની કાર્યવાહી સ્થગિત
લોકસભાની કાર્યવાહી નિર્ધારિત સમયે શરૂ થઈ. સ્પીકર ઓમ બિરલાએ પોતાનું સ્થાન લીધું અને સાંસદોને વ્યવસ્થા જાળવવા અને પ્રશ્નોત્તરી સમય શરૂ થાય તે માટે પોતાની બેઠકો પર બેસવાની અપીલ કરી. જોકે, વિપક્ષી સાંસદોએ ગૃહમાં સૂત્રોચ્ચાર ચાલુ રાખ્યા, જેના કારણે વિક્ષેપ પડવા લાગ્યો. સ્પીકર ઓમ બિરલાએ સભ્યોને કાર્યવાહી ચાલુ રાખવા વિનંતી કરી હોવા છતાં, હોબાળો શાંત થયો નહીં અને લોકસભા બપોરે 2 વાગ્યા સુધી સ્થગિત કરવામાં આવી.
લોકસભા અને રાજ્યસભા બંનેમાં કાર્યવાહી શરૂ થઈ ગઈ છે, પરંતુ હોબાળો ચાલુ
ગુરુવારે દિવસની કાર્યવાહી પહેલા, વિપક્ષી સાંસદોએ ફરી એકવાર સંસદ સંકુલની અંદર વિરોધ કૂચ કરી, મકર દ્વાર સુધી ચાલીને. તેમણે માંગ કરી કે કેન્દ્રીય ગૃહમંત્રી અમિત શાહ ગૃહને સંબોધિત કરે. સાંસદોએ તેમની માંગણી દર્શાવતું બેનર લઈને કૂચ કરી. રાજધાની દિલ્હીમાં વરસાદ છતાં, સાંસદોએ છત્રીઓ લઈને વિરોધ કૂચમાં ભાગ લીધો.
આ પણ વાંચો: India: દુનિયા તમારા નાટકોથી ગેરમાર્ગે નહીં જાય... ભારતે પાકિસ્તાનને 'યુમ-એ-ઇસ્તેહસાલ' પર આપ્યો જડબાતોડ જવાબ
