રાષ્ટ્રગાન વંદેમાતરમના 150 વર્ષ પૂર્ણ થયા છે જેને લઇને આજે લોકસભામાં વિશેષ સત્રનું આયોજન કરવામાં આવ્યું છે. પીએમ મોદી આજે આ અંગે સંબોધન કરી રહ્યા છે. તેઓએ કહ્યું કે વંદે માતરમ એક મંત્ર છે, એક એવું સૂત્ર જેણે સ્વતંત્રતા ચળવળને ઉર્જા, પ્રેરણા આપી અને બલિદાન અને તપસ્યાનો માર્ગ બતાવ્યો.
આ એક ઐતિહાસિક ક્ષણ છે- પીએમ મોદી
ગર્વની વાત છે કે આપણે વંદે માતરમના 150 વર્ષના સાક્ષી બની રહ્યા છીએ. આ એક ઐતિહાસિક ક્ષણ છે. આ એવો સમય છે જ્યારે ઘણી ઐતિહાસિક ઘટનાઓને સીમાચિહ્નરૂપ તરીકે ઉજવવામાં આવી રહી છે... આપણે તાજેતરમાં જ આપણા બંધારણના 75 વર્ષ ઉજવ્યા. દેશ સરદાર પટેલ અને બિરસા મુંડાની 150મી જન્મજયંતિ ઉજવી રહ્યો છે. આપણે ગુરુ તેગ બહાદુરજીનો 350મો શહીદ દિવસ પણ ઉજવી રહ્યા છીએ. હવે આપણે વંદે માતરમના 150 વર્ષ ઉજવી રહ્યા છીએ.
https://x.com/ANI/status/1997922269755216142
જ્યારે વંદે માતરમના 100 વર્ષ પૂર્ણ થયા ત્યારે..
જ્યારે વંદે માતરમને 50 વર્ષ પૂર્ણ થયા, ત્યારે ભારત બ્રિટિશ શાસન હેઠળ હતું. જ્યારે વંદે માતરમને100 વર્ષ પૂર્ણ થયા, ત્યારે ભારત કટોકટીની ઝપેટમાં હતું... તે સમયે દેશભક્તોને કેદ કરવામાં આવ્યા હતા. જ્યારે આપણા સ્વતંત્રતા આંદોલનને પ્રેરણા આપનાર ગીત, કમનસીબે, ભારત એક કાળા યુગનો સાક્ષી બની રહ્યું હતું.... વંદે માતરમના 150 વર્ષ એ ગૌરવ અને આપણા ભૂતકાળના તે મહાન ભાગને પુનઃસ્થાપિત કરવાની તક છે... આ ગીતે આપણને 1947માં સ્વતંત્રતા પ્રાપ્ત કરવા માટે પ્રેરણા આપી..
https://twitter.com/ANI/status/1997928817235816653
વંદે માતરમ ફક્ત રાજકીય સ્વતંત્રતાનો મંત્ર નહોતો. તે આપણી સ્વતંત્રતા પૂરતો મર્યાદિત નહોતો; તે તેનાથી ઘણો આગળ હતો. સ્વતંત્રતા ચળવળ આપણી માતૃભૂમિને ગુલામીની ચુંગાલમાંથી મુક્ત કરવા માટેનું યુદ્ધ હતું... આપણા વેદોમાં કહેવામાં આવ્યું હતું કે, આ ભૂમિ મારી માતા છે, અને હું આ ભૂમિનો પુત્ર છું. આ જ વિચાર શ્રી રામે લંકાનો ત્યાગ કરતી વખતે વ્યક્ત કર્યો હતો, 'जननी जन्मभूमिश्च स्वर्गत अपि गरियासि'. વંદે માતરમ આપણા મહાન સાંસ્કૃતિક વારસાનો આધુનિક અવતાર છે.
વંદે માતરમ વિરુદ્ધ લગાવ્યા હતા નારા
પીએમએ કહ્યું કે 15 ઓક્ટોબર, 1936 ના રોજ લખનૌથી મોહમ્મદ અલી ઝીણાએ વંદે માતરમ વિરુદ્ધ નારા લગાવ્યા હતા. કોંગ્રેસ પાર્ટીના તત્કાલીન પ્રમુખ જવાહરલાલ નેહરુએ પોતાનું સિંહાસન જોખમમાં જોયું હતું. મુસ્લિમ લીગના પાયાવિહોણા નિવેદનોની કડક નિંદા કરવાને બદલે, નેહરુએ તેનાથી વિપરીત કર્યું. તેમણે વંદે માતરમ અંગે જ તપાસ શરૂ કરી.
પાંચ દિવસ પછી, નેહરુએ નેતાજીને પત્ર લખીને ઝીણાની લાગણીઓ સાથે સંમત થયા અને કહ્યું કે વંદે માતરમની આનંદમઠ પૃષ્ઠભૂમિ મુસ્લિમોને નારાજ કરી શકે છે. તેમણે લખ્યું, આ પૃષ્ઠભૂમિ મુસ્લિમોને ઉશ્કેરશે." ત્યારબાદ કોંગ્રેસનું એક નિવેદન આવ્યું: "કોંગ્રેસ કાર્યકારી સમિતિ 26 ઓક્ટોબરે વંદે માતરમના ઉપયોગની સમીક્ષા કરવા માટે મળશે. લોકોએ આ પ્રસ્તાવનો વિરોધ કરવા માટે દેશભરમાં સવારના સરઘસોનું આયોજન કર્યું, પરંતુ કોંગ્રેસે વંદે માતરમના ટુકડા કરી દીધા. ઇતિહાસ સાક્ષી છે કે કોંગ્રેસે મુસ્લિમ લીગ સમક્ષ શરણાગતિ સ્વીકારી.