વડાપ્રધાન નરેન્દ્ર મોદીએ NCP (SP)ના પ્રમુખ શરદ પવારને ફોન કરીને તેમના સ્વાસ્થ્યના સમાચાર પૂછ્યા હતા. આ દરમિયાન PM મોદીએ શરદ પવારને સંપૂર્ણ આરામ કરવાની સલાહ આપી હતી.
શરદ પવારના નજીકના સહયોગી વિઠ્ઠલ મનિયારના જણાવ્યા અનુસાર, PM મોદીએ ફોન પર કહ્યું હતું કે, 'સાહેબ, કૃપા કરીને સંપૂર્ણ આરામ કરો. સુપ્રિયા હવે તૈયાર છે. સુપ્રિયા અને અમે દેશની જવાબદારી સંભાળી લઈશું. તમે આરામ કરો, મારી તમને આ જ વિનંતી છે.'
મનિયારે જણાવ્યું કે શરદ પવારે જવાબ આપ્યો હતો કે તેઓ આરામ કરી રહ્યા છે અને દેશની ચિંતા કરવાની કોઈ જરૂર નથી. તેમણે PM મોદીનો તબિયત પૂછવા બદલ આભાર પણ માન્યો હતો.
ફોન કોલ પાછળનું રાજકીય કારણ શું?
PM મોદી અને શરદ પવાર વચ્ચેની આ વાતચીત બાદ મહારાષ્ટ્રના રાજકારણમાં નવી ચર્ચાઓ શરૂ થઈ છે. ખાસ કરીને NCPના બંને જૂથોના સંભવિત વિલીનીકરણ અને સુપ્રિયા સુળેને કેન્દ્ર સરકારમાં સ્થાન મળવાની અટકળો તેજ થઈ છે.
જોકે, આ વાતચીતની PM મોદી કે શરદ પવાર તરફથી સત્તાવાર પુષ્ટિ કરવામાં આવી નથી. શરદ પવારના સહયોગી દ્વારા આપવામાં આવેલી માહિતીના આધારે આ વાત સામે આવી છે.
વડાપ્રધાન નરેન્દ્ર મોદીએ બુધવારે NCP (SP)ના પ્રમુખ શરદ પવારને તેમના સ્વાસ્થ્યના સમાચાર પૂછવા માટે ફોન કર્યો હતો. હવે તેમની તબિયત પહેલાં કરતાં ઘણી સારી છે. PM મોદીએ શરદ પવારને ફોન કર્યા બાદ મહારાષ્ટ્રના રાજકારણમાં નવી ચર્ચાઓ શરૂ થઈ ગઈ છે.
હોસ્પિટલની બહાર પત્રકારો સાથે વાત કરતાં વિઠ્ઠલ મનિયારે જણાવ્યું કે PM મોદીએ શરદ પવારને પોતાના સ્વાસ્થ્યનું ધ્યાન રાખવા અને આરામ કરવાની વિનંતી કરી હતી.
'સુપ્રિયા અને અમે દેશ સંભાળી લઈશું'
PM મોદીએ શરદ પવારને કહ્યું હતું કે, "સુપ્રિયા હવે તૈયાર છે. સુપ્રિયા અને અમે દેશ સંભાળી લઈશું. તમે તમારા સ્વાસ્થ્યનું ધ્યાન રાખો અને આરામ કરો. અમારા પર તમારા આશીર્વાદ જાળવી રાખજો."
PM મોદીના ફોન બાદ શરદ પવારના હોસ્પિટલમાં દાખલ થવાના સમાચારને કારણે રાજકીય ચર્ચાઓ શરૂ થઈ હતી. વડાપ્રધાને વહેલી સવારે ફોન કરીને શરદ પવારના ખબરઅંતર પૂછ્યા હતા.
શરદ પવારે ફોન કરવા બદલ વડાપ્રધાનનો આભાર માન્યો હતો અને તેમને ખાતરી આપી હતી કે તેઓ આરામ કરી રહ્યા છે. તેમણે કહ્યું હતું કે, "તમારા બધા લોકોની હાજરીમાં મારે દેશની કોઈ ચિંતા કરવાની જરૂર નથી."
2 નવેમ્બરે હોસ્પિટલમાં દાખલ થયા હતા
2 નવેમ્બરે ઉધરસ અને છાતીમાં કફ જામી જવાની (કન્જેશન) ફરિયાદને કારણે શરદ પવારને હોસ્પિટલમાં દાખલ કરવામાં આવ્યા હતા. તેઓ પોતાના સ્વાસ્થ્યને લઈને હંમેશાં સાવચેત રહે છે. તેથી તેઓ નિયમિત તપાસ માટે હોસ્પિટલ આવ્યા હતા.
મનિયારે પુષ્ટિ કરી હતી કે શરદ પવારની તબિયત સ્થિર છે અને કોઈ ગંભીર સમસ્યા નથી. બુધવારે તેમને હોસ્પિટલમાંથી રજા આપવામાં આવી હતી.
ડૉક્ટરોએ શરદ પવારને જાહેર કાર્યક્રમોમાં ફરીથી ભાગ લેતાં પહેલાં ઓછામાં ઓછા 2થી 4 દિવસ સંપૂર્ણ આરામ કરવાની સલાહ આપી છે.
શરદ પવાર તેમની પુત્રી અને લોકસભા સાંસદ સુપ્રિયા સુલે સાથે સીધા દક્ષિણ મુંબઈમાં આવેલા પોતાના ઘરે ગયા હતા. આરામ દરમિયાન તેમની ખાનગી મેડિકલ ટીમ તેમની દેખરેખ રાખશે.
આ પહેલાં સુપ્રિયા સુલેએ સોશિયલ મીડિયા પર પોસ્ટ કરીને જણાવ્યું હતું કે, "બાબાની તબિયત હવે ઘણી સારી છે અને અમે મુંબઈ જઈ રહ્યા છીએ. રૂબી હોલની સમગ્ર ટીમનો ખૂબ ખૂબ આભાર, જેમણે તેમની ખૂબ સારી રીતે સંભાળ રાખી. આપ સૌની શુભેચ્છાઓ માટે હું હૃદયપૂર્વક આભારી છું."
વધુ સમાચાર વાંચવા ડાઉનલોડ કરો સંદેશ ન્યૂઝ એપ : https://sandesh.com/d