પ્રધાનમંત્રી નરેન્દ્ર મોદીએ દિવાળીના શુભ અવસર પર દેશવાસીઓને શુભેચ્છાઓ પાઠવી છે. સોશિયલ મીડિયા પ્લેટફોર્મ પર પોસ્ટ કરાયેલા એક વીડિયોમાં પીએમ મોદીએ કહ્યું, "દિવાળીના શુભ અવસર પર આખો દેશ રોશનીથી ઝગમગી ઉઠ્યો છે.
તેમણે વધુમાં ઉમેર્યું, "પ્રકાશનો આ તહેવાર અંધકાર સામેના આપણા સંકલ્પનું પ્રતીક છે. આપ સૌને દિવાળીની ખૂબ ખૂબ શુભેચ્છાઓ! તમારી જેમ, હું પણ દિવાળી ખૂબ જ ઉત્સાહથી ઉજવું છું. અને જેમ તમે જાણો છો, આ સમય આપણા સૈનિકોની વચ્ચે વિતાવવો એ મારો નિયમ બની ગયો છે—એક એવી પરંપરા જેને હું આ વર્ષે પણ ચાલુ રાખીશ...
ઉપ રાષ્ટ્રપતિના નિવાસ સ્થાને પૂજા કરી
પ્રધાનમંત્રી મોદીએ ઉપરાષ્ટ્રપતિના નિવાસસ્થાને પૂજા-અર્ચના કરી. અગાઉ, તેમણે ઉપરાષ્ટ્રપતિના નિવાસસ્થાને દિવાળીની ઉજવણી કરી હતી. ધાર્મિક વિધિઓ દરમિયાન, ઉપરાષ્ટ્રપતિ સી.પી. રાધાકૃષ્ણને પ્રધાનમંત્રીના કપાળ પર તિલક કર્યું. આ પ્રસંગે બંને નેતાઓએ સાથે મળીને તસવીર પણ પડાવી હતી અને ઉપરાષ્ટ્રપતિએ પ્રધાનમંત્રીને એક સ્મૃતિચિહ્ન અર્પણ કર્યું હતું. પ્રધાનમંત્રી મોદીએ સોશિયલ મીડિયા પ્લેટફોર્મ 'X' પર એક પોસ્ટ દ્વારા આ કાર્યક્રમની તસવીરો શેર કરી અને લખ્યું: "ઉપરાષ્ટ્રપતિ થિરુ સી.પી. રાધાકૃષ્ણનજી સાથે મુલાકાત થઈ અને દિવાળીની શુભેચ્છાઓનું આદાન-પ્રદાન કર્યું."