પ્રધાનમંત્રી નરેન્દ્ર મોદી આજે આંધ્રપ્રદેશ અને કર્ણાટકની મુલાકાતે છે. આંધ્રપ્રદેશના વિજયનગરમ જિલ્લામાં આવેલા ભોગાપુરમમાં તેમણે આશરે ₹18,000 કરોડના વિવિધ વિકાસ પ્રોજેક્ટ્સનું ઉદ્ઘાટન અને શિલાન્યાસ કર્યો. આ સાથે આંધ્રપ્રદેશને વધુ એક આંતરરાષ્ટ્રીય એરપોર્ટ મળ્યું છે. પ્રધાનમંત્રીએ લગભગ ₹5,600 કરોડના ખર્ચે બનેલા અલ્લુરી સીતારામ રાજુ આંતરરાષ્ટ્રીય એરપોર્ટનું ઉદ્ઘાટન કર્યું, જે વાર્ષિક 6 મિલિયન મુસાફરોને સંભાળવાની ક્ષમતા ધરાવશે.
આજે ગરીબ પરિવારનું સપનું પુરુ થયુ છે- પીએમ મોદી
ત્યારે પીએમ મોદીએ આંધ્રપ્રદેશના ભોગપુરમમાં જન સભાસંબોધી. તેમણે કહ્યું કે આંધ્રપ્રદેશ યુવાઓના ભવિષ્યને શ્રેષ્ઠ બનાવવા માટેનું લોન્ચપેડ છે. પહેલા એરપોર્ટનું નામ એક જ પરિવાર પર હતું. 12 વર્ષમાં એવિએશન સેક્ટરમાં ઘણી પ્રગતિ થઇ છે. આજનો દિવસ આંધ્રપ્રદેશ માટે મહત્વનો છે. આ એરપોર્ટ સીતારામ રાજુને નામ છે. પીએમ નરેન્દ્ર મોદીએ કહ્યું કે ભૂતકાળમાં, એરપોર્ટનું નામ ઘણીવાર એક જ પરિવારના નામ પર રાખવામાં આવતું હતું. અમે આ પરંપરા બદલી નાખી. અમે અયોધ્યાના એરપોર્ટનું નામ વાલ્મીકિ અને પંજાબના એરપોર્ટનું નામ સંત રવિદાસ રાખ્યું છે. કેન્દ્રની NDA સરકારે નિર્ણય લીધો છે કે આ નવા એરપોર્ટનું નામ અલ્લુરી સીતારામ રાજુ રાખવામાં આવશે..."
https://twitter.com/ANI/status/2083459357023621159
એક્સપ્રેસવેનું નેટવર્ક વિકસાવવામાં આવી રહ્યું છે-પીએમ મોદી
દેશ સતત તેની બ્લૂ ઇકોનોમીને મજબૂત બનાવી રહ્યો છે. અમારું વિઝન સમગ્ર પ્રદેશને દરિયાકાંઠાના આર્થિક કોરિડોર તરીકે વિકસાવવાનું છે. આ ધ્યેયને ધ્યાનમાં રાખીને, વિશાખાપટ્ટનમથી કૃષ્ણપટ્ટનમ સુધીના અમારા જૂના બંદરોનું આધુનિકીકરણ કરવામાં આવી રહ્યું છે. આ ઉપરાંત, અમે મુલાપેટા અને રામાયપટ્ટનમમાં નવા બંદરો પણ બનાવી રહ્યા છીએ... સમગ્ર આંધ્રપ્રદેશમાં હાઇવે અને એક્સપ્રેસવેનું નેટવર્ક વિકસાવવામાં આવી રહ્યું છે. વિશાખાપટ્ટનમ-રાયપુર એક્સપ્રેસવે જેવા પ્રોજેક્ટ્સ આ સમગ્ર પ્રદેશને વેગ આપી રહ્યા છે."
https://twitter.com/ANI/status/2083462502906732883
1 લાખ કરોડના રેલવે પ્રોજેક્ટસ- પીએમ મોદી
આ પ્રદેશ અને દેશના મુખ્ય ઔદ્યોગિક કેન્દ્રો વચ્ચે સીમલેસ કનેક્ટિવિટી સુનિશ્ચિત કરવા માટે, આંધ્રપ્રદેશમાં હાલમાં આશરે 1 લાખ કરોડ રૂપિયાના રેલ્વે પ્રોજેક્ટ્સ ચાલી રહ્યા છે. રાજ્યના સમગ્ર રેલ નેટવર્કનું વીજળીકરણ કરવામાં આવ્યું છે, અને અહીંના સિત્તેરથી વધુ રેલ્વે સ્ટેશનોનું આધુનિકીકરણ કરવામાં આવી રહ્યું છે."
https://twitter.com/ANI/status/2083463076515594435
સેમી કન્ડક્ટરના ક્ષેત્રમાં આગળ વધી રહ્યા છીએ-પીએમ મોદી
આંધ્રપ્રદેશ અને રાષ્ટ્ર આપણા યુવાનોની પ્રતિભાનો મહત્તમ લાભ મેળવે તે ખૂબ જ મહત્વપૂર્ણ છે. આ માટે, અમારું ધ્યાન હવે ભવિષ્યવાદી ટેકનોલોજી ક્ષેત્રો પર છે, જેમ કે સેમિકન્ડક્ટર ઉદ્યોગ. વિશાખાપટ્ટનમમાં નવા સેમિકન્ડક્ટર પ્લાન્ટ માટે શિલાન્યાસ આ દિશામાં એક મહત્વપૂર્ણ પગલું છે."
https://twitter.com/ANI/status/2083463685486543106
