એકનાથ શિંદેએ કહ્યું કે, આ કોઈ રાજકીય મુલાકાત નહોતી, રાજકારણ ઉપરાંત પણ સંબંધો છે. અમારા પારિવારિક સંબંધો છે.
બ્રિચ કેન્ડી હોસ્પિટલમાં દાખલ શરદ પવાર
મહારાષ્ટ્રના નાયબ મુખ્ય પ્રધાન એકનાથ શિંદે બ્રિચ કેન્ડી હોસ્પિટલમાં દાખલ એનસીપી વડા શરદ પવારને મળ્યા અને તેમના સ્વાસ્થ્ય વિશે પૂછપરછ કરી. તેમણે કહ્યું, "હું તેમને મળવા આવ્યો હતો. અમે તેમના સ્વાસ્થ્ય વિશે ચર્ચા કરી. તેઓ હવે ઠીક છે. ચિંતા કરવાની કોઈ વાત નથી. તેમણે અમારા ખેડૂતો વિશે પણ ચર્ચા કરી. હોસ્પિટલમાં હતા ત્યારે તેમણે આ ચર્ચા કરી તે મોટી વાત છે." એકનાથ શિંદેએ કહ્યું કે શરદ પવારને કાલે હોસ્પિટલમાંથી રજા આપવામાં આવશે.
આ રાજકીય મુલાકાત નથીઃ એકનાથ શિંદે
એકનાથ શિંદેએ એમ પણ કહ્યું હતું કે, "આ કોઈ રાજકીય મુલાકાત નહોતી. હોસ્પિટલમાં મહારાષ્ટ્રના એક વરિષ્ઠ નેતાને મળવા પાછળ કોઈ રાજકીય હેતુ નથી. રાજકારણથી આગળ પણ સંબંધો છે. પવાર સાહેબ અને મારો એક એવો સંબંધ છે જે ફક્ત રાજકારણ સુધી મર્યાદિત નથી. અમે પવાર સાહેબ સાથે વાત કરી હતી. જ્યારે પણ તેમને કોઈ પ્રશ્ન હોય છે, ત્યારે તેઓ મને ફોન કરે છે; અમારો પારિવારિક સંબંધ છે."
અગાઉ પ્રફુલ પટેલે કરી હતી મુલાકાત
પ્રફુલ પટેલ પણ શરદ પવારને મળ્યા હતા. એકનાથ શિંદે પહેલાં, NCP (અજિત જૂથ) ના સાંસદ પ્રફુલ પટેલ પણ શરદ પવારને મળ્યા હતા. તાજેતરના વિકાસ વચ્ચે શરદ પવાર અને પ્રફુલ પટેલ વચ્ચેની આ ટૂંકી વાતચીત અનેક રાજકીય સંકેતો આપી રહી છે. પક્ષમાં ચાલી રહેલા ઉથલપાથલના સંદર્ભમાં બંને નેતાઓ વચ્ચેની આ વાતચીતને મહત્વપૂર્ણ માનવામાં આવી રહી છે. પ્રફુલ પટેલે એમ પણ કહ્યું હતું કે રાજકીય મતભેદો હોવા છતાં, તેમનો NCP (SP) ના વડા શરદ પવાર સાથે સૌહાર્દપૂર્ણ અને પારિવારિક સંબંધ છે, અને તેમની વચ્ચે ક્યારેય કોઈ કડવાશ રહી નથી.
આ પણ વાંચોઃ FB લાઈવ દરમિયાન આદિવાસી નેતા નિશા ભગતે જીવન ટૂંકાવ્યુ, સીબીઆઈ તપાસની માંગ